Ezekiyeli 48
48
U wugawane we yisi kuli we milango ya Isilayeli
1No mupaka we yisi, ku lubavu lwa kusumuka, wubitile ku lubavu lwa kucilima ku wulawilila kwi'lenga lya Meditelaneya, sunga ko kwi'kaya lya Hetiloni, sunga ko ku Hamati Pasi, sunga ko kwi'kaya lya Enoni ku nhemano ye yisi yo wutemi wa Damesiki na Hamati. Yinojeye we milango yose watuje mulango ne 'gawo lyawo, lyono lyowa lilawiliye ku wulawa mupaka wo lubavu lwa kucilima sunga ko ku mwezi kwi'lenga lya Meditelaneya. 2Wo mulango wa Dani, watuje ligawo limonga. Wo mulango wa Asheli, watuje ligawo limonga. 3We mulango wa Nafutali, nawo watuje ligawo limonga. 4We mulango wa Manase, nawo watuje ligawo limonga. 5Nawo wo mulango wa Efulayimu, watuje ligawo limonga. 6We mulango wa Lubeni, nawo watuje ligawo limonga. 7We mulango wa Yuda, nawo watuje ligawo limonga.
I hanhu hasiwanulwe, haciligati ye yisi
8Ne ligawo linji lye yisi, mulisiwanulaje, so mulimo wayo, naho heze hali wene. Ne Nyumba yo Mulungu yozengwa i hanhu baho. Naho hanhu baho, haweze no wugazi wa kilomita yikumi na nyejete na nusu, ku wulawilila ku lubavu lwa kusumuka, sunga ko kutakama. Langa u wutali wayo, vyeze viling'aniye no wutali we magawo gono wagawiywe we milango yose, ku wulawilila kucilima sunga ko ku mwezi.
9Ne hanhu baho i hasiwanulwe, wusole hanhu hanji haciligati yayo, ne hanhu baho haweze no wutali wa kilomita yikumi na nyejete na nusu no wugazi wa kilomita yikumi, wuhasiwanule hanhu baho, so Muwaha Mulungu. 10Hambi nawo i wakohani nha wanojeye wagawilwe hanhu hono wokwikala mumo mu hanhu baho. Wagawilwe hanhu ha wutali wa kilomita yikumi na nyejete na nusu ku wulawa kucilima sunga ko kumwezi. U wugazi wayo wuwe kilomita yihano, ku wulawa kusumuka, sunga ko kutakama. Nayo Nyumba yo Mulungu, yozengwa haciligati ye hanhu baho. 11Ne hanhu baho hono helile, howa so wakohani wo lulelo lwa Zadoki. Hambi wene nha wanyitumamila ko wihuwilwa, hamba si weyihanza hamonga ne Waisilayeli wanji mu wituma zimbi, nha vyono wanoza i wayawo wo mulango wa Lawi. 12Holeka ku soko yiyo, yiwanojeye wapegwe hanhu, behi ne hanhu ha Walawi. Ne hanhu baho howa ho hanhu hono helile, Helile muno, si nhe hanhu hose. 13Nawo i Walawi, wanojeye nhavivilya wapegwe hanhu hawo, hawe ku lubavu lwa kutakama lwe hanhu he Wakohani. Ne hanhu baho naho, heze no wutali wa kilomita yikumi na nyejete na nusu, ku wulawa ku lubavu lwa kucilima, sunga kulubavu lwa kumwezi, no wugazi wayo, wuwe kilomita yihano, ku wulawilila ku lubavu lwa kusumuka, sunga kutakama. 14Ne hanhu baho hono hosiwanulilwa u Muwaha Mulungu, howa ho hanhu haswanu muno, kuciza i hanhu ho hose mu yisi yose. Holeka i hanhu baho, halece kuguzwa, hamba kukawa, hamba kumupela munhu yunji. Hambi nha helile, kanyhi yo sawo yo Muwaha Mulungu.
15Ninga i hanhu hasiwanulwe, hono howa hakali hasigaye, hono hena wutali wa kilomita yikumi na nyejete na nusu, no wugazi wa kilomita nyejete na nusu, baho si howa helile ng'o. Langa wanhu wowose, wosuma kwikala mumo no kuhetumamila. Ninga likaya linojeye lizengwe haciligati yayo. 16Ne hanhu hono lyozengwa likaya, heze heling'aniye wugazi no wutali, mita elufu nyejete, na magana mejete na makumi mahano mbavu zose. 17Na mu mhelo mhelo ye likaya mbavu zose, hanojeye halekwe cilejeho co wugazi wa mita yigana limonga na makumi mejete na yihano ku wulawa mwi'jinji. 18Ne hanhu hono hosigala, kolo likaya lyakondya kuzengwa, i hanhu baho, ku lubavu lwa kutakama lwe hanhu hono helile, nha cinji hanhu ho wutali wa kilomita yihano, no wugazi wa kilomita nyejete na nusu, ku lubavu lwa kucilima, na ku lubavu lwa kumwezi, wutali wa kilomita yihano, no wugazi wa kilomita nyejete na nusu, yiwe yo migunda yono wowa kulima i wanhu wono wekaye mwi'kaya. 19No munhu wo wose mono kowa yekaye mumo mwi'kaya, hamba yawe munhu wo wose du wa mu milango ya Isilayeli, kosuma kulima mugunda hanhu baho.
20Ne hanhu baho haciligati hono hasiwanuywe, u wutali wayo no wugazi wayo, vyowa viling'aniye nha cinji, kilomita yikumi na nyejete na nusu kose kose hamonga ne hanhu hono likaya lizenjigwe.
21Na ku lubavu lwa kucilima no lubavu lwa kumwezi ye hanhu baho, hono howa hazenjigwe ne Nyumba yo Mulungu, i hanhu he wakohani, ne hanhu ha Walawi, hamonga ne likaya, hamonga ne hanhu ho mutemi hono hasigaye. Hose howa hatandaye halanjile ku lubavu lwa kucilima, sunga ko ku mupaka wa kucilima, nako kumwezi, yowa sunga ko ku mwezi kwi'lenga lya Meditelaneya. 22Na ku lubavu lwa kusumuka, nhemano yayo, yowa i yisi ya Yuda, na ku lubavu lwa kutakama, yowa i yisi ya Benyamini.
Ligawo lye yisi, kuli we milango yinji yono yisigaye
23Na ku lubavu lwa kutakama, lwe hanhu hono hasiwanulwe, wagawilwe we milango yono yowa yikali yisigaye, wagawilwe ku wulawa ku mupaka wo lubavu lwa kucilima, sunga kumwezi, kwi'lenga lya Meditelaneya. Wagawilwe ku wulawilila ku lubavu lwa kusumuka, sunga ko kutakama, na vyono nhavi, wo mulango wa Benyamini, wapegwe ligawo limonga. 24Wo mulango wa Simiyoni, wapegwe ligawo limonga. 25Wo mulango wa Isakali, wapegwe ligawo limonga. 26Wo mulango wa Zabuloni, wapegwe ligawo limonga. 27Wo mulango wa Gadi, wapegwe ligawo limonga.
28Na ku lubavu lwa kutakama, kwi'gawo lyono wowa wapegwa wo mulango wa Gadi, u mupaka wayo wowa wulawiliye ku lubavu lwa kutakama ye mwezi, ku wulawilila Tamali, sunga ko ku mibici ya mu malenga ga Kadeshi, hanyuma wuwa kubita sunga ko ku lubavu lwe sumuka ye mwezi, ku mupaka we yisi ya Misili, sunga ko kwilenga lya Meditelaneya.
29U Muwaha Mulungu yakutya nhavi, “Nhavivi vyo mogagawa i magawo ge yisi kuli we milango yose ya Isilayeli, wuwe wuhazi wawo.”
I malango ge likaya lya Yelusalemi
30Likaya lya Yelusalemi, lina milango yikumi na myejete. I majinji gayo gose vyono mane, gena mulandala wo wutali wa mita elufu nyejete na magana mejete, na makumi mahano. Nago gose vyono majinji mane, gena milango midatu midatu. 31Ne milango yiyo yikacemelwa i matagwa ga we milango ya Isilayeli. I milango midatu ya mwi'jinji lyo lubavu lwa kusumuka, yacemelwa matagwa ga wa Lubeni, Yuda na Lawi. 32Nayo milango ya mwi'jinji lyo lubavu lwa kucilima, yacemelwa matagwa ga wa Yusufu, Benyamini na Dani. 33Ne milango ya mwi'jinji lyo lubavu lwa kutakama, yacemelwa matagwa ga wa Simiyoni, Isakali, na Zabuloni. 34Ne milango ya mwi'jinji lyo lubavu lwa kumwezi, yacemelwa matagwa ga wa Gadi, Asheli, na Nafutali. 35No mulandala wo wutali we majinji gose ge likaya vyono mane, wali wuficile mita elufu yicenda. Ne litagwa lye likaya ku wulawa lulu, lyocemwa, “U Muwaha Mulungu yali baha.”
Currently Selected:
Ezekiyeli 48: LLKWW
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.
Ezekiyeli 48
48
U wugawane we yisi kuli we milango ya Isilayeli
1No mupaka we yisi, ku lubavu lwa kusumuka, wubitile ku lubavu lwa kucilima ku wulawilila kwi'lenga lya Meditelaneya, sunga ko kwi'kaya lya Hetiloni, sunga ko ku Hamati Pasi, sunga ko kwi'kaya lya Enoni ku nhemano ye yisi yo wutemi wa Damesiki na Hamati. Yinojeye we milango yose watuje mulango ne 'gawo lyawo, lyono lyowa lilawiliye ku wulawa mupaka wo lubavu lwa kucilima sunga ko ku mwezi kwi'lenga lya Meditelaneya. 2Wo mulango wa Dani, watuje ligawo limonga. Wo mulango wa Asheli, watuje ligawo limonga. 3We mulango wa Nafutali, nawo watuje ligawo limonga. 4We mulango wa Manase, nawo watuje ligawo limonga. 5Nawo wo mulango wa Efulayimu, watuje ligawo limonga. 6We mulango wa Lubeni, nawo watuje ligawo limonga. 7We mulango wa Yuda, nawo watuje ligawo limonga.
I hanhu hasiwanulwe, haciligati ye yisi
8Ne ligawo linji lye yisi, mulisiwanulaje, so mulimo wayo, naho heze hali wene. Ne Nyumba yo Mulungu yozengwa i hanhu baho. Naho hanhu baho, haweze no wugazi wa kilomita yikumi na nyejete na nusu, ku wulawilila ku lubavu lwa kusumuka, sunga ko kutakama. Langa u wutali wayo, vyeze viling'aniye no wutali we magawo gono wagawiywe we milango yose, ku wulawilila kucilima sunga ko ku mwezi.
9Ne hanhu baho i hasiwanulwe, wusole hanhu hanji haciligati yayo, ne hanhu baho haweze no wutali wa kilomita yikumi na nyejete na nusu no wugazi wa kilomita yikumi, wuhasiwanule hanhu baho, so Muwaha Mulungu. 10Hambi nawo i wakohani nha wanojeye wagawilwe hanhu hono wokwikala mumo mu hanhu baho. Wagawilwe hanhu ha wutali wa kilomita yikumi na nyejete na nusu ku wulawa kucilima sunga ko kumwezi. U wugazi wayo wuwe kilomita yihano, ku wulawa kusumuka, sunga ko kutakama. Nayo Nyumba yo Mulungu, yozengwa haciligati ye hanhu baho. 11Ne hanhu baho hono helile, howa so wakohani wo lulelo lwa Zadoki. Hambi wene nha wanyitumamila ko wihuwilwa, hamba si weyihanza hamonga ne Waisilayeli wanji mu wituma zimbi, nha vyono wanoza i wayawo wo mulango wa Lawi. 12Holeka ku soko yiyo, yiwanojeye wapegwe hanhu, behi ne hanhu ha Walawi. Ne hanhu baho howa ho hanhu hono helile, Helile muno, si nhe hanhu hose. 13Nawo i Walawi, wanojeye nhavivilya wapegwe hanhu hawo, hawe ku lubavu lwa kutakama lwe hanhu he Wakohani. Ne hanhu baho naho, heze no wutali wa kilomita yikumi na nyejete na nusu, ku wulawa ku lubavu lwa kucilima, sunga kulubavu lwa kumwezi, no wugazi wayo, wuwe kilomita yihano, ku wulawilila ku lubavu lwa kusumuka, sunga kutakama. 14Ne hanhu baho hono hosiwanulilwa u Muwaha Mulungu, howa ho hanhu haswanu muno, kuciza i hanhu ho hose mu yisi yose. Holeka i hanhu baho, halece kuguzwa, hamba kukawa, hamba kumupela munhu yunji. Hambi nha helile, kanyhi yo sawo yo Muwaha Mulungu.
15Ninga i hanhu hasiwanulwe, hono howa hakali hasigaye, hono hena wutali wa kilomita yikumi na nyejete na nusu, no wugazi wa kilomita nyejete na nusu, baho si howa helile ng'o. Langa wanhu wowose, wosuma kwikala mumo no kuhetumamila. Ninga likaya linojeye lizengwe haciligati yayo. 16Ne hanhu hono lyozengwa likaya, heze heling'aniye wugazi no wutali, mita elufu nyejete, na magana mejete na makumi mahano mbavu zose. 17Na mu mhelo mhelo ye likaya mbavu zose, hanojeye halekwe cilejeho co wugazi wa mita yigana limonga na makumi mejete na yihano ku wulawa mwi'jinji. 18Ne hanhu hono hosigala, kolo likaya lyakondya kuzengwa, i hanhu baho, ku lubavu lwa kutakama lwe hanhu hono helile, nha cinji hanhu ho wutali wa kilomita yihano, no wugazi wa kilomita nyejete na nusu, ku lubavu lwa kucilima, na ku lubavu lwa kumwezi, wutali wa kilomita yihano, no wugazi wa kilomita nyejete na nusu, yiwe yo migunda yono wowa kulima i wanhu wono wekaye mwi'kaya. 19No munhu wo wose mono kowa yekaye mumo mwi'kaya, hamba yawe munhu wo wose du wa mu milango ya Isilayeli, kosuma kulima mugunda hanhu baho.
20Ne hanhu baho haciligati hono hasiwanuywe, u wutali wayo no wugazi wayo, vyowa viling'aniye nha cinji, kilomita yikumi na nyejete na nusu kose kose hamonga ne hanhu hono likaya lizenjigwe.
21Na ku lubavu lwa kucilima no lubavu lwa kumwezi ye hanhu baho, hono howa hazenjigwe ne Nyumba yo Mulungu, i hanhu he wakohani, ne hanhu ha Walawi, hamonga ne likaya, hamonga ne hanhu ho mutemi hono hasigaye. Hose howa hatandaye halanjile ku lubavu lwa kucilima, sunga ko ku mupaka wa kucilima, nako kumwezi, yowa sunga ko ku mwezi kwi'lenga lya Meditelaneya. 22Na ku lubavu lwa kusumuka, nhemano yayo, yowa i yisi ya Yuda, na ku lubavu lwa kutakama, yowa i yisi ya Benyamini.
Ligawo lye yisi, kuli we milango yinji yono yisigaye
23Na ku lubavu lwa kutakama, lwe hanhu hono hasiwanulwe, wagawilwe we milango yono yowa yikali yisigaye, wagawilwe ku wulawa ku mupaka wo lubavu lwa kucilima, sunga kumwezi, kwi'lenga lya Meditelaneya. Wagawilwe ku wulawilila ku lubavu lwa kusumuka, sunga ko kutakama, na vyono nhavi, wo mulango wa Benyamini, wapegwe ligawo limonga. 24Wo mulango wa Simiyoni, wapegwe ligawo limonga. 25Wo mulango wa Isakali, wapegwe ligawo limonga. 26Wo mulango wa Zabuloni, wapegwe ligawo limonga. 27Wo mulango wa Gadi, wapegwe ligawo limonga.
28Na ku lubavu lwa kutakama, kwi'gawo lyono wowa wapegwa wo mulango wa Gadi, u mupaka wayo wowa wulawiliye ku lubavu lwa kutakama ye mwezi, ku wulawilila Tamali, sunga ko ku mibici ya mu malenga ga Kadeshi, hanyuma wuwa kubita sunga ko ku lubavu lwe sumuka ye mwezi, ku mupaka we yisi ya Misili, sunga ko kwilenga lya Meditelaneya.
29U Muwaha Mulungu yakutya nhavi, “Nhavivi vyo mogagawa i magawo ge yisi kuli we milango yose ya Isilayeli, wuwe wuhazi wawo.”
I malango ge likaya lya Yelusalemi
30Likaya lya Yelusalemi, lina milango yikumi na myejete. I majinji gayo gose vyono mane, gena mulandala wo wutali wa mita elufu nyejete na magana mejete, na makumi mahano. Nago gose vyono majinji mane, gena milango midatu midatu. 31Ne milango yiyo yikacemelwa i matagwa ga we milango ya Isilayeli. I milango midatu ya mwi'jinji lyo lubavu lwa kusumuka, yacemelwa matagwa ga wa Lubeni, Yuda na Lawi. 32Nayo milango ya mwi'jinji lyo lubavu lwa kucilima, yacemelwa matagwa ga wa Yusufu, Benyamini na Dani. 33Ne milango ya mwi'jinji lyo lubavu lwa kutakama, yacemelwa matagwa ga wa Simiyoni, Isakali, na Zabuloni. 34Ne milango ya mwi'jinji lyo lubavu lwa kumwezi, yacemelwa matagwa ga wa Gadi, Asheli, na Nafutali. 35No mulandala wo wutali we majinji gose ge likaya vyono mane, wali wuficile mita elufu yicenda. Ne litagwa lye likaya ku wulawa lulu, lyocemwa, “U Muwaha Mulungu yali baha.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.