VAKOLOSAI 3
3
1Naasa kyimmba mukee varute ando amwi na Kristo, ruuyeny efyo fikee uwe efo Kristo akai, akee rembo woko usha lwa Iruva. 2Kusareny efyo fikee uwe, nshi yefyo fikee kunu si-fo. 3Mashika mmbo mulefwa, na muu wany mmbo ukee nsurumi amwi na Kristo kwa Iruva. 4Kyeeri Kristo asheorwaa paa, yeto akee muu weru, llyo neeni musheorwaa paa ando amwi nawe efo itumbeny.
Muu wa kasha neeto mwiiya
5Kyasia, lakaniny na lango sheesi ta ya ulaniny, utuusi na uravi, na ilanga, llyo iindya maruva a wongo; 6kyeendwa mfindo yefyo unyafi lwa Iruva mmbo lumusheyaa. 7Findony efyo mfo mwekai elyo mbee llya mweifo. 8Lyo ulaalu reny deny efyo, mfyo unyafi, irooyo nngoo, uravi, firumu, na iing'asha filooke kaniny kyany-fo. 9Mulaviani wongo-fo, mashika elyi mwankwaatwa deny unndu lulya lwa mbee ando amwi na mashora a vayo; 10muraa unndu wiiya, yelo lulealuwa wiiya luve lwa ngata ya yeto aleluumba. 11Yoo nkwiiyo Mgriki nta Myuda-fo, irinwa ao ira irinwa-fo, nndu nnrango ao itondo, ishinga ao nndu lleke-fo, mashika Kristo mmbo akee fyoose nnang'ani a fyoose.
12Naasany, kimmba mukee vasauwe va Iruva, veele mukakundwa nnu raeny nrima wa ilyillya, unndu usha, ikunyiisa, ufoo, usisiryo, 13muvesisiryana neesaryana, na kwakooya nndu asuuye na ungyi, shaasa Nndumi alemusarya yeni, neeni kiwo. 14Mmwasi ya fyoose tireny ukundi mashika llo kyeeso kya usongovisi. 15Na urilalyi lwa Kristo lumusalallye miriminy yaany, nkyo mulevaangyo, muveva vandu va kyaanu. 16Irero lya Kristo lyiwalyi-walyi miriminy yaany na waarya loose, muvekulosha na iikimbana na zaburi na fiimbo, na mbony shisongosye yeto tipanaa nrima, kimmba mwansaryo indo muveimbya Iruva miriminy yaany. 17Na wo kindo mutanaa, na kyikava kyeerera ao kyerunda, taniny fyoose na irina lya Nndumi Yesu, muveana Iruva Nde kyeendwa mmbwe.
Kya ekyo kisumanyi muu mwiiya
18Yeni vaka, indyeny vomi vany shaasa kisennyi Nndumi. 19Na yeni vomi kundeny vaka vany nta mulakee na nrima muu nawo-fo. 20Na yeni vana, indyeny vamiku vany kya findo fyoose; mashika ekyi nkyo kisennyi Nndumi. 21Na yeni vande va vana nta mulatavise vana vany, naambo valasheuta pa yoo kwany. 22Na yeni mashinga, irikyen vanndumi yewo vany va yaa ulaniny kya findo fyoose, nta nshi naambo kive kindo kyeelola kya ikukundisa vanduny-fo, kyaindi kive kya nrima muni, mwiireiye Iruva. 23Wo kindo mutanaa kitaniny na nrima deny, sheelyi mwatannya Nndumi muni nta nshi vandu-fo, 24mwiimanyaa sheelyi mmbo mushewaryaa weesi lwany luve ding'u yaany. Mmbo mukerundya Nndumi akee Kristo. 25Mashika yeto mwiitannya vengi fya ukasha mmbo ashetaiywaa kya ukasha lwakwe, nta nnyashesaryoo kya ruu-fo.
Currently Selected:
VAKOLOSAI 3: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
