1 MBONY TA FYEERI 20
20
Davidi Atira Raba
(2 Sam 12:26-31)
1Kweeke mapookyon a mwaaka mwiiya kyeeri kya vamangyi yeenda fireny, Yoabu kasangirya itorito lya fira kandetira nrapu uruka loose lwa Vaamoni kandeshingillya muri wa Raba. Indilyo we mangyi Davidi kasaa kulya Yerusalemu. Nawe Yoabu kakapa muri wa Raba kaulyamara kushu. 2Milkomu iruva lya Vaamoni etiri ureto lwa saabu lutiri uroo lwa kilo makumi araru na firaanu. Nnang'ani a vayo mmbo kweifo mawe a wuuru uniini, Davidi kaauta-fo kandeavika ureto lwakwe, katira nrapu vandu veengyi va muri yeto. 3Kandekamara mifungwa a vandu va muri yeto, kandevallwa mashinga eerunda na misuminu, fyaara na makumbi a minya. Ni indo etana naakwa ni kwa vandu vengyi va miri ingyi myoose ya Vaamoni. Naasa we na vandu vakwe va kawuya na Yerusalemu.
Fira na Masiingo a Vafilisti
(2 Sam 21:15-22)
4Kyeeri kyaangu kwamira ikakwiipo fira ingyi na Vafilisti kulya Keseri, kundo Sibekai Mhushaathi ewaiya Sipai wa mmba ya Supalo ta vandu, na yoondo Vafilisti vakavingwa.
5Ikakwipoo-se fira ingyi, nnang'ani ya Vafilisti na Elhana mwana wa Yairi, yeto ewaa Lahmi, mwanamaye va Koliati Mkiti, na ifumu lyakwe mmbo lyekee iroo lyikaillya.
6Numa kyaangu ikashekwiipo-fo fira ingyi kulya Kati, kundo kweetiri-fo shaamba ya nndu itiri mini irindaru wo woko, na mini irindaru wo urende. Nawe mmbo eparikye kulya mmba ta masiingo a vandu elyo mbee. 7Nawe kyeeri aarara Vaisraeli, Yonatan mwana va mwanamaye wa Davidi, Shamma kammbwaa. 8Yeva mmbo vekee vandu vaparikye mmba ta Supalo ta vandu kulya Kati vakawaawa ni Davidi.
Currently Selected:
1 MBONY TA FYEERI 20: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
