1 YOHANE 1
1
Irero lya Muu
1Kilya kyeifo uka mapookyony, kilya lulekiita na ikilollya na miso eru, na maako eru akakiwara-wara, kya mbony ta irero lya Iruva lya muu; 2(mmuu ulemmaa ilollywa paa, neese lukalollya lukavevikya-u ukureekyi, na imoongoya yeni mbony ta muu wa llung'anu ukee kwa Iruva Nde, ukalollywa paa kweru). 3Ekyo lulekilollya lukavekiita mmbo lwamoongoya na yeni, naambo na yeni mukooye yaakana neese, na yaakaniswa lyeru ni ando amwi na Nde na Mwana wakwe Yesu Kristo. 4Neese mmbo lwareiya efi, naambo ifura lyeru lyikooye iinutywa.
Iruva ni sa
5Na yei nnyo mbony luleiita kwa Nndumi weeru, lukamwoongoya, sheelyi Iruva mmbwe sa, nta ireema llyishidimaa ikaa kwakwe-fo. 6Kwakooya lwaamba luke yaakana nawe, lyo lukaengera ikaa ireemeny, mmbo lwaamba wongo, nta llwatana ekyo kyikee kya dede-fo; 7lyo kwakooya lweenda seny, shaasa we Nde akee seny, mmbo lushiitanaa luveni na veni, na samu ya Yesu Mwana wa Iruva mmbo yalusangya ulyamari loose. 8Kwakooya lwaamba llutiri ulyamari mmbo lwakulemba luveni, nta dede nnyikee nnang'ani yeeru-fo. 9Lyo kwakooya lwakurya ngyulyamari teru. We mmbo akee nsaari na wa usumanu natani alusarya ngyulyamari teru na ilusangya uravi loose. 10Kwakooya lwaamba llutiri ulyamari, mmbo lwamwaallwa we mwoongo na nta irero lyakwe lyikee nnang'ani yeeru-fo.
Currently Selected:
1 YOHANE 1: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
