1 VAMANGYI 16

1Llyo irero lya Nndumi Iruva lyikasheya Yehu mwana wa Hanani kwa Baasha lyikaamba, 2Kimmba yeny shilekuuta efo kilulyiny shakwallwa mwiishillya vandu vakwa Israeli neewe kwashelatya ngyayo ta Yeroboamu na ulyamari lwawo lukasheengye ngoo; 3Mmbo shisamisaa Baasha na vammba yakwe kutani shaallwa mmba yafo ive sha mmba ya Yeroboamu mwana wa Nebati 4Nndu va kwany kafiyya Baasha kunu muriny, mmbo alyiwoo mfite, neeto ashefiyya kulya ndeny mmbo ashelyiwaa nndeye ta nginiiu. 5Naasa mbony shoose ta Baasha tilesaau na tilya alerunda na finya takwe, nkyo! Ntilereiyo efo kyitabun-kya mikonu ya vamangyi va Israeli? 6Baasha kalala na vandeye vakwe, karikwa kulya Tirza, nawe mwana wakwe kashillya ando akwe. 7Lyingyi Irero lya Nndumi Iruva, lyikasha kwa woko lwa nkisuku Yehu mwana wa Hanani uwe ya Baasha na vammba yakwe kimaruma kya makasha moose aletana mbee ya usangu lwa Nndumi Iruva katirwa nngo kya mitannyi ilya ilevaka ya mmba ya Yeroboamu illya aleilyamara.

Mangyi Ela Va Israeli

8Kwikee mwaaka wa makumi avii na karindaru wa Asa mangyi ya Yuda, Ela mwana wa Baasha llyi epooka ishillya Israeli efo Tirza, kashillya myaaka ivii. 9Na ishinga lyakwe Simri, nniini wa mitika, kanndiingya kyeeri eke kulya Tirza enaa kutani anangwa kulya kyeny kwa Arsa, we nshilyi wa mmba ya kulya Tirza; 10Simri kankapa kammbwaa kwikee mwaaka wa makumi avii na mfungare wa Asa mangyi ya Yuda, kashillya ando akwe. 11Kyeeri epooka ishillya, llyoda akaya kitima kya umangyi kavakomba kombi va mmba shoose ya Baasha, kulasaariswa-fo nta nsero umwi, va mmba yakwe nta vambuya vakwe. 12Kweekyo Simri kalyamara mmba shoose ya Baasha, irero lya Nndumi Iruva lyikainukya ndesa lyilerero ni nkisuku Yehu uwe ya Baasha. 13Kimaruma kya ulyamari lwa Baasha na mwana wakwe Ela, ewo valeengye Israeli vakalyamara na Nndumi Iruva, Iruva wa Israeli katirwa nngoo kya mitannyi yaawo mikasha. 14Na mbony shoose ta Ela tilesaariso-fo efo kyitabun kya mikonu kya vamangyi va Israeli.

Mangyi Simri va Israeli

15Kwikee mwaaka wa makumi avii na mfungare wa ushilyi lwa Asa mangyi ya Yuda, Simri kashillya mikonu mfungare efo Tirza. Nalyo vandu venkuumbya amwi naambo vashekapa Gibethoni ulya wa Wafilisti. 16Na vandu valya velele ikamba lya kio vakeeta shelyi anderiingyo mangyi na inkapa kafwa, nawo Israeli woose vakasheallwa Omri nave nniini wa fira na mangyi ya Israeli nkonu ulya mweni. 17Omri kasauwa ooka Gibethoni amwi na Israeli woose vakasheshillya Tirza. 18Nawe Simri ekilollya sheelyi muri wammeishingillyo, kaanga kulya mmba ya kimangyi kaikora na muro, nawe kafiiya-fo. 19Kimaruma kya marekwa alelyamara, netanaa makasha mbee ya Nndumi Iruva, kalatya ngyayo ta Yeroboamu na marekwa akwe aletana na Israeli vakashewa ulyamariny. 20Na mbony shoose ta Simri tilesaau, na umangyi lwakwe aletana, nkyo! Tilereiyo efo kyitabun-kya-mikonu ya vamangyi va Israeli.

Mangyi Omri va Israeli

21Llyo vandu va Israeli vaawa fyenga fivii, kyenga kimwi vakalatya Tibni mwana wa Ginathi, naambo vammbike mangyi; kyenga kyingyi vakalatya Omri. 22Indi vandu valya valelatya Omri vakandevinga valya valelatya Tibni mwana wa Ginathi nawe Tibni kafwa na Omri kashillya ando akwe. 23Kwikee mwaaka wa makumi araru wa ishilyi lwa Asa mangyi ya Yuda, llyo Omri epooka ishillya Israeli, kashillya myaaka ikumi na ivii. Kashillya efo Tirza myaaka irindaru. 24Naasa kaniingya Shemeri talanta ivii ta fesa ta yuura kidooro kya Samaria, na alya uwe ya kidooro kilya katanau muri nato kauvaanga Samaria kyaiindya Shemeri eto mwikumba kidooro ekyo. 25Omri kashetana ukasha mbee ya Nndumi Iruva, katana uravi kairya woose va mbee yakwe. 26Mashika mmbo alelatya ngyayo ta Yeroboamu mwana wa Nebati, na makasha akwe akasheengye Israeli ulyamari na Nndumi Iruva, Iruva wa Israeli katirwa nngoo kya makasha awo. 27Na mbony shoose ta Omri, tilesaa-u na wiidimi lwa mashora akwe aletana, nkyo! Nnyakee mareiye efo kyitabuny-kya-mikonu ya vamangyi va Israeli. 28Omri kalala na vandeye karikwa efo Samaria na Ahabu nsero wakwe kashillya ando akwe.

Ahabu Mangyi wa Israeli

29Ahabu mwana wa Omri mmbo epooka ishillya Israeli kwikee mwaaka wa makumi araru na nyanya wa Asa mangyi ya Yuda. Ahabu mwana wa Omri kashillya Israeli kulya Samaria myaaka makumi avii na ivii. 30Ahabu mwana wa Omri katana fya ukasha mbee ya Nndumi Iruva kailanya woose va mbee yakwe. 31Kashetana ngula deny, kashelatya ngyayo ta Yeroboamu mwana wa Nebati, karwaa Yezebeli mfu wa Ethbaali, mangyi ya Vaisidoni kanderunndya na yiindya Baali. 32Kashetannya Baali masebahu efo mmba ya Baali, mmba etana efo Samaria. 33Ahabu kashevika-fo Ashera; Keengera yeengye Nndumi Iruva, Iruva wa Israeli ngoo kailannya vamangyi woose va Israeli va mbee yakwe. 34Kyeeri kya myaaka yakwe, Hieli Mtishbi katana Yeriko, kakuvambisa-fo deny kyeeri kilya efiiyo ni Segubu mwana wakwe n-du, naambo irero lya Nndumi Iruva lyikooye yiinukya llya alerera kwa Yosua mwana wa Nuni.

Currently Selected:

1 VAMANGYI 16: MAS2

Highlight

Compare

Copy