1 MBONY TA FYEERI 24

Mashora a vakohani

1Yeva mmbo vandu vaparikye yefo mmba ya Aron. Aron mmbo etiri vana vaana; Nadabu, Abihu, Eleasari na Itamari. 2Nadabu na Abihu vakafwa mbee ya nde-yaawo, nta kulare vantira vana, kwekyo vana va maye Eleasari na Itamari vakava vakohani. 3Mangyi Davidi, kasheseleesa vana va Aron, ngata vawonikye, na ilatya mashora awo. Nndu emweekya ishora yelyi ni, Sadoki mwana wa Eliesari, na Ahimeleki mwana wa Itamari: 4Kimmba veifo vasongoru veengi va kyuumi va mmba ya Itamari, mmba ya Eleasari mmbo yeseleeswa kwa vasongoru ikumi na varindaru, na va mmba ya Itamari ikaseleeswa kwa vasongoru nyanya. 5Kimmba veiyo vasongoru, na varundi va mashora yaa meele, mmba yeti ivii ya Eleasari na Itamari mmbo tekapywa kura. 6Nawe Shemaya mwana wa Natanieli, mwiireiya mbony, ekee Nlevi, kareiya ngyufyari yeti mbee ya mangyi Davidi, vaniini vakwe, nkohani Sadoki, Ahimeleki mwana wa Abiatari na vasongoru va mmba ta makohani na ta Valevi. Ufyari lwa Eliasari mmbo lweniingwa kura ivii, na ufyari lwa Itamari kura imwi. 7Kura ya mbee mmbo yewoya Yehoiaribu, ya kavii Yedaya 8ya kararu Harimu, ya kaana Seorimu, 9ya karaanu Malkia, ya karindaru Miyamini, 10ya mfungare Hakosi, ya nyanya Abiya, 11ya kyeenda Yeshua ya ikumi Shekania, 12ya ikumi na lyimwi Eliashibu, ya ikumi na kavii Yakimu, 13ya ikumi na kararu Hupa, ya ikumi na kaana Yeshebeabu, 14ya ikumi na karaanu Bilka, ya ikumi na krindaru Imeri, 15Ya ikumi na mfungare Hesiri, ya ikumi na nyanya Hapisesi 16ya ikumi na kyeenda Petahia, ya makumi avii Yeheskeli, 17ya makumi avii na lyimwi Yakini, ya makumi avii na kavii Kamuli, 18ya makumi avii na kararu Delaya ya makumi avii na kaana Measia.

19Yeva mmbo vereiywa kweelatya ngata mashora awo, naambo vakooye yaanga yefo mmba ya Nndumi Iruva indeniingya-fo nndumwa, velatyaa uramba llwa lwemmbikwa nsaawoye waawo Aron, ngata evavasywa ni Nndumi Iruva, Iruva wa Israeli.

Uramba lungyi lwa Valevi

20Yeva mmbo vana vengyi va Valevi; Umwi wa vana va Amramu ekee Shubaeli; wa Shubaeli ekee Yedeya. 21Umwi wa vana va Rehabia ekee Ishio nsongoru wa ufyari. 22Umwi wa vana va Ishio ekee Shelomoti na wa vana va Shelomoti ekee Yahati 23Vana va Yebroni vekee; Yeria wa mbee, Amaria wa kavii Yahaseeeli wa kararu, Yakameamu wa kaana. 24Umwi wa vana va Usieli ekee Mika. Umwi wa vana va Mika ekee Shamire. 25Umwi wa vana va Ishia mwanamaye wa Mika ekee Sekaria. 26Vana va Merari: Mahli, Mushi, na Yaasia; 27Vana va Merari kwa nsero wakwe Yasia; Shohamu, Sakuri na Ibri. 28Vana va Mahli; Eleasar yeu nnyewonisa mwana-fo. 29Kishi yeu etiri mwana umwi Yerameeli. 30Mushi etiri vana vararu: Mahli, Ederi na Yeremoti. Kweelatya ngyufyari tawo, yeva ni vana va mmba ya Levi. 31Yeva woose mmbo vakapye kura kweelatya ufyari, nniini na yeto n-ndu, ndesa vetana valya va mmba ya Aron; Nawo mmbo vetana indo mbee ya mangyi Davidi, Sadoki, Ahimeleki na vasongoru vengyi va mmba ta makohani na mmba ta Valevi.

Currently Selected:

1 MBONY TA FYEERI 24: MAS2

Highlight

Compare

Copy