Sira 11
11
1Omwetohya k'aina obumanyi bumuhaisa ekitinwa,
bumuhaisa omwanya omu bantu bakuru.
Emibonekere y'omuntu
2Otalisima muntu ngu orwo ali murungi aha maisho,
anga kumutamwa aha rw'emizokereye.
3Omu bitondwa ebikaharara enjoki eba nke,
kyonkai obwoki bwayo nibwo bunura kukira ebinura byona.
4Otalilinga ngu orwo wajwara emyendo mirungi,
anga kukuha ekitinwa iwe okekuza.
Kuba eby'Omukama akora biba by'okutangaza,
mara abisheleka abantu.
5Abakama bangi bakaragirwa kushuntama ahansi,
kandi atatekelezibwaga yajwara orukinga.
6Abatwazi bangi barashonaire muno,
kandi abantu ab'ekitinwa baragwire omu mikono y'abandi.
Obe mwegendeleza
7Otalikwata muntu ntambara otabalize,
obanze otekeleze oije omurwanise ahanyuma.
8Otalihorora muntu otamuhuliliize,
anga kumuchwa kalimi akyagamba.
9Otalihakana aha kigambo ekitakukwete,
anga kwema na babi aha byobalikuramura.
10Mwana wange, otalikora bintu bingi aha mwanya gumoi;
k'olikora bingi bilikushasa,
kandi ogonze kubimara bikuleme,
oyende kubinagaho byange.
11Haliho omuntu akora akataba, akafa akosha,
kyonkai obunakubwe nirwo bushagaho.
12Haliho ondijo ayegumisiliza mara nayetaga obujuni,
taina mani n'obunaku aina bungi muno;
kyonkai Omukama amushemelerwa aha rw'oburungibwe;
amwihya omu bujegebwe
13amukuza,
bangi bagoba aha kumutangalira.
14Ebirungi n'ebibi, oburora n'orufu,
15obunaku n'eitunga,
16biruga aha Mukama.
17Abarungi nibo Omukama aikara ahaire ebirungibye;
mara ow'asiima aikara nagoshoka ebiro byona.
18Haliho omuntu atungisibwa okukora n'amani n'okweima,
aho aija ahabwa erongoro egi:
19Orwo agira ati, “Mbwenu aha kanyikye ndye ebyange!”
Tamanya akyainayo ibanga litai,
alemwa abisigira abandi afa.
20Omulimo gwawe ogw'oragaine ogugumeho mara ogukore,
oshube ogugurusireho.
21Otalitangalira milimo ya mufakare,
shana oyesige Omukama mara ogume okozire n'amani;
kuba Omukama nikimworobera kutungisa omunaku
bwangu mara atetegeire.
22Omugisha gw'Omukama niyo rongoro y'abarungi,
mara ab'atunga omugisha ogwo banguha kugoshoka.
23Otaligamba oti, “Inye n'inyetagaki,
isi omu maisho ndibonaki?”
24Otaligamba oti, “Inye ebyo nyinabyo nibimmara,
omu maisho nakugwerwa kiyengoki?”
25Omuntu k'aramuuka, ayebwa enaku,
kandi k'enaku zimutera ayebwa okwo araramuukire.
26Nikishoboka Omukama kulinda omuntu akaija
akamurongora aha kufakwe kuhonderana n'okwo yakozire.
27Esaa emoi y'enaku
neyebesa omuntu okwo yagoijagiraga.
Omu kufakwe ebikorwabye bilishuruguka.
28Atafire otalimweta muberwa,
alyetwa muberwa k'aliba yafire.
Obwegendeleza omu kuronda abatahi
29Omwawe otalinyegezamu buli muntu,
kuba ab'obwenge bagira obugobya.
30Omutima gw'eikuru
nigushusha endahi eli omu mutego,
nashusha omunyomozi alikuleba obujege bwawe.
31Aikara alebeleize, ebirungi abihindura bibi,
kandi ebilikusimwa abimoga.
32Enshasi emoi erugwamu amakara gangi g'omuliro,
nikwo n'omufakare ahigiliza kwita omuntu.
33Oyelinde ekihwamwoyo, kigonza okukora kubi,
kitalija kikakusiiga ekibamba ekitalikurugaho.
34Omwawe onyegezemu ow'otalikumanya aije akutabangure,
akutanise n'eka yawe.
Currently Selected:
Sira 11: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.