1 VAKORINTO 4
4
Urundi lwa Vasu varumi
1Nndu nalulole indi, sheelyi mmbo lukee varundi va Kristo, na vangari vekallya fyama fya Iruva. 2Kyikeeny indo kindo, kiishiwa efo kwa vangari ni nndu ilollyo mmbo akee wa dede. 3Kyaindi yeny nshilollye nkindo kwakooya mwashuutya uvingo-fo, nta na uvingo lwa kivandu-fo, na nta nshikuutyaa uvingo yeny shimuni-fo. 4Mashika nshitiri kimaruma kyeetana indo-fo. Lyo nshikyo kyasheekennya usumanu-fo; mashika mwishuutya uvingo ni Nndumi muni. 5Naasa yeni mulaute uvingo lwa kindo kyoose kyeeri kilandefika-fo, kutani elyi Nndumi ashaa; mmbwe yeto ashemikyaa yefyo fikee fisurumi ireeminy, neesukkwa fyama fyoose fya ngoony ta vandu, llyony, wo nndu ashewonisaa nnduma wakwe efo kwa Iruva.
6Naasany vanavama, mbony yeto mmbo shatirera na fyaaso kimaruma kyakwa yeny na Apolo kimaruma kyany, na kwa kyaaso kyeru yeni mwiidimi ikulosha mure mularekkywa filya fikee fireiye. Naambo nta umwi waany nalakushope kimaruma kya ng'anya kyikee kilakaniso na yeto ungyi. 7Mashika lyo ni-vi yeto alollya yewe nkukee sha yeto ungyi? A-yewe nkyokyi kulandekiwarya? Indi kwakooya kulewarya, mmbo kukung'anisaa inda elyi kulandewarya? 8Mmbo mwammaa iwuura, mwammaa iwarya usimba, mwammaa ishillya lulaiyoo. Yee kyeshiaa, naambo neese lushillye neeni! 9Mashika shikusara Iruva mmbo aleluvika yese varumi yoo mafurumyony, luvake vandu vautye uvingo vandewaawa; luve kindo kyeelola kwa ulana loose, kwa vamalaika na kwa vandu. 10Yese mmbo lukee varung'ani kimaruma kya Kristo, neeni lyo mukava varango kimaruma kya Kristo, yese mmbo lukee vafwafwa, neeni mukatira finya, yeni mmbo mutiri nnduma lyo yese llukeewonisa nta wiindi-fo. 11Na fika ulaalu, mmbo lutirwa nshaa na nyura, lukee ruu, lukeekapwa na ng'unde, nta llutiri ando ekaa-fo; 12na lyingyi mmbo lukeyaatarika nnu lwirundaa mashora na maako eru luveni. Lukaararwa mmbo lwaavikya mbora, lukavaviswa nriminy lukasisirya; 13lukavikyo uree-ree mmbo lwalelemba; mmbo lukee yaaluwa sha kirinda kya ulana na kyoo kya findo fyoose fika ulaalu. 14Nshikeemureiya findo efi naambo shimwiing'ashe-fo; indi naambo shimwikimbe sha vana vakunde. 15Mashika na kyikava mutiri veelosha vafye sha fiku ikumi kwi Kristo, lyo mmutiri vande veengyi-fo. Mashika ni yeny shilemwiira kwi Kristo Yesu kyeendwa ni Nrumi ya Nsia. 16Kyasiany shamwiikima mushisore yeny. 17Nkyo kiteve sharuma Timoteo kwany, we mwana wakwa nkunde na nsaari kwa Nndumi, we mmbwe ashemukumburaa shia shileisora kwi Kristo, shaasa shivekeelosha wo ando efo siriny. 18Naasa kukaa-fo vengyi vakeekushopa veshaamba nshikekisha kwany-fo. 19Lyo nkeesha kwany uviny, shammidimisyo, neeny nshemanya, nshi vakeekushopya marero tupu-fo, kyaindi na finya-da. 20Mashika umangyi lwa Iruva llwiiyoo na marero-fo, kyaindi nna wiidimi. 21A nkyingakyi musauwaa-u? Shasha kwany na mbiiri, a shasha na ikunda na nrima wa ufoo?
Currently Selected:
1 VAKORINTO 4: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
1 VAKORINTO 4
4
Urundi lwa Vasu varumi
1Nndu nalulole indi, sheelyi mmbo lukee varundi va Kristo, na vangari vekallya fyama fya Iruva. 2Kyikeeny indo kindo, kiishiwa efo kwa vangari ni nndu ilollyo mmbo akee wa dede. 3Kyaindi yeny nshilollye nkindo kwakooya mwashuutya uvingo-fo, nta na uvingo lwa kivandu-fo, na nta nshikuutyaa uvingo yeny shimuni-fo. 4Mashika nshitiri kimaruma kyeetana indo-fo. Lyo nshikyo kyasheekennya usumanu-fo; mashika mwishuutya uvingo ni Nndumi muni. 5Naasa yeni mulaute uvingo lwa kindo kyoose kyeeri kilandefika-fo, kutani elyi Nndumi ashaa; mmbwe yeto ashemikyaa yefyo fikee fisurumi ireeminy, neesukkwa fyama fyoose fya ngoony ta vandu, llyony, wo nndu ashewonisaa nnduma wakwe efo kwa Iruva.
6Naasany vanavama, mbony yeto mmbo shatirera na fyaaso kimaruma kyakwa yeny na Apolo kimaruma kyany, na kwa kyaaso kyeru yeni mwiidimi ikulosha mure mularekkywa filya fikee fireiye. Naambo nta umwi waany nalakushope kimaruma kya ng'anya kyikee kilakaniso na yeto ungyi. 7Mashika lyo ni-vi yeto alollya yewe nkukee sha yeto ungyi? A-yewe nkyokyi kulandekiwarya? Indi kwakooya kulewarya, mmbo kukung'anisaa inda elyi kulandewarya? 8Mmbo mwammaa iwuura, mwammaa iwarya usimba, mwammaa ishillya lulaiyoo. Yee kyeshiaa, naambo neese lushillye neeni! 9Mashika shikusara Iruva mmbo aleluvika yese varumi yoo mafurumyony, luvake vandu vautye uvingo vandewaawa; luve kindo kyeelola kwa ulana loose, kwa vamalaika na kwa vandu. 10Yese mmbo lukee varung'ani kimaruma kya Kristo, neeni lyo mukava varango kimaruma kya Kristo, yese mmbo lukee vafwafwa, neeni mukatira finya, yeni mmbo mutiri nnduma lyo yese llukeewonisa nta wiindi-fo. 11Na fika ulaalu, mmbo lutirwa nshaa na nyura, lukee ruu, lukeekapwa na ng'unde, nta llutiri ando ekaa-fo; 12na lyingyi mmbo lukeyaatarika nnu lwirundaa mashora na maako eru luveni. Lukaararwa mmbo lwaavikya mbora, lukavaviswa nriminy lukasisirya; 13lukavikyo uree-ree mmbo lwalelemba; mmbo lukee yaaluwa sha kirinda kya ulana na kyoo kya findo fyoose fika ulaalu. 14Nshikeemureiya findo efi naambo shimwiing'ashe-fo; indi naambo shimwikimbe sha vana vakunde. 15Mashika na kyikava mutiri veelosha vafye sha fiku ikumi kwi Kristo, lyo mmutiri vande veengyi-fo. Mashika ni yeny shilemwiira kwi Kristo Yesu kyeendwa ni Nrumi ya Nsia. 16Kyasiany shamwiikima mushisore yeny. 17Nkyo kiteve sharuma Timoteo kwany, we mwana wakwa nkunde na nsaari kwa Nndumi, we mmbwe ashemukumburaa shia shileisora kwi Kristo, shaasa shivekeelosha wo ando efo siriny. 18Naasa kukaa-fo vengyi vakeekushopa veshaamba nshikekisha kwany-fo. 19Lyo nkeesha kwany uviny, shammidimisyo, neeny nshemanya, nshi vakeekushopya marero tupu-fo, kyaindi na finya-da. 20Mashika umangyi lwa Iruva llwiiyoo na marero-fo, kyaindi nna wiidimi. 21A nkyingakyi musauwaa-u? Shasha kwany na mbiiri, a shasha na ikunda na nrima wa ufoo?
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.