2 YOHANE 1
1
1Yeny mmiku, shareiya kwa mama na vana vakwe shivakunndye dede deny; nta nshi yeny shimuni-da-fo, kyaindi ni ando amwi na yewo woose vaishi dede yeyo; 2kyeendwa ni dede yeyo ikee nnang'ani yeeru, nayo mmbo ishekaa neese fika llung'anu. 3Isarya na ilyillyo, na unapwe, fyuukye efo kwa Iruva Nde na kwa Yesu Kristo Mwana yeto wa Nde, fikae neese lukee na dede na ukundi.
Ukundi na Dede
4Mmbo shilefura nnu llya shilelollya vana vafo maata vakeenda na dede, kiinani na shaasa lulewarya ivavaso lyuuka kwa Nde. 5Kyasia ulaalu, yewe mama, mmbo shakutereva, nta nshi ivavaso iiya shakureiya-fo, ni lyilya lwetiri uka mapookyony lyeyaamba, lukundani. 6Na elu llo ukundi: Lweende lwisoraa mavavaso akwe. Na elyi llyo ivavaso elyo, shaasa muleita uka mbee naambo mulyilatye. 7Mashika ni vandu veengyi velembaa valensha-fo kunu ulaniny, valashiirikyaa sheelyi Yesu Kristo mmbo akeesha ekee na mwiili. Yeto mmbwe llembi na mwilema Kristo. 8Kwiiseny muveni mulashereta filya muletana, naambo mukooye iwarya isina lyisumani. 9Yeto ailanya kyeeso nalasoraa ufundo lwa Kristo, we nnyatiri Iruva nnang'ani yakwe-fo. Lyo yeto akaa nnang'ani ya ufundo yelo, yeto mmbo atiri Nde na Mwana kiwo. 10Kwakooya nndu asha kwany nalarye ufundo yelo, mulashemwaambya kyeny kwany-fo, nta imwiidikira-fo. 11Mashika yeto amwiidikiraa mmbo aakana na mashora akwe maravi.
Kya ifurumya
12Kimmba shitiri mbony shiingyi, na yeny shilakundye itireiya na kalamu yaa karatasiny, mmbo shivikye nsia wa isha kwany nsherera neeni kana kwa kana, naambo na ifura lyeru lyikooye iinutywa. 13Vana va mwanamau akee nsauwe, vakwiidikira.
Currently Selected:
2 YOHANE 1: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
