YUUKA 11

Mose Asenda Ufu lwa Vana va Mbee

1Nndumi Iruva kavia Mose, “Ulaalu yiifo ngapo imwi yasaa-fo, nayo nsheyenngyee Farao na Misri shoose, na numa ya vayo ashemuningaa mumu muuke kunu, nawe kyeeri ashemuningaa mumu mmbo ashemuumbutaa deny muuke kunu.” 2Naasa yewe rerya vandu yeva veete wo nndu nndumi na uroye na wo nndu nka na uroye navie yeto ungyi nanningye fiiya fya saabu na fya fesa. 3Nndumi Iruva kaelelisa Vamisri vakavairikkya, kilanya yeekyo Mose kava nndu wa itumbe deny kulya Misri mbee ya varundi va Farao na mbee ya vandu vakwe.

4Mose kaamba, “Nndumi Iruva mmbo aamba indi, ‘Kwikee kio nnang'ani mmbo nshiraa kwa Vamisri, 5na vana vavee woose va Misri mmbo vashefwaa, kupookye mwana mmbee wa Farao yeto muya umangyi, kutani kwafikkya mwana mbee wa kishinga yekyo kyitiri iwe lyesa nswa, na kindo kivee kyoose kya findo fya mmba na mafisi a ngoroshony. 6Llyoony kushekaa-fo kiiyo kiniini urukeny lwa Misri koose, kulaore kilenkaa-fo uka elyo, nta nkishelollywaa-se sheekyo-fo.’ 7Kyeendi efo kwa vana va Israeli nta kite kyeni nkishesomutaa ulumi-fo, nta findo fyawo-fo, nkyo naambo mushelollya shaasa Nndumi Iruva arauwaa Vamisri na Vaisraeli, 8Na varundi yewo vafo vasheshisheyaa yeny, na ishifiirya ndi, veshaamba, ‘Kweete yewe na vandu yeva vafo woose; numa ya vayo neeny nsheuka-fo, Naasa kauka kwa Farao eetirwa nnyashi nnu.’”

9Nndumi Iruva kavia Mose, “Farao nyashemwaarannya-fo, naambo ngyende takwa tishefumbuka urukeny lwa Misri.” 10Mose na Aron vakatana ngyende yeto toose mbee ya Farao. Nndumi Iruva kaumisa nrima wa Farao, nawe nalaniinge vana va Israeli mumu wa yuuka urukeny lwakwe.

Currently Selected:

YUUKA 11: MAS2

Highlight

Copy