Sira 9
9
Abakazi
1Omukazi wawe k'olimugonza otalimuchubira,
mara otalimwegesa kintu kibi eky'okwija kikakushasa.
2Otalyenaga mu mikono ya mukazi
akaija akakugeleera.
3Omukazi alikworoba otalimwilira haihi,
atalija akakunaga mu mitego.
4Otalishemera na mukazi azina,
otalija okakwatira mu mitegoye otagimanyire.
5Otalileba mwisiki obuzira kumwihyaho lisho,
otalija okamusitaraho bakakuchwa efaini.
6Otalyenaga aha bamalaya,
eby'oinabyo byona bitaija bikakuhwaho.
7K'oliba oli omu kigo otalimagamaga mu mbarabara,
anga kushamangirwa mbali hatalikwikarwa bantu.
8K'olibona omukazi murungi elisho ote aha rubaju,
kandi omukazi murungi atali wawe atalikushamaza.
Oburungi bw'abakazi buranagire bangi,
bwimukya amani gabi ag'obunyama gaka nk'omuliro.
9Otalilya na muk'omushaija,
anga kunywa nawe edivai kukeisa;
omutima gwawe gwakwija gumuhabiraho,
aho kandi osisikara.
Obutahi n'abantu abandi
10Munywanyi wawe owa karai otalimunaga,
ahakuba omuhya tiyakumwigana.
Omutahi omuhya ashusha edivai empya;
edivai k'eba yatwiremu nirwo oginywa ekakushemelera.
11Otaligira ibuba okachubira mufakare,
enshonga tolikumanya nzindoye eliba etai.
12Ebishemelera ababi bitalikushemelera,
oijuke okwo orwo bakyarora
tibaliburwa kukwatwa mushango.
13Ayakushobora kukwita omwikare harai,
aho oliba otakitina rufu.
Kandi k'olimwegobya omwelinde,
atalija akakwita.
Omanye okwo olikuraba omu mitego,
n'aha boma kuterwa emyambi.
14Oteho amani okwo olikushobora kumanya batahi bawe,
mara abamanyi obehanuzeho.
15Ofumorega n'abantu ab'amagezi,
efumoro yanyu ebe aha Mateka ga Rukirabyona gonkai.
16Abantu abarungi obe nibo olya nabo,
kandi okutina Omukama obe nikwo oyebuga.
Emigambire
17Ebikozirwe ababuya nibyo bisiimwa;
kityo omwebembezi w'abantu obumanyibwe
bumanyikira omu by'agamba.
18Agamba bingi bamutina omu kigo ky'aturamu,
n'omuntu atelinda migambire bamutamwa.
Currently Selected:
Sira 9: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.