1 VAKORINTO 5
5
Yaanguywa lya Varundi siriny
1Ni dede mmbo kyikee irerwa efo kwany mbony tikakwaana riti, sheelyi kwiifo utuusi lulakee nta kwa vandu va masanga, sheelye nndu nakae na nka wa ndeye. 2Neeni mukarumana, nta mmusukaa-fo, kwakooya ashuuka kwany nndu mwiitana kindo kya ngata efo. 3Mashika lyo dede, kwakooya shilaiyoo na mwiili, lyo shakaa-u kinrima, yeny shimuni mmbo shamma yuutya yeto aletana kindo ekyo uvingo, kimwi sheelyi sheiyo. 4Kyeeri mukusanyirye na irina lya Nndumi weeru Yesu, neeny shikee neeni kwi mumuyo ando amwi na wiidimi lwa Nndumi weeru Yesu. 5Shirambikkye mmbishwa nndu yeto, naambo mwiili ukapwa, indi to nrima ukirwa nkonu yeto wa Nndumi Yesu. 6Irumana lyany nshi isha-fo. Mmbo mulaishi sheelyi ntarang'o munnywa mmbo ushashwa mbumba moose? 7Kyasia, kwiilyiseny, mundeutaa-fo ntarang'o eto wa kasha, muvake mbumba mwiiya, mukae-fo mulatiri ntarang'o. Mashika Pasaka yeeru ilemmaa yuuto ive kiraso, mmbwe Kristo; 8naasany luvike nkonu nnini, nshi wa ntarang'o ulya wa kasha-fo, ao nta nshi na ntarang'o wa uravi na ukasha-fo, kyaindi nkya filya filataran'gaa, llo waa lwa nrima na dede.
9Mmbo shilemureiya kulya barrweny ilya yakwa, kyeyaamba mulasasange na vatuusi-fo. 10Nnshi shikeamba mulasange deny na vatuusi va ulana elu-fo, ao na velanga, ao na vasoki, ao na veindya maruva a wongo-fo; mashika mmbo kyevaa kuti muke-u kunu ulaniny yelu. 11Kyaindi shaasa kyikai, mmbo shilemureiya mulatarannyi na nndu moose akee umwi weeru, akee ntuusi ao mwiilanga ao mwiindya maruva a wongo ao mwiyarara, ao nnangwa ao nsoki-fo. Vandu va ngata yeto mulakunde nta ilya nawo-fo. 12A nkikyi elyi yeny nshuutyaa valya vakee poo uvingo? Yeni mmbo mulakeyuutya uvingo yewo vakee neese? 13Yewo vakee poo ni Iruva ashevautyaa uvingo. Yeto akee nravi muuteny efo nnang'ani yaany.
Currently Selected:
1 VAKORINTO 5: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
1 VAKORINTO 5
5
Yaanguywa lya Varundi siriny
1Ni dede mmbo kyikee irerwa efo kwany mbony tikakwaana riti, sheelyi kwiifo utuusi lulakee nta kwa vandu va masanga, sheelye nndu nakae na nka wa ndeye. 2Neeni mukarumana, nta mmusukaa-fo, kwakooya ashuuka kwany nndu mwiitana kindo kya ngata efo. 3Mashika lyo dede, kwakooya shilaiyoo na mwiili, lyo shakaa-u kinrima, yeny shimuni mmbo shamma yuutya yeto aletana kindo ekyo uvingo, kimwi sheelyi sheiyo. 4Kyeeri mukusanyirye na irina lya Nndumi weeru Yesu, neeny shikee neeni kwi mumuyo ando amwi na wiidimi lwa Nndumi weeru Yesu. 5Shirambikkye mmbishwa nndu yeto, naambo mwiili ukapwa, indi to nrima ukirwa nkonu yeto wa Nndumi Yesu. 6Irumana lyany nshi isha-fo. Mmbo mulaishi sheelyi ntarang'o munnywa mmbo ushashwa mbumba moose? 7Kyasia, kwiilyiseny, mundeutaa-fo ntarang'o eto wa kasha, muvake mbumba mwiiya, mukae-fo mulatiri ntarang'o. Mashika Pasaka yeeru ilemmaa yuuto ive kiraso, mmbwe Kristo; 8naasany luvike nkonu nnini, nshi wa ntarang'o ulya wa kasha-fo, ao nta nshi na ntarang'o wa uravi na ukasha-fo, kyaindi nkya filya filataran'gaa, llo waa lwa nrima na dede.
9Mmbo shilemureiya kulya barrweny ilya yakwa, kyeyaamba mulasasange na vatuusi-fo. 10Nnshi shikeamba mulasange deny na vatuusi va ulana elu-fo, ao na velanga, ao na vasoki, ao na veindya maruva a wongo-fo; mashika mmbo kyevaa kuti muke-u kunu ulaniny yelu. 11Kyaindi shaasa kyikai, mmbo shilemureiya mulatarannyi na nndu moose akee umwi weeru, akee ntuusi ao mwiilanga ao mwiindya maruva a wongo ao mwiyarara, ao nnangwa ao nsoki-fo. Vandu va ngata yeto mulakunde nta ilya nawo-fo. 12A nkikyi elyi yeny nshuutyaa valya vakee poo uvingo? Yeni mmbo mulakeyuutya uvingo yewo vakee neese? 13Yewo vakee poo ni Iruva ashevautyaa uvingo. Yeto akee nravi muuteny efo nnang'ani yaany.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.