Sira 21
21
Obufu
1Mwana wange, oina obufu obw'okozire?
Otakubushubira, shana oshome enshara,
otongane amafu gawe aga ruli.
2Obufu obwiruke nk'alikwiruka enjoka;
kuba obufu k'orabuzaniraho, nibukutema nk'enjoka.
Bugira amaino nk'ag'entare,
mara bwita abantu.
3Okuchwa Amateka kushusha embanda y'amogi gabili;
k'ekuhutaza omuntu, engoga tekira.
4Obukatili n'obukutu bwitira abantu ebyabo nyabwabo,
nikwo n'eka y'ow'eikuru elisilika.
5Enshara y'omunaku ashoma Ruhanga agihulira,
mara ayanguha kumuramulira.
6Kaishe muntu atakunda kugororwa aikara ali mufakare,
kyonkai atina Omukama ayechuza aha mutima.
7Omugambi kiranganwa amanyika harai,
kyonkai k'aija akashobya, omuntu ow'amagezi amanya.
8Omuntu ayehoza banu empiya kwombeka enju,
ashusha ashomba amabare g'okumwombekera ekituro.
9Eiterana ly'ababi lishusha entuumiro y'esisha,
amaheleruka gabo kwokibwa omuliro.
10Omuhanda ogurabwamu abafakare
gushusha omuhanda ogutinzire amabare g'entelere;
kyonkai mbali gulikulekelera kinyanga kya Hadesi.
Obumanyi n'obufera
11Wena akwata Amateka ayelinda omu bitekelezo,
kandi okutina Omukama nibwo bumanyi obuhikire.
12Ataina magezi taina kwegesibwa,
kyonkai haliho omuntu kwehindura mugezi
akatamisa muno abandi.
13Amagezi g'omumanyi gashusha omutunga,
empanuraye eshusha enchuro etayoma.
14Omutwe gw'omufera guli nk'emuga eina orutanda,
eby'ayegire tibigwikaramu.
15Omuntu alikushobokerwa k'ahulira eky'obumanyi
ekyagambwa, akisiima ashuba akyongeraho akandi.
Kyonkai omuntu agonza amalili
k'akihulira akitamwa mara tayenda kukijuka.
16Okuhuliliza efumoro y'omufera
ni nk'omugugu ogusikiliire omuntu ali omu rugendo;
kyonkai efumoro ey'omugezi eshemera.
17Ebigambwa omuntu ow'amagezi,
bishemelera abateraine;
eby'agamba baikara nibabijuka.
18Obumanyi obw'omufera ni nk'enju ekumbire,
kandi obumanyi bw'atamanya
buba kugamba eby'atatekeleizege.
19Ataina magezi k'omwegesheleza
oshusha ayamuta empingo omu maguru,
anga kuzimukoma omu mukono gwa bulyo.
20Omufera k'asheka ashekera eiguru,
kyonkai omugezi amwenya kushai.
21Ow'amagezi k'omwegesa
oshusha ayamuha omulengyo gw'ezahabu;
okw'obon'oti wamujweka ebangili aha mukono gwa bulyo.
22Omufera aija natahira kimoi omu nju,
kyonkai alikumanya abanza ayemelera aheru alinda.
23Omuntu ataina makune ayema aha rwigi
nalinguliza omu nju,
kyonkai alezirwege aikara aheru.
24Buba buburwa makune omuntu kuzika aha rwigi
kukuhuliliza,
kyonkai omushobokerwa kimukwasa enshoni kukikora.
25Abebona eigambi bashubamu eby'abandi bagambire,
kyonkai abagezi bagamba ebyo bapimire.
26Abafera bagamba ebyabaija omu kanwa,
kyonkai abamanyi bagamba ebyo batekeleize.
27Atatina Ruhanga kuraama Sitani,
aba nayeraama wenene.
28Ow'orunwa ayetera eibara libi,
ayeterana ahali batahibe.
Currently Selected:
Sira 21: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.