Ezekiyeli 47
47
I cikolongo cono cikuhuluma malenga, ku wulawa mu Nyumba yo Mulungu
1Kanyhi hanyuma yayo, u munhu yuyo, yakangomola sunga ko ku mulango we Nyumba yo Mulungu. Nane nali neza kulanga nhavi, nghawona malenga gakuhuluma, gakoleye hasi yo mulango, galanjile ku cilima, ku lubavu lwa ku mwande ye Nyumba yo Mulungu. Malenga gago gahulumaga gakulawilila hasi ye Nyumba yo Mulungu ku lubavu lwa kutakama, gakoleye ku lubavu lwa kutakama ye cikumbicilo. 2Hanyuma kanyhi u munhu yuyo, yakawa kunhegula kudeha ye Nyumba yo Mulungu, yakanghoza ku mulango wo lubavu lwa kusumuka, yakawa kumhilimya ku mulango wono wulanjile ku lubavu lwa kucilima. Nako kuko, nghaciwona cikolongo cidodo, malenga gayo gahulumaga galawiliye ku lubavu lwa kutakama yo mulango. 3U munhu yuyo, yakawusola mulejehe wakwe, yakapima mita magana mahano mu cikolongo, ku wubita ku lubavu lwa kucilima, yakawa kunonjela ndowocele baho mu cikolongo. Nago malenga gali gaficile mu zimbwejele ze migulu yangu. 4Hanyuma yakapima mita zinji kanyhi, magana mahano, i malenga gayo, gali gaficile sunga ko ku ciwino cangu. 5Yakajendelela kanyhi, yakapima mita zinji kanyhi, magana mahano. Ne hanhu baho hakawa hatali muno muno, nane hamba si nasuma no kulowocela baho yaye. Hambi malenga nha gali matali muno, gono munhu si kosuma kujenda yalowoce, langa sunga yiwe mu nzila yo kojela du. 6U munhu yuyo, yakanonjela yakatya, “Gwe go munhu, wuzilangaje zizi no kuzikamisa muno muno.”
Na hanyuma kanyhi u munhu yuyo, yakasola, yakawa kunhegula ku nyenje ye likolongo. 7Nane nali neza kufika hanhu baho, nghawona ho gali mabici menji muno muno mu zinyenje ze likolongo mbavu zose. 8Hanyuma u munhu yuyo yakanyitya, “I malenga gaga gakuhuluma gadomile ku lubavu lwa kucilima ye yisi, gakoleye mwi'lolo lya Yoludani, gakubita kwinjila mwi'lenga lyo mwino. Nago kolo genjila mumo mwi'lenga lyo mwino, gogapolofya gago malenga ga mwi'lenga lyo mwino gawe mapolo. 9Na lono cikolongo cico cikuhuluma mugati yayo, mowa mo gali mawala gose ge vilimu ne zisomba. Nago i malenga gago ge cikolongo, goganoza i malenga ga mwi'lenga lyo mwino gawe mapolo. Ne hanhu ho hose hono i malenga gago gowa kukolela lono gakuhuluma, gowa kuleta wumi kuli vinhu vyose. 10Sunga ne wanimuzi we zisomba, wolotandala mwi'kolongo lyose, ku wulawilila ku Engedi, sunga ko ku Enejilayimu mu mwalambalo we lilenga. Nawo wolowa kutandakulila zinyavu zawo baho ho zinyale. Naho holowa na somba ze mawala menji muno muno, nha vyono zinha za mwi'lenga lya Meditelaneya. 11Langa ninga, i malenga gono golowa gali mu matetema, na mu mapondelwa, gono gali mu mwalambalo we lilenga, ago langa si golopolopa yaye. Langa golosigala nha macelemi ga mwino mumo du. 12Na mu zinyenje zose ze likolongo ako na ako, molocindika mibici minji ye mawala gose, yono yolowa ndigwa. Ne mahamha gayo, hamba si golowa kunyala yaye, kanyhi yojendelela du kulela mikalo, hamba kuduma yaye. I mibici yiyo, yolowa kulela mikalo mipya mwezi na mwezi, hambi nha yikwitilwa malenga gono gakuhuluma mu cikolongo, cono cilawiliye mu Nyumba yo Mulungu. Ne mikalo ye mibici yiyo, yolowa yo ndigwa, ne mahamha gayo, golowa so miti yo kuponezya wanhu.”
Mipaka ye yisi
13U Muwaha Mulungu yakutya nhavi, “Ayi yowa yo mipaka ye yisi nha vyono yinojeye wagawilwe we milango yikumi na myejete, hamonga na wo mulango wa Yusufu, wono wanojeye watuje magawo mejete. 14Hambi ane nha nehuwiza kuli walezi wenyu, nha vyono nowapela yisi yiyi yiwe yawo. Holeka aluno, muyigawanaje muling'ano muli'nye wose. 15U mupaka wo lubavu lwa kusumuka, wulawiliye ku lubavu lwa kucilima kwi'lenga lya Meditelaneya, sunga kwi'kaya lya Hetiloni, sunga ku Hamati Pasi, sunga ko kwi'kaya lya Zedadi. 16U mupaka wuwa kujendelela sunga mu makaya ga Belota, na Sibulayimu. (Gono gali haciligati ye yisi ya mu wutemi wa Damesiki, ne yisi ya mu wutemi wa Hamati.) Hanyuma kanyhi mupaka wuwa kujendelela sunga kwi'kaya lya Tikoni, (lyono lizenjigwe behi no mupaka we yisiya Hawulani.) 17U mupaka wa ku lubavu lwa kusumuka, nawo wulawiliye kwi'lenga la Meditelaneya, ku lubavu lwa kucilima, wuwa kubita sunga ko kwi'kaya lya Enoni, viwa kutemana ne mipaka ye yisi ya Damesiki, hamonga ne yisi ya Hamati, ku lubavu lwayo lwe sumuka.
18“U mupaka wo lubavu lwa kucilima, nawo wubitile du kono takama, ku wulawilila hagati ye yisi ya Damesiki, ne yisi ya Hawulani. Nalyo likolongo lya Yoludani, wo mupaka hagati ye yisi ya Isilayeli kono lubavu lwa kumwezi, ne yisi ya Gileyadi, ku lubavu lwa kucilima, wuwa kubita, sunga ku Tamali, kwi'lenga lyo mwino.
19“Nawo mupaka wo lubavu lwa kumwezi ye takama, ku wulawilila Tamali, sunga ko ku mibici yono yili mu malenga ga Kadeshi Meliba, na hanyuma wuwa kubita sunga ko ku lubavu lwa kusumuka ye mwezi, sunga ko ku mupaka we yisi ya Misili, sunga ko kwi'lenga lya Meditelaneya.
20“U mupaka nawo wa ku lubavu lwa kumwezi, wowa lilenga lya Meditelaneya, wuwa kubita kusumuka, sunga ko ku ndumilizo ye mwezi ye yisi ya Hamati Pasi.
21“Holeka mwigawilaje nyenye wose yisi yiyi mu milango yenyu. 22Nayo yowa yisi yenyu nyenye nyo weneco. Ninga hamba nhavivyo, i wajenzi wono mwikalane nawo, wono wakondya kulelela ne wana wawo bahano, wawo nawo wanojeye wagawilwe yisi, lono anye mweza kuyigawana. Kanyhi anye, munojeye muwatendele nha wanyawusi walelelwa mu Waisilayeli. Na kanyhi wena ling'ani yo kutowa kula, ho watuje ligawo lyo wuhazi we yisi, hamonga na nyenye, mu ciligati ye zimhuga za Isilayeli. 23U munhu wo wose mujenzi, mono mwikalane nayo, yimunojeye nayo yatuje ligawo lyakwe, hamonga ne wanhu wo mulango wono wekalane nayo. Vyo nghutya, ane no Muwaha Mulungu.”
Currently Selected:
Ezekiyeli 47: LLKWW
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.
Ezekiyeli 47
47
I cikolongo cono cikuhuluma malenga, ku wulawa mu Nyumba yo Mulungu
1Kanyhi hanyuma yayo, u munhu yuyo, yakangomola sunga ko ku mulango we Nyumba yo Mulungu. Nane nali neza kulanga nhavi, nghawona malenga gakuhuluma, gakoleye hasi yo mulango, galanjile ku cilima, ku lubavu lwa ku mwande ye Nyumba yo Mulungu. Malenga gago gahulumaga gakulawilila hasi ye Nyumba yo Mulungu ku lubavu lwa kutakama, gakoleye ku lubavu lwa kutakama ye cikumbicilo. 2Hanyuma kanyhi u munhu yuyo, yakawa kunhegula kudeha ye Nyumba yo Mulungu, yakanghoza ku mulango wo lubavu lwa kusumuka, yakawa kumhilimya ku mulango wono wulanjile ku lubavu lwa kucilima. Nako kuko, nghaciwona cikolongo cidodo, malenga gayo gahulumaga galawiliye ku lubavu lwa kutakama yo mulango. 3U munhu yuyo, yakawusola mulejehe wakwe, yakapima mita magana mahano mu cikolongo, ku wubita ku lubavu lwa kucilima, yakawa kunonjela ndowocele baho mu cikolongo. Nago malenga gali gaficile mu zimbwejele ze migulu yangu. 4Hanyuma yakapima mita zinji kanyhi, magana mahano, i malenga gayo, gali gaficile sunga ko ku ciwino cangu. 5Yakajendelela kanyhi, yakapima mita zinji kanyhi, magana mahano. Ne hanhu baho hakawa hatali muno muno, nane hamba si nasuma no kulowocela baho yaye. Hambi malenga nha gali matali muno, gono munhu si kosuma kujenda yalowoce, langa sunga yiwe mu nzila yo kojela du. 6U munhu yuyo, yakanonjela yakatya, “Gwe go munhu, wuzilangaje zizi no kuzikamisa muno muno.”
Na hanyuma kanyhi u munhu yuyo, yakasola, yakawa kunhegula ku nyenje ye likolongo. 7Nane nali neza kufika hanhu baho, nghawona ho gali mabici menji muno muno mu zinyenje ze likolongo mbavu zose. 8Hanyuma u munhu yuyo yakanyitya, “I malenga gaga gakuhuluma gadomile ku lubavu lwa kucilima ye yisi, gakoleye mwi'lolo lya Yoludani, gakubita kwinjila mwi'lenga lyo mwino. Nago kolo genjila mumo mwi'lenga lyo mwino, gogapolofya gago malenga ga mwi'lenga lyo mwino gawe mapolo. 9Na lono cikolongo cico cikuhuluma mugati yayo, mowa mo gali mawala gose ge vilimu ne zisomba. Nago i malenga gago ge cikolongo, goganoza i malenga ga mwi'lenga lyo mwino gawe mapolo. Ne hanhu ho hose hono i malenga gago gowa kukolela lono gakuhuluma, gowa kuleta wumi kuli vinhu vyose. 10Sunga ne wanimuzi we zisomba, wolotandala mwi'kolongo lyose, ku wulawilila ku Engedi, sunga ko ku Enejilayimu mu mwalambalo we lilenga. Nawo wolowa kutandakulila zinyavu zawo baho ho zinyale. Naho holowa na somba ze mawala menji muno muno, nha vyono zinha za mwi'lenga lya Meditelaneya. 11Langa ninga, i malenga gono golowa gali mu matetema, na mu mapondelwa, gono gali mu mwalambalo we lilenga, ago langa si golopolopa yaye. Langa golosigala nha macelemi ga mwino mumo du. 12Na mu zinyenje zose ze likolongo ako na ako, molocindika mibici minji ye mawala gose, yono yolowa ndigwa. Ne mahamha gayo, hamba si golowa kunyala yaye, kanyhi yojendelela du kulela mikalo, hamba kuduma yaye. I mibici yiyo, yolowa kulela mikalo mipya mwezi na mwezi, hambi nha yikwitilwa malenga gono gakuhuluma mu cikolongo, cono cilawiliye mu Nyumba yo Mulungu. Ne mikalo ye mibici yiyo, yolowa yo ndigwa, ne mahamha gayo, golowa so miti yo kuponezya wanhu.”
Mipaka ye yisi
13U Muwaha Mulungu yakutya nhavi, “Ayi yowa yo mipaka ye yisi nha vyono yinojeye wagawilwe we milango yikumi na myejete, hamonga na wo mulango wa Yusufu, wono wanojeye watuje magawo mejete. 14Hambi ane nha nehuwiza kuli walezi wenyu, nha vyono nowapela yisi yiyi yiwe yawo. Holeka aluno, muyigawanaje muling'ano muli'nye wose. 15U mupaka wo lubavu lwa kusumuka, wulawiliye ku lubavu lwa kucilima kwi'lenga lya Meditelaneya, sunga kwi'kaya lya Hetiloni, sunga ku Hamati Pasi, sunga ko kwi'kaya lya Zedadi. 16U mupaka wuwa kujendelela sunga mu makaya ga Belota, na Sibulayimu. (Gono gali haciligati ye yisi ya mu wutemi wa Damesiki, ne yisi ya mu wutemi wa Hamati.) Hanyuma kanyhi mupaka wuwa kujendelela sunga kwi'kaya lya Tikoni, (lyono lizenjigwe behi no mupaka we yisiya Hawulani.) 17U mupaka wa ku lubavu lwa kusumuka, nawo wulawiliye kwi'lenga la Meditelaneya, ku lubavu lwa kucilima, wuwa kubita sunga ko kwi'kaya lya Enoni, viwa kutemana ne mipaka ye yisi ya Damesiki, hamonga ne yisi ya Hamati, ku lubavu lwayo lwe sumuka.
18“U mupaka wo lubavu lwa kucilima, nawo wubitile du kono takama, ku wulawilila hagati ye yisi ya Damesiki, ne yisi ya Hawulani. Nalyo likolongo lya Yoludani, wo mupaka hagati ye yisi ya Isilayeli kono lubavu lwa kumwezi, ne yisi ya Gileyadi, ku lubavu lwa kucilima, wuwa kubita, sunga ku Tamali, kwi'lenga lyo mwino.
19“Nawo mupaka wo lubavu lwa kumwezi ye takama, ku wulawilila Tamali, sunga ko ku mibici yono yili mu malenga ga Kadeshi Meliba, na hanyuma wuwa kubita sunga ko ku lubavu lwa kusumuka ye mwezi, sunga ko ku mupaka we yisi ya Misili, sunga ko kwi'lenga lya Meditelaneya.
20“U mupaka nawo wa ku lubavu lwa kumwezi, wowa lilenga lya Meditelaneya, wuwa kubita kusumuka, sunga ko ku ndumilizo ye mwezi ye yisi ya Hamati Pasi.
21“Holeka mwigawilaje nyenye wose yisi yiyi mu milango yenyu. 22Nayo yowa yisi yenyu nyenye nyo weneco. Ninga hamba nhavivyo, i wajenzi wono mwikalane nawo, wono wakondya kulelela ne wana wawo bahano, wawo nawo wanojeye wagawilwe yisi, lono anye mweza kuyigawana. Kanyhi anye, munojeye muwatendele nha wanyawusi walelelwa mu Waisilayeli. Na kanyhi wena ling'ani yo kutowa kula, ho watuje ligawo lyo wuhazi we yisi, hamonga na nyenye, mu ciligati ye zimhuga za Isilayeli. 23U munhu wo wose mujenzi, mono mwikalane nayo, yimunojeye nayo yatuje ligawo lyakwe, hamonga ne wanhu wo mulango wono wekalane nayo. Vyo nghutya, ane no Muwaha Mulungu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.