Sira 14
14
Ebyera eby'amazima
1Muberwa omuntu ow'akanwa akatajegurwa,
owab'ogwo tagira bufu bwa kwechuza.
2Muberwa ow'omutima gulikwera,
mara atalikwenanukwa.
Emikoleze mirungi y'eitunga
3Eitunga tilisaine muntu omukoma,
isi ow'ekiisho limugasiraki?
4Atuma ebintu atabiliire,
aba nabitumira banu,
banu abo babilya batalikusima.
5K'omuntu alikukomaara atyo nawe atabiliire,
n'ohai ow'aligilira ekisha?
Eitungalye talikulishemelerwa.
6Tabaho mukoma kushaga alikubikomalira atabiliire,
mara nikyo kiba kibonabonyio ky'omukomaitiri.
7Owab'ogu n'orwo akorage, akora atyo atagendeleire,
ahanyuma obukomaitiribwe bumanyika.
8Omuntu ayegonza aba mubi,
anagirana abantu aleba aha rubaju.
9Ow'omururu tasanirwa by'agabirwa,
kandi obukomaitiri butebesa omuntu.
10Omukoma tagonza byakulyabye kulibwa banu,
mara achumba ebitamare.
11Mwana wange, olye nk'okwo eby'otungire bili,
n'Omukama omuhongere ebisaine.
12Ijuka okwo rufu atakelererwa,
kandi tomanya ndalira ya Hadesi.
13Munywanyi wawe omukolerege olikushobora,
omuhe bingi okwo olikubasa.
14Ebyera by'ekiro kimoi bitakulema;
ekirungi ky'oyegamba kitakuhingura.
15Ebyo wakozire olibisigira ondijo,
ebyo wahendekeire balibibegana.
16Kityo obe mufura w'abantu.
Kandi ebyo banu barakuha obitore.
Oshube ojame, kuba omuli Hadesi okujama tikubayo.
17Abantu bona bakura nk'omwendo,
kuba omuku gwa karai gugira guti, “Olikafa!”
18Okw'obona amababi g'omuti guhango nigabengeya,
aga gugaragaza gumera agandi,
nikyo kimoi n'emizarwa y'abantu,
ogu afa ondijo azarwa.
19Buli kimoi ekikorwa omuntu kijunda mara kihwaho,
n'ayakikozire ahwaho nka kyonene.
20Muberwa omuntu ayekonja ahali Bumanyi,
mara akatekeleza eby'amagezi.
21Ayetegeleza ebyo Bumanyi akora
alimanya n'enamaze.
22Omuhige okwo omuhigi ahiga enyamaishwa,
omuzimbire mbali araba.
23Alinguliza omu madirisha ga Bumanyi,
agya n'aha nyigize ahuliliza.
24Akambika aha nju ya Bumanyi,
n'ensindi z'eihemalye azitera omu nkuta z'enjuye egyo.
25Eihemalye alilitera haihi na Bumanyi,
ature aharungi muno.
26Abaanabe alibateka omu kibeho kya Bumanyi
27kubahungya omushana,
amubere bwirukiro ature omwo.
Currently Selected:
Sira 14: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.