Danyeli 1
1
Danyeli ne wayagwe ha mwande ye mahakama ga Nebukadineza
1Ale, mu mwaka we kadatu, wa mu wuteme wakwe Yehoyakimu mu yisi ya Yuda. Mutemi Nebukadineza wa ku Babiloni yakalipilima likaya lya Yelusalemi no kulihoma. 2Muwaha Mulungu yakamutajila Yehoyakimu mu miwoko ya Nebukadineza, hamonga ne viya vinji vya mu Nyumba yo Mulungu. U mutemi Nebukadineza yakawasola wafungwa hamonga ne viya yakawa kuvitegula ku Babiloni, yono hanji yacemwaga shinali, yakaviwika mu vinyumba vye viwutwa vya mu nyumba ye milungu yakwe.
3Mutemi yakamulonjela Ashipenazi, u muwaha we wapaswe wakwe, yawahagule wanji wa muli wana wa Isilayeli i wahamywa, wa mu lulelo lwe citemi-temi, na wa mu zindelo zinhambule. 4Wawe wazelelo wono wena futa swanu, we mahala muno muno, kanyhi wono weyijize viswanu, wapelupelu ku wizuce, wono wasina hamba cilema mu miwili yawo. Ho wapegwe mulimo wo kuyidima nyumba yo wutemi. Nayo Ashipenazi yawalanjize no kusoma, no kwandika, mu nonga ye Cibabiloni. 5Kanyhi mutemi yakalajiliza vyono, i wazalelo wawa, weze kupegwa nhondo zose zindigwa, hamonga ne divayi, nha vyono walizaga wa mu mhuga yo wutemi. Na kolo wakondya kwijizwa myaka midatu, wategulwe ha mwande yo mutemi. 6Na muli wawo wono wahagulwa, yali Danyeli, Hananiya, Mishayeli na Azaliya. Na wose wawa, wali wo mulango wa Yuda. 7Baho u mulongola muwaha yakawacemela matagwa mapya. Danyeli yakamucemela lya Beliteshaza, Hananiya yakamucemela lya Shedilaki, Mishayeli yakamucemela lya Meshaki na Azaliya yakamucemela lya Abedinego.
8Baho Danyeli yakehwesa mu nhumbula yakwe, yakawona nha vyono sikosuma kwiyavufya, so wulya zindigwa no kung'wa divayi ya mu nyumba yo wutemi. Holeka yakawa kumulomba Ashipenazi yu yulya u muwaha we wapaswe, yamulece, yalece kulya ndigwa yono yomwavufya. 9Nayo Mulungu yakamupela Ashipenazi nhumbula yo lusungu kuli Danyeli. 10Ninga hamba nhavivyo, Ashipenazi yamogopaga mutemi, holeka yakamulonjela Danyeli yakamutya, “Alu mutemi nha yakondya kuwaga ndigwa yono mowa kulya no kung'wa, holeka hono wulece kwijela wujinile nhe wayago, mutemi kombulaga.” 11Baho Danyeli yakamulonjela u mulongola mono yapegwa wuwaha na Ashipenazi yawe yo mulanjilizi wa mwene Danyeli na Hananiya, na Meshaki, na Azaliya, yakamutya, 12“Dedede cikukunena wucijelaje mwi'daha lya vilo yikumi du, wucipelaje, mboga mboga du zo ciwe kulya, hamonga ne malenga du go kung'wa. 13Hanyuma ho kociling'aniza ase ne wazelelo wayetu wono wakulya zindigwa ze nyumba yo wutemi, baho ho kowona vyono cikwijela ha mwande ye wayetu.” 14Yuyo yakalumba wajele kulya nhavivyo mwi'daha lya vilo yikumi. 15Ne vilo yikumi vyali vyeza kupuluta, wakejela wajinile, kanyhi watuga ne vilungo, kuciza i wazelelo walya wono walizaga zindigwa za mu nyumba yo wutemi. 16Wulawilila baho u mulindilizi yakawawusiza lukulu mu zindigwa zono mutemi yali yalajilize, yakajendelela kuwapela mboga mboga du hamonga ne malenga go kung'wa.
17Mulungu yakawapela wawo wazelelo wane wizuce wuwaha, hamonga no wumanya mahala, na mu wumanya kusoma no kwandika. Hamonga na zizo, Danyeli yakapegwa wizuce wo kulolosa zinhunizo ze zindoto no wugubulilwe we hayo hayo. 18Ne myaka yiyilya midatu, yono yawagwa no mutemi yali yeza kupuluta, Ashipenazi yakawasola wazelelo wawa wose yakawategula kuli Nebukadineza. 19Mutemi yakaduwana na wose yumonga yumonga. Ninga Danyeli, Hananiya, Mishayeli na Azaliya, wakamwendeza muno mutemi si nhe wayawo wose. Na ku soko yiyo, wakawikwa wawe wetumami wo mutemi. 20Na muli nghani yo yose yo wizuce, yono mutemi yayiwuzaga, hamba nghani nghamu, wawa i wane, wakejela wo wena wizuce kali kumi kuciza waganga ne wahawi wa mu wutemi wakwe wose. 21Danyeli yakajendelela kuwa kuko, sunga lono Kulo u mutemi wa Pelisiya yayihomela Babiloni no kuyisuma.
Currently Selected:
Danyeli 1: LLKWW
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.
Danyeli 1
1
Danyeli ne wayagwe ha mwande ye mahakama ga Nebukadineza
1Ale, mu mwaka we kadatu, wa mu wuteme wakwe Yehoyakimu mu yisi ya Yuda. Mutemi Nebukadineza wa ku Babiloni yakalipilima likaya lya Yelusalemi no kulihoma. 2Muwaha Mulungu yakamutajila Yehoyakimu mu miwoko ya Nebukadineza, hamonga ne viya vinji vya mu Nyumba yo Mulungu. U mutemi Nebukadineza yakawasola wafungwa hamonga ne viya yakawa kuvitegula ku Babiloni, yono hanji yacemwaga shinali, yakaviwika mu vinyumba vye viwutwa vya mu nyumba ye milungu yakwe.
3Mutemi yakamulonjela Ashipenazi, u muwaha we wapaswe wakwe, yawahagule wanji wa muli wana wa Isilayeli i wahamywa, wa mu lulelo lwe citemi-temi, na wa mu zindelo zinhambule. 4Wawe wazelelo wono wena futa swanu, we mahala muno muno, kanyhi wono weyijize viswanu, wapelupelu ku wizuce, wono wasina hamba cilema mu miwili yawo. Ho wapegwe mulimo wo kuyidima nyumba yo wutemi. Nayo Ashipenazi yawalanjize no kusoma, no kwandika, mu nonga ye Cibabiloni. 5Kanyhi mutemi yakalajiliza vyono, i wazalelo wawa, weze kupegwa nhondo zose zindigwa, hamonga ne divayi, nha vyono walizaga wa mu mhuga yo wutemi. Na kolo wakondya kwijizwa myaka midatu, wategulwe ha mwande yo mutemi. 6Na muli wawo wono wahagulwa, yali Danyeli, Hananiya, Mishayeli na Azaliya. Na wose wawa, wali wo mulango wa Yuda. 7Baho u mulongola muwaha yakawacemela matagwa mapya. Danyeli yakamucemela lya Beliteshaza, Hananiya yakamucemela lya Shedilaki, Mishayeli yakamucemela lya Meshaki na Azaliya yakamucemela lya Abedinego.
8Baho Danyeli yakehwesa mu nhumbula yakwe, yakawona nha vyono sikosuma kwiyavufya, so wulya zindigwa no kung'wa divayi ya mu nyumba yo wutemi. Holeka yakawa kumulomba Ashipenazi yu yulya u muwaha we wapaswe, yamulece, yalece kulya ndigwa yono yomwavufya. 9Nayo Mulungu yakamupela Ashipenazi nhumbula yo lusungu kuli Danyeli. 10Ninga hamba nhavivyo, Ashipenazi yamogopaga mutemi, holeka yakamulonjela Danyeli yakamutya, “Alu mutemi nha yakondya kuwaga ndigwa yono mowa kulya no kung'wa, holeka hono wulece kwijela wujinile nhe wayago, mutemi kombulaga.” 11Baho Danyeli yakamulonjela u mulongola mono yapegwa wuwaha na Ashipenazi yawe yo mulanjilizi wa mwene Danyeli na Hananiya, na Meshaki, na Azaliya, yakamutya, 12“Dedede cikukunena wucijelaje mwi'daha lya vilo yikumi du, wucipelaje, mboga mboga du zo ciwe kulya, hamonga ne malenga du go kung'wa. 13Hanyuma ho kociling'aniza ase ne wazelelo wayetu wono wakulya zindigwa ze nyumba yo wutemi, baho ho kowona vyono cikwijela ha mwande ye wayetu.” 14Yuyo yakalumba wajele kulya nhavivyo mwi'daha lya vilo yikumi. 15Ne vilo yikumi vyali vyeza kupuluta, wakejela wajinile, kanyhi watuga ne vilungo, kuciza i wazelelo walya wono walizaga zindigwa za mu nyumba yo wutemi. 16Wulawilila baho u mulindilizi yakawawusiza lukulu mu zindigwa zono mutemi yali yalajilize, yakajendelela kuwapela mboga mboga du hamonga ne malenga go kung'wa.
17Mulungu yakawapela wawo wazelelo wane wizuce wuwaha, hamonga no wumanya mahala, na mu wumanya kusoma no kwandika. Hamonga na zizo, Danyeli yakapegwa wizuce wo kulolosa zinhunizo ze zindoto no wugubulilwe we hayo hayo. 18Ne myaka yiyilya midatu, yono yawagwa no mutemi yali yeza kupuluta, Ashipenazi yakawasola wazelelo wawa wose yakawategula kuli Nebukadineza. 19Mutemi yakaduwana na wose yumonga yumonga. Ninga Danyeli, Hananiya, Mishayeli na Azaliya, wakamwendeza muno mutemi si nhe wayawo wose. Na ku soko yiyo, wakawikwa wawe wetumami wo mutemi. 20Na muli nghani yo yose yo wizuce, yono mutemi yayiwuzaga, hamba nghani nghamu, wawa i wane, wakejela wo wena wizuce kali kumi kuciza waganga ne wahawi wa mu wutemi wakwe wose. 21Danyeli yakajendelela kuwa kuko, sunga lono Kulo u mutemi wa Pelisiya yayihomela Babiloni no kuyisuma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.