Hoseya 3
3
Hoseya no mucekulu musenyha
1Muwaha Mulungu yakanyitya, “Ale, wubite kanyhi wukalajile zo wendo wako, kuli mucekulu mono yakwituma zo wusenyha no mbuya yakwe. Yikunojeye wumwende nha vyono ane niwendile Waisilayeli, hamba yiwe wene nha wayipitucila milungu yinji, no kusola vilavywa vye zabibu zinghavu no kuvilavizya vihwani vye milungu.” 2Holeka nane Hoseya, nghalavya fweza yikumi na yihano, hamonga na kilo yigana limonga na makumi mahano za shayili, nghawa kumugula mucekulu yuyo. 3Hanyuma nghamulonjela nghamutya vyono, yimunojeye yanindile sunga vilo vipulute, ninga yelece kwituma zo wumalaya wakwe, hamba zo wusenyha wakwe lono yali mu wulindile. Na mu cipango cico, nane nowa nimulindiye. 4Hambi Waisilayeli, nha wokwikala vilo vinji wasina mutemi hamba walongola, wowula hamba vilavywa, hamba masumbili ge mabwe maswanu, wowula vihwani, hamba hwani bwete yo kutowela cisangu. 5Ninga cipango cikuza cono Waisilayeli wolomuwuyila kanyhi Muwaha Mulungu, u Mulungu wawo, no lulelo lwa Dawudi mutemi wawo. Nawo wolomogopa Muwaha Mulungu, u Mulungu wawo, no kubocela vipegwa vyakwe viswanu.
Currently Selected:
Hoseya 3: LLKWW
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.
