1 VAKORINTO 3
3
Fishinga Fya Iruva
1Lyo, vanavama, yeny nshileidima irera neeni sha vandu vatiri ngata ya mumuyo-fo, indi mmbo shilerera neeni sha vandu wa ngata ya mwiiliny, sha fivana fidu kwi Kristo. 2Mmbo shilemuniinga malela, nshilemuninga shoonga shuumu-fo; mashika mmwemiidima iilya-fo. Yee, fika ulaalu mmwaleidima-fo. 3Mashika fika ulaalu yeni mmbo mukee vandu va ngata ya mwiiliny. Mashika kwany kwiifo kififi na uriingyi. Yeni nshi vandu va ngata ya mwiiliny, na lyingyi mukeenda na ngata ya kivandu? 4Mashika yoo nndu umwi ashiidimaa yaamba, yeny shikee wa Paulo, na ungyi, yeny ni wa Apolo, a yeni mmukee vandu? 5Kyasia Apolo mmbi? Na Paulo mmbi? Ni varundi, yeni mulekusirya kimaruma kyawo, na shaasa wo umwi Nndumi alemwidimisya. 6Yeny mmbo shilevaaya Apolo siri; lyo yeto mwirosa ni Iruva. 7Kwa ekyo, mwivaaya nshi kindo-fo nta yeto anisaa-fo, kuuta yeto arosaa, mmbwe Iruva. 8Naasany yeto akeevaaya na yeto akeenisa mmbo vakee vamwi, na wo nndu mmbo ashewonisaa weesi lwakwe muni kiinani na ngatara yakwe muni. 9Mashika lyo yese mmbo lukee varundi ando amwi na Iruva; yeni mmbo mukee irema lya Iruva, mukaveva mmba ya Iruva.
10Kiinani na isarya lya Iruva shilelyimmyo, yeny, shivakye mwiitana mmba atiri urango, mmbo shileveiya uvasha, na nndu ungyi mmbo akeetannya-u mmba. Kyaindi wo umwi kuti nalole shaasa atannyaa yoo uvasheny elo. 11Mashika nkwiifo nndu ashiidimaa ivika uvasha lungyi-fo, kuuta yelo lulemmaa ivikwa, llo Yesu Kristo. 12Llyo yoo uvasheny yelo nndu katannya-u, saabu ao fesa ao mawe a wuuru, ao firi ao mamburu ao nyasi, ishora llya wo umwi lyishekooraa paa. 13Mashika nkonu yeto ishesukuwa, mashika mmbo isheetwaa murony, na muro yeto nto usheesaa ishora lya wo umwi woore nnya ngata-ki. 14Ishora lya nndu yelyo atannyi-u lyikansalala, ashewonisaa itumbe. 15Ishora lya nndu lyikanrumaka, afwaa mmwasi nndu yeto; kyaindi ikirwa lyakwe lyishevaa sha nndu aturunya murony.
16A mmbo mulaishi sheelyi yeni ni mmba ya Iruva, na lyingyi sheelyi Mumuyo wa Iruva mmbo akaa nnang'ani yaany? 17Kwakooya nndu alyamara mmba ya Iruva, na Iruva mmbo ashelyamaraa nndu yeto. Mashika mmba ya Iruva nsheele nnyo yeni. 18Nndu nalashekulemba we muni; kwakooya nndu akulollye we muni mmbo atiri urango yaa ulaniny elu, nkyeni nave ntondo naambo nave nndango. 19Mashika urango lwa ulana yelu ni urung'ani mbee ya Iruva. Mashika kyikee kyireiye kyeaamba. We mmbwe yeto areiya varango na mireiyo yaawo. 20Na lyingyi, Nndumi eeshi makusaro a yewo vatiri urango sheelyi ni ruu. 21Naasany, nndu nalakurose kimaruma kya vandu-fo. Mashika fyoose mfyany; 22kwakooya ni Paulo, ao Apolo, ao Kefa; ao ulana; ao muu, ao filya fiiyoo ulaalu ao filyaa fishaa, fyoose mfyany; 23neeni mmbo mukee va Kristo, na Kristo mmbwa Iruva.
Currently Selected:
1 VAKORINTO 3: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
1 VAKORINTO 3
3
Fishinga Fya Iruva
1Lyo, vanavama, yeny nshileidima irera neeni sha vandu vatiri ngata ya mumuyo-fo, indi mmbo shilerera neeni sha vandu wa ngata ya mwiiliny, sha fivana fidu kwi Kristo. 2Mmbo shilemuniinga malela, nshilemuninga shoonga shuumu-fo; mashika mmwemiidima iilya-fo. Yee, fika ulaalu mmwaleidima-fo. 3Mashika fika ulaalu yeni mmbo mukee vandu va ngata ya mwiiliny. Mashika kwany kwiifo kififi na uriingyi. Yeni nshi vandu va ngata ya mwiiliny, na lyingyi mukeenda na ngata ya kivandu? 4Mashika yoo nndu umwi ashiidimaa yaamba, yeny shikee wa Paulo, na ungyi, yeny ni wa Apolo, a yeni mmukee vandu? 5Kyasia Apolo mmbi? Na Paulo mmbi? Ni varundi, yeni mulekusirya kimaruma kyawo, na shaasa wo umwi Nndumi alemwidimisya. 6Yeny mmbo shilevaaya Apolo siri; lyo yeto mwirosa ni Iruva. 7Kwa ekyo, mwivaaya nshi kindo-fo nta yeto anisaa-fo, kuuta yeto arosaa, mmbwe Iruva. 8Naasany yeto akeevaaya na yeto akeenisa mmbo vakee vamwi, na wo nndu mmbo ashewonisaa weesi lwakwe muni kiinani na ngatara yakwe muni. 9Mashika lyo yese mmbo lukee varundi ando amwi na Iruva; yeni mmbo mukee irema lya Iruva, mukaveva mmba ya Iruva.
10Kiinani na isarya lya Iruva shilelyimmyo, yeny, shivakye mwiitana mmba atiri urango, mmbo shileveiya uvasha, na nndu ungyi mmbo akeetannya-u mmba. Kyaindi wo umwi kuti nalole shaasa atannyaa yoo uvasheny elo. 11Mashika nkwiifo nndu ashiidimaa ivika uvasha lungyi-fo, kuuta yelo lulemmaa ivikwa, llo Yesu Kristo. 12Llyo yoo uvasheny yelo nndu katannya-u, saabu ao fesa ao mawe a wuuru, ao firi ao mamburu ao nyasi, ishora llya wo umwi lyishekooraa paa. 13Mashika nkonu yeto ishesukuwa, mashika mmbo isheetwaa murony, na muro yeto nto usheesaa ishora lya wo umwi woore nnya ngata-ki. 14Ishora lya nndu yelyo atannyi-u lyikansalala, ashewonisaa itumbe. 15Ishora lya nndu lyikanrumaka, afwaa mmwasi nndu yeto; kyaindi ikirwa lyakwe lyishevaa sha nndu aturunya murony.
16A mmbo mulaishi sheelyi yeni ni mmba ya Iruva, na lyingyi sheelyi Mumuyo wa Iruva mmbo akaa nnang'ani yaany? 17Kwakooya nndu alyamara mmba ya Iruva, na Iruva mmbo ashelyamaraa nndu yeto. Mashika mmba ya Iruva nsheele nnyo yeni. 18Nndu nalashekulemba we muni; kwakooya nndu akulollye we muni mmbo atiri urango yaa ulaniny elu, nkyeni nave ntondo naambo nave nndango. 19Mashika urango lwa ulana yelu ni urung'ani mbee ya Iruva. Mashika kyikee kyireiye kyeaamba. We mmbwe yeto areiya varango na mireiyo yaawo. 20Na lyingyi, Nndumi eeshi makusaro a yewo vatiri urango sheelyi ni ruu. 21Naasany, nndu nalakurose kimaruma kya vandu-fo. Mashika fyoose mfyany; 22kwakooya ni Paulo, ao Apolo, ao Kefa; ao ulana; ao muu, ao filya fiiyoo ulaalu ao filyaa fishaa, fyoose mfyany; 23neeni mmbo mukee va Kristo, na Kristo mmbwa Iruva.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.