YUUKA 34
34
Maboo a Kavii a Mawe
(Nku 10:1-5)
1Naasa Nndumi Iruva kavia Mose, Basha maboo avii a mawe avakye alya a mbee neeny nshereiyaa yoo maboony yoo marero alya ekee maboony alya a mbee alya kuleababara, 2ngama kukooye kwammaa yaadeesya, na ngama yeyo kusaame na kunu ifumbuny lya Sinai, kushe kwakwa kunu urorony lwa ifumbu. 3Kulave nndu asaama neewe, nta kulave nndu alollyo ando koose kunu ifumbuny-fo nta moonri ao ng'umbe tilaiswa yoo mbee ya ifumbu-fo. 4Nawe kabasha maboo avii avakye alya a mbee; na Mose kakwiipoo ngama nraaasi, kasaama ifumbuny lya Sinai, shaasa Nndumi Iruva alembavasya, keenda eerye maboo yoo avii efo wokony lwakwe.
5Nndumi Iruva kaoloka akee efo ifishiny, kasalala-fo nawe kavambisa irina lya Nndumi Iruva. 6Nndumi Iruva keera mbee yakwe, kafua, Nndumi Iruva, woi Nndumi Iruva wa isarya muni ilyilya, nalakee mwaangu irooyo ni ngoo, mwisarya na wa dede, 7mwilyilya vandu vakwe fiku na fiku, mwisarya ukasha na uravi na ulyamari, nta nalakee mwekennya nndu nravi sheelyi nnakee mwirenga mwitaiya vana ulyamari lwa vandeye, na vana va vana vawo-da, fika irika lya kararu naa llya kaana. 8Mose kaangusya kafiikya nrwe fika si kafiirya ndi. 9Kaamba, “Kwakooya ulaalu shambona ikiiyo efo usanguny lwafo, woi Nndumi Iruva shakutereva woi Nndumi enda neese, mashika eva ni vandu vatiri singo shuumu; kulusarye uravi lweru na ulyamari lweru, kuluvike luve dingu yafo.”
Kyaasa Kyavikwa Wiyya
(Yuu 23:14-19; Nku 7:1-5; 16:1-17)
10Kaamba, “Lola nshevikaa kyaasa; mbee ya vandu vakwa woose mmbo nshetanaa ngyende, ilandetanyike ulaniny koose, nta kwa ufyari lwa vandu vengyi woose, na vandu woose yewo kukee nawo vashelolyaa mashora a Nndumi Iruva, mashika ni irero iniini nshekutannya.” 11Ringa irero elyi shikuvavasya inu, lola yoo mbee yafo shuumbuteu Mwamori, na Mkanaani, Mhiti, na Mperizi na Mhiti na Myebusi. 12Kukwiise kumuni kulashelya na vandu va uruka elo efo mukeenda ilasheeva nsindara kwafo. 13Kyeendi kushesambwaa fitara fyawo fyerasya, neefisha fisha ngo tawo, neemamanya maruva awo a kyika Ashera. 14Mashika nkivaa kwiinndye Iruva lyingyi-fo, mashika Nndumi Iruva yeto irina lyakwe lyikee ni wa kififi, ni Iruva atiri kififi. 15Kulalye mma na vandu va uruka elo-fo, vandu vandetuusa na maruva awo na iyuutya firaso nndu nakuvaange kundelya kiraso kyakwe. 16Koorise vana vafo sambura ta efo, na sambura tawo vashetana utuusi na maruva awo, na yoomwa vasero vatane indo na maruva awo. 17Kulakusongosye maruva a yeeta na muro.
18Suku kuu yeyo ya mikate ilakee mitarang'e mmbo kusheitiraa, mmbo kusheilyaa mikate ilatiri ntarang'o ando a mikonu mfungare, shaasa shilekuwavasya, fyeeri filya fya kyaasa, llyo mwiiri wa Abibu, mshika mmbo kuleuka Misri mwiiri yeto wa Abibu. 19Ekyo kyoose kipooka iwonika nkyakwa, vana va kyuumi na findo fyevikya fyoose fya kyuumi fya ng'umbe na moonri. 20Na yekyo kibookye iwonika kya nshungu mmbo kushekiwouwaa na ngurana ya suva; kyeendi kwakooya kulakunndye ikiwouwa, mmbo kuufisha singo. Vana vafo vavee woose mmbo kushevauwaa. Nta nkwifoo nta umwi asheshaa mbee yakwa na maako aruu-fo. 21Mmbo kurundaa mashora ando a mikonu irindaru na yoo nkonu wa mfungare mmbo kushiimuyaa, kyeeri kyeerema nrema, na kyeeri kya yuulula-da, mmbo kushiimuya. 22Neewe mmbo kushetiraa suku kuu ya fimu, nayo ni ya fimu fya mbee fya nganu na suku kuu yeesanyirya findo fya masiiyony a mwaaka. 23Kararu wo mwaka mmbo kushaa mbee ya Nndumi Iruva, Iruva wa Israeli. 24Mashika yeny nshoombuta ngyiufyari ta vandu mbee yafo, na yeenngera uruka lwafo, na nkwifoo nta nndu umwi ashelangaa uruka lwafo-fo, kyeeri ekyo kusherwaa indefika mbee ya Nndumi Iruva wa Iruva wafo-fo kararu wo mwaka. 25Kulasheende samu ya kiraso kyakwa ando amwi, na nkate utiri ntarango'fo, na kiraso ekyo kya suku-kuu ya pasaka ilalale fika elyi lya ngama-fo. 26Fimu fya mbee fya firaso fya mbee fya uruka lwafo mmbo kufyendee na ifivika mmba ya Nndumi Iruva we Iruva wafo. Kulakorye nyama ya mburu maleleny a maye. 27Nndumi Iruva kavia Mose, “Reiya marero yaa; mashika yeny shammbika kyaasa neewe na ndo amwi na Israeli, kunu marerony yaa.” 28Nawe mmbo ekee na Nndumi Iruva ando a mikonu makumi aana kio na nsanyiny, nalakomba kyenga nta mura. Nawe kareiya efo maboony yoo, marero yoo a kyaasa ng'ngu mavavaso yoo.
Mose Ooloka Ooka Ifumbuny lya Sinai
29Naasa kyeeri Mose aleoloka ifumbuny lya Sinai, na maboo alya avii efo wokony lwakwe Mose, kyeeri aleoloka, efo ifumbuu, Mose nnyalemanya sheeli kisangu kyakwe kyekeemika-fo, mashika llya Iruva alerera nawe. 30Naasa kyeeri Aron na vana va Israeli valelollya kisangu kya Mose, ate mmbo kikeemika, nawo vakeereya inserikya. 31Mose kavavaanga, Aron na vamiku woose va ironda lyilya vakammbuiya, lyo Mose karera nawo, 32Naasa llyo vana va Israeli vakasembeya kufii, kabooka ivaongoya mbony toose Nndumi Iruva alemmbia kulya ifumbuny lya Sinai. 33Na Mose llya alemaa irera nawo kasikya kisangu kyakwe na soori. 34Naasa wo kyeeri Mose aleenda irera na Nndumi Iruva kautaa soori ilya kutani aukafo, kaukau kandevia vana va Israeli marero moose alevio. 35Vana va Israeli vakalollya kisangu kya Mose mmbo kikee mika, naasa Mose kavikau lyingi soori, fika kyeeri ashereraa lyingyi na Iruva.
Currently Selected:
YUUKA 34: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
YUUKA 34
34
Maboo a Kavii a Mawe
(Nku 10:1-5)
1Naasa Nndumi Iruva kavia Mose, Basha maboo avii a mawe avakye alya a mbee neeny nshereiyaa yoo maboony yoo marero alya ekee maboony alya a mbee alya kuleababara, 2ngama kukooye kwammaa yaadeesya, na ngama yeyo kusaame na kunu ifumbuny lya Sinai, kushe kwakwa kunu urorony lwa ifumbu. 3Kulave nndu asaama neewe, nta kulave nndu alollyo ando koose kunu ifumbuny-fo nta moonri ao ng'umbe tilaiswa yoo mbee ya ifumbu-fo. 4Nawe kabasha maboo avii avakye alya a mbee; na Mose kakwiipoo ngama nraaasi, kasaama ifumbuny lya Sinai, shaasa Nndumi Iruva alembavasya, keenda eerye maboo yoo avii efo wokony lwakwe.
5Nndumi Iruva kaoloka akee efo ifishiny, kasalala-fo nawe kavambisa irina lya Nndumi Iruva. 6Nndumi Iruva keera mbee yakwe, kafua, Nndumi Iruva, woi Nndumi Iruva wa isarya muni ilyilya, nalakee mwaangu irooyo ni ngoo, mwisarya na wa dede, 7mwilyilya vandu vakwe fiku na fiku, mwisarya ukasha na uravi na ulyamari, nta nalakee mwekennya nndu nravi sheelyi nnakee mwirenga mwitaiya vana ulyamari lwa vandeye, na vana va vana vawo-da, fika irika lya kararu naa llya kaana. 8Mose kaangusya kafiikya nrwe fika si kafiirya ndi. 9Kaamba, “Kwakooya ulaalu shambona ikiiyo efo usanguny lwafo, woi Nndumi Iruva shakutereva woi Nndumi enda neese, mashika eva ni vandu vatiri singo shuumu; kulusarye uravi lweru na ulyamari lweru, kuluvike luve dingu yafo.”
Kyaasa Kyavikwa Wiyya
(Yuu 23:14-19; Nku 7:1-5; 16:1-17)
10Kaamba, “Lola nshevikaa kyaasa; mbee ya vandu vakwa woose mmbo nshetanaa ngyende, ilandetanyike ulaniny koose, nta kwa ufyari lwa vandu vengyi woose, na vandu woose yewo kukee nawo vashelolyaa mashora a Nndumi Iruva, mashika ni irero iniini nshekutannya.” 11Ringa irero elyi shikuvavasya inu, lola yoo mbee yafo shuumbuteu Mwamori, na Mkanaani, Mhiti, na Mperizi na Mhiti na Myebusi. 12Kukwiise kumuni kulashelya na vandu va uruka elo efo mukeenda ilasheeva nsindara kwafo. 13Kyeendi kushesambwaa fitara fyawo fyerasya, neefisha fisha ngo tawo, neemamanya maruva awo a kyika Ashera. 14Mashika nkivaa kwiinndye Iruva lyingyi-fo, mashika Nndumi Iruva yeto irina lyakwe lyikee ni wa kififi, ni Iruva atiri kififi. 15Kulalye mma na vandu va uruka elo-fo, vandu vandetuusa na maruva awo na iyuutya firaso nndu nakuvaange kundelya kiraso kyakwe. 16Koorise vana vafo sambura ta efo, na sambura tawo vashetana utuusi na maruva awo, na yoomwa vasero vatane indo na maruva awo. 17Kulakusongosye maruva a yeeta na muro.
18Suku kuu yeyo ya mikate ilakee mitarang'e mmbo kusheitiraa, mmbo kusheilyaa mikate ilatiri ntarang'o ando a mikonu mfungare, shaasa shilekuwavasya, fyeeri filya fya kyaasa, llyo mwiiri wa Abibu, mshika mmbo kuleuka Misri mwiiri yeto wa Abibu. 19Ekyo kyoose kipooka iwonika nkyakwa, vana va kyuumi na findo fyevikya fyoose fya kyuumi fya ng'umbe na moonri. 20Na yekyo kibookye iwonika kya nshungu mmbo kushekiwouwaa na ngurana ya suva; kyeendi kwakooya kulakunndye ikiwouwa, mmbo kuufisha singo. Vana vafo vavee woose mmbo kushevauwaa. Nta nkwifoo nta umwi asheshaa mbee yakwa na maako aruu-fo. 21Mmbo kurundaa mashora ando a mikonu irindaru na yoo nkonu wa mfungare mmbo kushiimuyaa, kyeeri kyeerema nrema, na kyeeri kya yuulula-da, mmbo kushiimuya. 22Neewe mmbo kushetiraa suku kuu ya fimu, nayo ni ya fimu fya mbee fya nganu na suku kuu yeesanyirya findo fya masiiyony a mwaaka. 23Kararu wo mwaka mmbo kushaa mbee ya Nndumi Iruva, Iruva wa Israeli. 24Mashika yeny nshoombuta ngyiufyari ta vandu mbee yafo, na yeenngera uruka lwafo, na nkwifoo nta nndu umwi ashelangaa uruka lwafo-fo, kyeeri ekyo kusherwaa indefika mbee ya Nndumi Iruva wa Iruva wafo-fo kararu wo mwaka. 25Kulasheende samu ya kiraso kyakwa ando amwi, na nkate utiri ntarango'fo, na kiraso ekyo kya suku-kuu ya pasaka ilalale fika elyi lya ngama-fo. 26Fimu fya mbee fya firaso fya mbee fya uruka lwafo mmbo kufyendee na ifivika mmba ya Nndumi Iruva we Iruva wafo. Kulakorye nyama ya mburu maleleny a maye. 27Nndumi Iruva kavia Mose, “Reiya marero yaa; mashika yeny shammbika kyaasa neewe na ndo amwi na Israeli, kunu marerony yaa.” 28Nawe mmbo ekee na Nndumi Iruva ando a mikonu makumi aana kio na nsanyiny, nalakomba kyenga nta mura. Nawe kareiya efo maboony yoo, marero yoo a kyaasa ng'ngu mavavaso yoo.
Mose Ooloka Ooka Ifumbuny lya Sinai
29Naasa kyeeri Mose aleoloka ifumbuny lya Sinai, na maboo alya avii efo wokony lwakwe Mose, kyeeri aleoloka, efo ifumbuu, Mose nnyalemanya sheeli kisangu kyakwe kyekeemika-fo, mashika llya Iruva alerera nawe. 30Naasa kyeeri Aron na vana va Israeli valelollya kisangu kya Mose, ate mmbo kikeemika, nawo vakeereya inserikya. 31Mose kavavaanga, Aron na vamiku woose va ironda lyilya vakammbuiya, lyo Mose karera nawo, 32Naasa llyo vana va Israeli vakasembeya kufii, kabooka ivaongoya mbony toose Nndumi Iruva alemmbia kulya ifumbuny lya Sinai. 33Na Mose llya alemaa irera nawo kasikya kisangu kyakwe na soori. 34Naasa wo kyeeri Mose aleenda irera na Nndumi Iruva kautaa soori ilya kutani aukafo, kaukau kandevia vana va Israeli marero moose alevio. 35Vana va Israeli vakalollya kisangu kya Mose mmbo kikee mika, naasa Mose kavikau lyingi soori, fika kyeeri ashereraa lyingyi na Iruva.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.