2 MBONY TA FYEERI 27
27
Mangyi Yotamu wa Yuda
(2 Vam 15:32-38)
1Yotamu mmbo eva mangyi etiri myaaka makumi avii na iraanu. Kashillya Yerusalemu ando a myaaka ikumi na irindaru. Maaye evaangwa Yerusha mfu wa Sadoki. 2Yotamu mmbo evaka ndeye kwa mitannyi yakwe; ikasenya Nndumi Iruva. Indi-lyo nnyaanga mmba ya Iruva-fo. Vandu vakeengera itana fya ulyamari. 3Yotamu mmbwe etana mwaango wa taari ya ndoo wa mmba ya Iruva, karundya nnu isimamba lya muri wa Yerusalemu uvaangwaa Ofeli. 4Katana miri kulya mafumbuu a yuda, na kundo kutiri nturu katana-fo turuve na minara 5Kakapana fira na mangyi ya Vaamoni, kammbinga we na vandu vakwe. Kyikawa ni kuti vaniingye mangyi Yotamu usanu ando a myaaka iraru; kilogramu ta arera fiku firaru na mayana aana, nganu tani kyiku kyimwi, na shairi kilo kyiku kyimwi, 6Yotamu kava nndu atiri wiidimi kimaruma kya yiinndya Nndumi Iruva, Iruva wakwe. 7Mashora akwe engyi moose mangyi Yotamu atannyi kyeeri kya umangyi lwakwe, mmbo fikee fireiye yefo fitabuny fya mbony ta Vamangyi va Israeli na Yuda. 8Yotamu kyeeri eva mangyi mmbo etiri myaaka makumi avii na iraanu, kashillya Yerusalemu ando a myaaka ikumi na irindaru. 9Kafwa karikwa muriny wa Davidi, na mwana wakwe Ahasi kava mangyi ando akwe.
Currently Selected:
2 MBONY TA FYEERI 27: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
