Sira 13
13
Okwikara n'ab'olikwigana nabo
1Omuntu akwata elami emukwata ebyara,
n'ashemera n'ow'eikuru amushusha.
2Otalishutura kilikukushaga mani,
anga kushemera na muntu alikukukiza bushobora
anga itunga.
Enyungu y'eibumba yakushemera etai n'ebinika y'ekyoma?
Manya enyungu yakwetera aha binika eyatika.
3Omutungi akora kubi omuntu ashuba ayongeraho okumujuma.
Kandi omunaku akolerwa kubi, amara ataho n'okutongana.
4Omutungi k'abona oina eky'oramugasha akuyuhya;
kyonkai iwe orwo wakwatwa akunagirana.
5Orwo oina eky'oinakyo aho mwatura hamoi;
mara akulye akumaremu ataina ky'afireyo.
6Orwo yakwetaga akulembalemba,
aho nirwo akumwenyera nakushubiza.
Nakubazage ati, “Noyetagaki?”
7Akuhe ekyakulya akikuheze,
orwo arasiga yakumaliiremu kimoi akushekelere.
8Oyelinde otalyelemba okenaga,
okagira mashemelerwa ag'okweshonaza.
9K'olinyegezibwa aina obukuru, oyefutatire;
alishuba ayeyongere kukunyegeza.
10Otalyeteka mu maisho bakaija bakakushubya nyuma.
Kandi otaliikara harai okaija okebekerayo.
11Omukuru ogwo otalimutwaza oti nimwigana;
mara ataligamba bingi okamwesiga,
kuba yakugamba bingi akutegire,
namwenya okwo nakulenga.
12Omuntu atagira nama aba mukatili,
taina mama kukuhutaza anga kukufunga.
13Obe muntu w'enama mara oyelinde muno,
14kuba buli kanya noba noraba ahabi.
15Buli kitondwa kigonza ekilikukishusha;
na buli muntu agonza mutahiwe.
16Ebigunju byona biikara omu nganda zabyo,
nikwo n'omuntu ayekwata omuntu mutahiwe.
17Omushega gugira kazareki n'entama,
Nikwo n'omufakare atagendanwa na muntu atina Ruhanga.
18Empumi n'embwa bigira milembeki?
Byemangana kubi.
Isi omutungi n'omunaku bagira milembeki?
Bemangana kubi.
19Entulege z'omw'irungu zitwa entare;
kutyo n'omunaku nikwo anokerwa omutungi.
20Ow'eikuru azirana n'obwetohya;
kutyo n'omutungi azirana n'omunaku.
21Orwo omutungi ashonjolimba, batahibe bamukwatilira,
kyonkai omunaku kugwa, nangu batahibe baba nibo
bamuchulimiza kimoi.
22Omutungi k'atelera, ab'okumujuna bangi,
kandi agamba ebitalibyo bamwetongelera.
Omunaku kutelera bamujuma
agamba eby'enshonga tibamuhuliliza.
23Orwo omutungi alikugamba besiza bona,
n'ebyo yagamba babisiima babitaho akamushagya.
Orwo omunaku alikugamba bagira bati, “N'ohaisi ogu?”
Lero aije atazeho, aho nibamubutika ahansi.
24Eitunga liba lirungi orwo mukama walyo
atalikolize kubi,
kandi abatatina Ruhanga obunaku babona buli bubi.
25Okwo omuntu ali aha mutima nikwo ashusha aha maisho,
yaba murungi anga mubi.
26Akabonero k'omutima gushemeleirwe
byera by'aha maisho,
kyonkai okuchwa emigani mulimo ogulemesa amagezi.
Currently Selected:
Sira 13: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.