YUUKA 1
1
Vaisraeli Valyiswa Ukyiva Misri
1Marina a vana va kyuumi va Yakobo valeanga Misri, wo nndu na vammba yakwe amwi nawe mmbo yeva. 2Ruben, na Simeon, na Levi, na Yuda; 3na Iskari, na Sabulon, na Benyaminy; 4na Dani, na Naftali, na Gadi na Asheri. 5Na vandu woose valya vaukye kwa Yakobo ni makumi mfungare; na Yosefu we mmbwe eto ekee efo Misri uka elyo. 6Yosefu kafwa na vana va maye woose, na vandu woose va irika llya. 7Na ngyeeri ya Israeli mmbo vekeefwarika deny, neefumbuka nnu, na yeengera iva veengyi, vakaengera itira finya, na uruka lulya lukaishurwa niwo.
8Naasa kashekwipoo Mangyi kashillya Misri, naleishi Yosefu, 9Kavia vandu vakwe, “Loleny, vandu va vana va Israeli ni veengyi, nawo vakatira finya ngota yese. 10Kyasia! Luruuye nshia ya iima, valashefumbuka; na lyingyi, ikasha fira, nawo valashekutira na vakiduva veru vakapani neese, na yuuka urukeny elu.” 11Naasa, vakavika vevasalallya naambo vavalyise ukiva na mario awo. Nawo vakatannya Farao miri yeevika firaambu nnyo Pitomu na Remesesi. 12Kyeendi shaasa valeengera ivalyisa ukiva niindo valeengera ifumbuka na yeengera ikwaana urukeny. Nawo vakasuwa kimaruma kya vana va Israeli. 13Vamisri vakasisya vana va Israeli kwa wiitiki; 14vakaallwa suku tawo tikavava kimaruma kya mashora maroo, mashora a yeela, lya mmba na matofwari, na mashora moose a mareminy, mashoreny yoo moose mmbo valevasisya kwa unyaasi.
15Naasa, mangyi ya Misri karera na vakyeku va mwana wa Vaebrania, umwi irina lyakwe ni Shifra, na wa kavii irina lyakwe ni Pua; 16Kaamba, “Kyeeri mukeekkya vaka va Kiebrania elyi vakeira vana, kwankooya ni mwana wa womi, naasa mmbwaeny. Kyeendi kwankooya ni wa kyika, we nakee na muu.” 17Kyeendi vakyeku yewo va mwana vekee vandu veereiye Iruva, valatani shaasa valevavasywa ni mangyi ya Misri, nawo vakara vana yewo va kyuumi na muu. 18Naasa, mangyi wa Misri kavaanga vakyeku ewo va mwana kavavesa, “Nkyiki elyi mukeetana indo, mukara vana va kyuumi vakae na muu?” 19Vakyeku va mwana vakavia Farao, “Mmashika yewo va Kiebrania nshi sha vaka va Ki-misri-fo; yewo mmbo vakee vatakusu, wo mmbo vawonaa mwana kulaore nkyeku wa mwana ansha.” 20Naasa, Iruva katannya vakyeku va mwana mesha, na vandu yewo vakaengereka nnu, vakeenda mbee na yeengera itira finya nnu. 21Mashika llya vakyeku va vana vekee vandu vaereiye Iruva, Iruva kavavikkya mbora, vana va Israeli vakeengereka nnu. 22Naasa Farao kavavasya vandu vakwe kavavia, “Wo mwana wa kyuumi awonikaa mmbo asheerwaa mureny wa Naili na wo mwana wa kyika, we narewa na muu.”
Currently Selected:
YUUKA 1: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
