MWIILOSHA 10
10
1Nri tifiiye mmbo tareesa mafura mesha afwaamaa;
Na urung'ani wunnywa nsele,
Mmbo lushiidimaa yeende usutu nnang;ani ya vandu varango.
2Nrima wa nndu nnrango mmbo utanaa filya fisumani,
Na wa nndu nrung'ani ukareta shia.
3Naakwa asheenda efo shia, nndu nrung'ani mmbo amanyikaa,
Kamanyisyo wo nndu, sheelyi we ni nndu nrung'ani.
4Nshilyi kakurosya nyashi, yewe kulakunyaffwe-fo;
Ikunyiisa lyaidima ifweerisa mwaandu nniini.
5Mmbo shilelollya ukasha uniini yaa ulaniny, shalollya mmbo luukye yefo kwaveeshillya: 6Vandu varung'ani vakaniingwa mashora a uwe mesha na masimba akeepalwa. 7Shilelollya vafungwa vesaamyi frasi, na masimba esheendaa na marende sha mashinga.
8Mwiisuma irina mmbwe muni ashoolokaa-fo,
Neeto mwiifisha isimamba mmbo amaarwa nshoka.
9Mwiipasha mawe adoshwaa mfipalangasha fya mawe,
Mwiipara-ngwi akwiise finaana fya ngwi.
10Kyaara kyeepara-ngwi kilakee kiinwe ni maariso,
11Kwakwiisa kwammaa imaarwa nshoka,
Mbusha nkwi ikai?
12Marero a nndu nnrango mmbo asaleesa nndu,
Indi nndu nrung'ani nnyatuulwa ni marero akwe muni.
13Nndu nrung'ani mmbo apooka irera marero a utondo,
Kawuya kainutya na ukwale ukasha.
14Marero meengyi ni a nndu nrung'ani.
Nkwiifo nndu wa vandu ashiidimaa imanya efyo fisheshaa-fo,
Nta imanya efyo fishetanyikaa numa yakwe-fo.
15Marero a nndu nrung'ani, ni mashora akwe muni,
Nta iwuya kyeny, nnyamanyaa shia-fo.
16Woshi lwafo yewe uruka, mangyi wafo akee nkoo,
Na vasongoru vanangwaa nkonu piti
17Ngoma ni yafo yewe uruka, elyi mangyi wafo akee nndu ntele,
Na vasongoru vafo vakava vandu veiindya uramba.
18Kimaruma kya upalolo, mbeeu wa mmba ukapoloka,
Kimaruma kya upalolo mmba mmbo irashaa.
19Shoonga mmbo yeengye nndu kafura,
Na yaallwa nndu kava nkyesi elyi ana mfinyu,
Na fyoose ni elyi nndu atiri fesa.
20Nakwakwakooya kyikee efo nriminy wafo, kularere mangyi kyikasha,
Nta nndu isimba nnakwakwakooya kukee efo kirieny kyelala,
Ndeye ilasheiita unyanga lwafo,
Neefyo firumbukaa nginiiu findeamba mbony tafo.
Currently Selected:
MWIILOSHA 10: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
