Ezekiyeli 46
46
U mutemi ne zisikukuu
1U Muwaha Mulungu yakutya, “U mulango wo lubavu lwa kucilima wo kwinjilila mwi'kumbo lya mugati, weze kwikala mudinde mu vilo vyose mutandatu vye milimo. Ninga mwi'zuwa lye Sabato, na mu zisikukuu zose ze ndawo yo mwezi, aho langa, weze kudigulwa wikala wuli mwazi. 2Nayo mutemi kokwinjilila nzila ya mwi'kumbo lyo mulango wu wulya wo lubavu lwa kunze, yawe kwima behi ne masumbili go mulango, lono i wakohani wali mu mulimo wo kulavya i makumbiko ge vilavywa vyakwe vinyanywe, hamonga ne vilavywa vyakwe vyo mulamu. Nayo mutemi yimunojeye yahembe baho ha mulango. Na kolo yakondya kuhemba, ho yawe kuwuka baho. Ninga hamba nhavivyo, u mulango langa, wulece kudindwa sunga cinyamihe, ho wudindwe. 3Na mu vilo vyose vye Sabato, na mu vilo vyose vye zisikukuu za mu ndawo yo mwezi, i wanhu wose wanojeye wamuhembe Muwaha Mulungu, baho ha mwande yo mulango wuwo.
4“Nayo Mutemi yowa yimunojeye mwi'zuwa lye Sabato, yamulavizye Muwaha Mulungu makumbiko manyanywe, nyana za ngholo mutandatu zono zisina vilema, hamonga na nduwilu monga, nayo yono yisina cilema. 5Na mu cilavywa ce mvulati monga monga, yeze kulavya hamonga ne cilavywa co wusaje, wa lita yikumi na mupunghati na nusu. Na mu nyana ze zingholo monga monga, yeze kulavya mu nghango yo yose yono kosuma kulavya. Na mu cilavywa co wusaje, yeze kulavya hamonga ne mafuta, lita yidatu yidatu. 6Na mu sikukuu ye ndawo yo mwezi, yeze kulavya nzeku ndodo monga, hamonga na nyana ze zingholo, mutandatu, na mvulati monga, zose zono zisina vilema. 7Nayo yeze kulavya cilavywa co wusaje lita yikumi na mupunghati na nusu, so nzeku monga, ne cilavywa ca munghango yono kosuma mweneco kulavya, so mvulati monga monga. Ninga i mafuta langa, go geze kulavywa hamonga ne cilavywa co wusaje lono yakuwulavya. 8Ninga yimunojeye mutemi yawuce baho ha mulango yabite kudeha, yakolele mu mulango wu wulya du wono yenjiliye.
9“Na kolo i wanhu wakuza kumuhemba Muwaha Mulungu, mu vilo vye zisikukuu, wuwalonjelaje nha vyono, wono wokwinjilila ku mulango we sumuka mu Nyumba yo Mulungu, kolo wakondya wuhembi, walawanizize ku mulango wa kutakama. Nawo wono wakwinjilila ku mulango wa kutakama, walawanizize ku mulango we sumuka. Halece kuwa no munhu wo wose mono kolawaniziza kanyhi ku mulango wono yenjiliye ng'o, langa yiwanojeye munhu wo wose yawe kulawaniziza mu mulango wono si yenjiliye. 10Nayo mutemi yimunojeye yawe kwinjila lono i wanhu wakwinjila, kanyhi yawe kulawaniza hamonga ne wanhu lono wakulawila kunze. 11Na mu vilo viwaha, na mu vilo viwaha vinji vinji vyono vyatemywa, yinojeye cilavywa co wusaje ciwe kulavywa, yeze lita yikumi na mupunghati na nusu so nzeku monga hamba so nduwilu monga, hamonga ne vinhu vinji vinji, vyono i wahembi wosaka weneco, walavye so ngholo monga monga. Ninga yinojeye lita yidatu za mafuta, zeze kulavywa hamonga ne cilavywa cimonga co wusaje.
12“Nayo mutemi kolo yakuhila kumulavizya Muwaha Mulungu, i cilavywa cinyanywe, hamba cilavywa co mulamu, ale, u mulango wo lubavu lwa kucilima wono wudomile kwi'kumbo lya mugati, wunojeye wuwe mudigule wuli mwazi. Nayo mutemi kocilavizya cilavywa mu nzila yono kayitumamilaga mu vilo vye Sabato. Ninga kolo yakondya kulawaniza kudeha, yinojeye u mulango wudindwe kanyhi.”
I vilavywa vye nhondo zose
13U Muwaha Mulungu yakutya nhavi, “Nhondo zose hakali mitondo, yinojeye yeze kulavywa kuli Muwaha Mulungu, ngholo monga monga ya mwaka monga, yono yisina cilema. Ne cilavywa cici, yinojeye ciwe kulavywa nhondo zose. 14Kanyhi ne cilavywa co wusaje kilo nyejete, naco yinojeye ciwe kulavywa nhondo zose, hakali mitondo, hamonga ne mafuta lita monga, go kuhanza no wusaje. Ne lilajilizo lili lye cilavywa cici kuli Muwaha Mulungu, lyowa lya cibitilila. 15Nhavivi vyo wowa kulavya cilavywa ce ngholo, no wusaje, hamonga ne mafuta kuli Muwaha Mulungu, nhondo zose hakali mitondo, cibitilila.”
U mutemi ne yisi
16U Muwaha Mulungu yakulajiliza yakutya nhavi, “Hono mutemi yasole hanhu hanji mu yisi yakwe, yamutemele yumonga wa muli wanagwe, i hanhu baho, howa yawa sawo ya yuyo mwanagwe du hamonga ne we mhuga yakwe. 17Ninga hono mutemi yamutemele yumonga wa muli wetumami wakwe, i hanhu baho langa holomuwuyila kanyhi mutemi mu mwaka wo wuhogolwe wo mwitumami yuyo kolo weza kufika. Hambi ayo nha yo sawo yakwe du mutemi hamonga ne wanagwe. 18Kanyhi yimunojeye mutemi, yalecele lukulu kuwasolela i wanhu sawo yawo. Kanyhi yalanjilile, vyono i hanhu ho hose mu'si hono yakuwapela i wanagwe, heze i hanhu hono hakulawa mu yisi yakwe mweneco du. Ho yalece kuwewonela wanhu wangu mu nzila yo kuwaboka yisi yawo.”
I hanhu ho wutelecelo we zindigwa, mu Nyumba yo Mulungu
19Hanyuma kanyhi u munhu yuyo, yakasola, yakanhegula ku winjililo we vinyumba, vyono vyali vilanjile ku lubavu lwa kusumuka, behi no mulango wo lubavu lwa kutakama we likumbo lya mugati. Ne vinyumba vivyo, vyali vyo vinyumba vyono vyelile vye wakohani. U munhu yuyo, yakandajila hanhu hanji ku lubavu lwa kumwezi ye vinyumba vivyo, 20yakanyitya, “Ahano, ho hanhu hono i wakohani watelecelaga nyama yono yalavywa makumbiko, so wubi, hamba so cilavywa co wusutye, kanyhi baho ho watelecelaga ne vilavywa vyo wusaje. Wanozezaga vivyo baho, ho cinhu cinji cono celile cilece kusolwa no kutegulwa kwi'kumbo lya kunze, ho vilece kuwataciza wanhu u wele wavyo.”
21Hanyuma kanyhi yakawa kunhegula kwi'kumbo lya kunze, yakawa kundajila zinhuzi zose vyono yine ze likumbo lilyo. 22Baho, nghawona vikumbo vidodo vidodo vili mu zinhuzi zose, vikumbo vyono vyali vina cimonga, wutali wa mita makumi mejete, no wugazi wa mita yikumi ne'hano. 23Ne vikumbo vivyo vyose, vyali vizenjelwe majinji ga mabwe, gavipilime, hamonga ne hanhu ho wupembo wo moto, nawo wuzenjigwe mubanhicizwe mu majinji gago. 24U munhu yuyo yakanonjela yakatya, “Awu ahano, wo wutelecelo, hono i wetumami wa mu Nyumba yo Mulungu wotelecela i makumbiko gono wanhu wanhu kulavyaga.”
Currently Selected:
Ezekiyeli 46: LLKWW
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.
Ezekiyeli 46
46
U mutemi ne zisikukuu
1U Muwaha Mulungu yakutya, “U mulango wo lubavu lwa kucilima wo kwinjilila mwi'kumbo lya mugati, weze kwikala mudinde mu vilo vyose mutandatu vye milimo. Ninga mwi'zuwa lye Sabato, na mu zisikukuu zose ze ndawo yo mwezi, aho langa, weze kudigulwa wikala wuli mwazi. 2Nayo mutemi kokwinjilila nzila ya mwi'kumbo lyo mulango wu wulya wo lubavu lwa kunze, yawe kwima behi ne masumbili go mulango, lono i wakohani wali mu mulimo wo kulavya i makumbiko ge vilavywa vyakwe vinyanywe, hamonga ne vilavywa vyakwe vyo mulamu. Nayo mutemi yimunojeye yahembe baho ha mulango. Na kolo yakondya kuhemba, ho yawe kuwuka baho. Ninga hamba nhavivyo, u mulango langa, wulece kudindwa sunga cinyamihe, ho wudindwe. 3Na mu vilo vyose vye Sabato, na mu vilo vyose vye zisikukuu za mu ndawo yo mwezi, i wanhu wose wanojeye wamuhembe Muwaha Mulungu, baho ha mwande yo mulango wuwo.
4“Nayo Mutemi yowa yimunojeye mwi'zuwa lye Sabato, yamulavizye Muwaha Mulungu makumbiko manyanywe, nyana za ngholo mutandatu zono zisina vilema, hamonga na nduwilu monga, nayo yono yisina cilema. 5Na mu cilavywa ce mvulati monga monga, yeze kulavya hamonga ne cilavywa co wusaje, wa lita yikumi na mupunghati na nusu. Na mu nyana ze zingholo monga monga, yeze kulavya mu nghango yo yose yono kosuma kulavya. Na mu cilavywa co wusaje, yeze kulavya hamonga ne mafuta, lita yidatu yidatu. 6Na mu sikukuu ye ndawo yo mwezi, yeze kulavya nzeku ndodo monga, hamonga na nyana ze zingholo, mutandatu, na mvulati monga, zose zono zisina vilema. 7Nayo yeze kulavya cilavywa co wusaje lita yikumi na mupunghati na nusu, so nzeku monga, ne cilavywa ca munghango yono kosuma mweneco kulavya, so mvulati monga monga. Ninga i mafuta langa, go geze kulavywa hamonga ne cilavywa co wusaje lono yakuwulavya. 8Ninga yimunojeye mutemi yawuce baho ha mulango yabite kudeha, yakolele mu mulango wu wulya du wono yenjiliye.
9“Na kolo i wanhu wakuza kumuhemba Muwaha Mulungu, mu vilo vye zisikukuu, wuwalonjelaje nha vyono, wono wokwinjilila ku mulango we sumuka mu Nyumba yo Mulungu, kolo wakondya wuhembi, walawanizize ku mulango wa kutakama. Nawo wono wakwinjilila ku mulango wa kutakama, walawanizize ku mulango we sumuka. Halece kuwa no munhu wo wose mono kolawaniziza kanyhi ku mulango wono yenjiliye ng'o, langa yiwanojeye munhu wo wose yawe kulawaniziza mu mulango wono si yenjiliye. 10Nayo mutemi yimunojeye yawe kwinjila lono i wanhu wakwinjila, kanyhi yawe kulawaniza hamonga ne wanhu lono wakulawila kunze. 11Na mu vilo viwaha, na mu vilo viwaha vinji vinji vyono vyatemywa, yinojeye cilavywa co wusaje ciwe kulavywa, yeze lita yikumi na mupunghati na nusu so nzeku monga hamba so nduwilu monga, hamonga ne vinhu vinji vinji, vyono i wahembi wosaka weneco, walavye so ngholo monga monga. Ninga yinojeye lita yidatu za mafuta, zeze kulavywa hamonga ne cilavywa cimonga co wusaje.
12“Nayo mutemi kolo yakuhila kumulavizya Muwaha Mulungu, i cilavywa cinyanywe, hamba cilavywa co mulamu, ale, u mulango wo lubavu lwa kucilima wono wudomile kwi'kumbo lya mugati, wunojeye wuwe mudigule wuli mwazi. Nayo mutemi kocilavizya cilavywa mu nzila yono kayitumamilaga mu vilo vye Sabato. Ninga kolo yakondya kulawaniza kudeha, yinojeye u mulango wudindwe kanyhi.”
I vilavywa vye nhondo zose
13U Muwaha Mulungu yakutya nhavi, “Nhondo zose hakali mitondo, yinojeye yeze kulavywa kuli Muwaha Mulungu, ngholo monga monga ya mwaka monga, yono yisina cilema. Ne cilavywa cici, yinojeye ciwe kulavywa nhondo zose. 14Kanyhi ne cilavywa co wusaje kilo nyejete, naco yinojeye ciwe kulavywa nhondo zose, hakali mitondo, hamonga ne mafuta lita monga, go kuhanza no wusaje. Ne lilajilizo lili lye cilavywa cici kuli Muwaha Mulungu, lyowa lya cibitilila. 15Nhavivi vyo wowa kulavya cilavywa ce ngholo, no wusaje, hamonga ne mafuta kuli Muwaha Mulungu, nhondo zose hakali mitondo, cibitilila.”
U mutemi ne yisi
16U Muwaha Mulungu yakulajiliza yakutya nhavi, “Hono mutemi yasole hanhu hanji mu yisi yakwe, yamutemele yumonga wa muli wanagwe, i hanhu baho, howa yawa sawo ya yuyo mwanagwe du hamonga ne we mhuga yakwe. 17Ninga hono mutemi yamutemele yumonga wa muli wetumami wakwe, i hanhu baho langa holomuwuyila kanyhi mutemi mu mwaka wo wuhogolwe wo mwitumami yuyo kolo weza kufika. Hambi ayo nha yo sawo yakwe du mutemi hamonga ne wanagwe. 18Kanyhi yimunojeye mutemi, yalecele lukulu kuwasolela i wanhu sawo yawo. Kanyhi yalanjilile, vyono i hanhu ho hose mu'si hono yakuwapela i wanagwe, heze i hanhu hono hakulawa mu yisi yakwe mweneco du. Ho yalece kuwewonela wanhu wangu mu nzila yo kuwaboka yisi yawo.”
I hanhu ho wutelecelo we zindigwa, mu Nyumba yo Mulungu
19Hanyuma kanyhi u munhu yuyo, yakasola, yakanhegula ku winjililo we vinyumba, vyono vyali vilanjile ku lubavu lwa kusumuka, behi no mulango wo lubavu lwa kutakama we likumbo lya mugati. Ne vinyumba vivyo, vyali vyo vinyumba vyono vyelile vye wakohani. U munhu yuyo, yakandajila hanhu hanji ku lubavu lwa kumwezi ye vinyumba vivyo, 20yakanyitya, “Ahano, ho hanhu hono i wakohani watelecelaga nyama yono yalavywa makumbiko, so wubi, hamba so cilavywa co wusutye, kanyhi baho ho watelecelaga ne vilavywa vyo wusaje. Wanozezaga vivyo baho, ho cinhu cinji cono celile cilece kusolwa no kutegulwa kwi'kumbo lya kunze, ho vilece kuwataciza wanhu u wele wavyo.”
21Hanyuma kanyhi yakawa kunhegula kwi'kumbo lya kunze, yakawa kundajila zinhuzi zose vyono yine ze likumbo lilyo. 22Baho, nghawona vikumbo vidodo vidodo vili mu zinhuzi zose, vikumbo vyono vyali vina cimonga, wutali wa mita makumi mejete, no wugazi wa mita yikumi ne'hano. 23Ne vikumbo vivyo vyose, vyali vizenjelwe majinji ga mabwe, gavipilime, hamonga ne hanhu ho wupembo wo moto, nawo wuzenjigwe mubanhicizwe mu majinji gago. 24U munhu yuyo yakanonjela yakatya, “Awu ahano, wo wutelecelo, hono i wetumami wa mu Nyumba yo Mulungu wotelecela i makumbiko gono wanhu wanhu kulavyaga.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.