Ezekiyeli 45
45
I ligawo lye yisi, lyo Muwaha Mulungu
1Na kolo mweza kuyigawa yisi no kuwapela mulango no wuhazi wawo we yisi, mukumbucile ligawo limonga, mumulavizyaje nayo Muwaha Mulungu. Ne ligawo lilyo linojeye lyeze lina wutali wa kilomita yikumi na nyejete na nusu, no wugazi wayo, weze kilomita yikumi limonga. Ne ligawo lilyo lyose lye yisi, lyowa lyelile. 2Na mwi'gawo lyangu lilyo lye'si, mohagula i hanhu hono howa so Nyumba yo Mulungu, ne hanhu baho, haweze no wugazi wono wiling'aniye, wa mita magana mejete na makumi mahano kose kose. Ne hanhu baho heze kanyhi hapilimwe ne ciwanza co wugazi wa mita makumi mejete ne'hano kose kose. 3Nagwe kohapima hanhu baho, wusole wutali wa kilomita yikumi na nyejete na nusu no wugazi wa kilomita yihano, hawe ho hanhu hono hozengwa Nyumba yo Mulungu, hamonga ne Hanhu Hone Helile, Helile muno. 4Ne hanhu baho, ho howa helile du mu yisi yose, hono howa hawicigwe siya so wakohani du wono wakumwitumamila Muwaha Mulungu mu Nyumba yo Mulungu. Ne hanhu baho, ho hozengwa zikaya ze wakohani, hamonga ne Nyumba yo Mulungu. 5Na ku lubavu lunji lwe hanhu baho, naho hanojeye hasiwanulwe hawe lye'gawo lye Walawi wono wakwitumama mu Nyumba yo Mulungu. No lubavu lulo, ko kozengwa zikaya zono wowa kwikala.
6Na kanyhi, wupime hanhu hanji, behi ne hanhu baho hono helile, wutali wayo wuwe kilomita yikumi na nyejete na nusu, no wugazi wayo wuwe kilomita nyejete na nusu, hawe ho hanhu hono hozengwa zikaya, ne wanhu wose wa Isilayeli, wokwikala mu zikaya zizo.
I ligawo lye yisi yo mutemi
7Kanyhi yinojeye mutemi nayo, yatuje ligawo lyakwe lye yisi. Ne ligawo lilyo, liweze ku wulawilila ku mupaka wa ku lubavu lwa kumwezi we hanhu hono helile, sunga kumwezi kwi'lenga lya Meditelaneya. Na ku wulawilila ku mupaka wa ku lubavu lwa kucilima, sunga ko ku mupaka wo lubavu lwa kucilima lwe yisi U wutali wayo ho wuwe wiling'aniye no wutali we zi'si zono wapejigwe we zimhuga za Isilayeli. 8Ne hanhu baho, lyowa lye 'gawo du lyono lyowa lyo lyo mutemi, mu yisi ya Isilayeli. Nayo ho yalece kuwewonela wanhu, nayo koyileka yisi yose, yiwe sawo ye zimhuga ze wanhu wa Isilayeli du.
Wulajilize kuli mutemi
9U Muwaha Mulungu yakutya nhavi, “Nha mwanza katali mukwituma wubi, anye mo watemi wa Isilayeli! Ninga aluno, muwulekaje wugazi wenyu, hamonga ne mawonezi genyu kuli wanhu. Alu mwitumaje ze ling'ani na ze mbeka. Mulecele lukulu kuwawusa kanyhi wanhu wangu mu yisi yawo. Ane vyo nghumutyenyi, ane no Muwaha Mulungu.
10“Kanyhi munhu wo wose yimunojeye yetumamile vipimo vye ling'ani na vye mbeka.
11“Efa ne Bati, zowa cipimo cimonga. Nayo Bati yowa ligawo lye likumi lya Homeli, na Efa nayo, ligawo lye likumi lya Homeli, nayo Homeli yowa co cipimo ce nhondo zose. 12Nayo Shekeli, yowa Gela makumi mejete, na Shekeli makumi mahano, zowa makumi na monga. 13Awu nawo wo wulavye wono molavya, Ligawo lyo mutandatu lya Efa mu Homeli monga ya ngano. Nanye mowa kulavya ligawo lyo mutandatu lye Efa mu Homeli ye Shayili. 14Nalyo ligawo lye mafuta lyono lyawagwa mu Bati lye mafuta, lyowa yigawo lye likumi lya Bati, mu koli monga. Nayo koli monga yikuwa nha Bati yikumi ya Homeli. 15Na Ngholo monga monga mu wulawa mu ngholo magana mejete mejete za mu wudimo wuswanu we Waisilayeli.
“Kanyhi yinojeye mulavye ne cilavywa co wusaje, hamonga ne zimitugo so cilavywa cinyanywe, na so vilavywa vyo mulamu, u wubi wenyu ho wusume kunenelwa. Yo nene no Muwaha Mulungu mono nghuzilajiliza zizi.
16“Ne wanhu wose wa mono yisi, yiwanojeye wamutegulile mutemi wa Isilayeli i vilavywa vivino vyose. 17Nayo mutemi, wowa wo mulimo wakwe kuzilavya zimitugo so vilavywa vinyanywe, hamonga ne vilavywa vyo wusaje, ne vilavywa vye divayi so nghungugo yose ya Isilayeli, mu mapango ge zisikukuu ze ndawo yo mwezi, na mu zi Sabato, sunga na mu zisikukuu zinji zinji zose. Mwene yo kolavya i vilavywa vyo wubi, na vyo wusaje, ne vilavywa vinyanywe, hamonga ne vilavywa vyo mulamu ho yawanozeze wilamule i wanhu wa Isilayeli.”
I zisikukuu
(Wut 12:1-20; Lawi 23:33-43)
18U Muwaha Mulungu yakamutya nhavi, “Yikunojeye mwi'zuwa lilongozi lya mu mwezi mulongozi, wusole nzeku ndodo yono yisina cilema, wuyeze Nyumba yo Mulungu. 19Nayo mukohani koyisola sakami nyhefu ye cilavywa cico co wubi, yabace mu zifulemu ze milango ye Nyumba yo Mulungu, na mu zinhuzi zose vyono yine, ze cikumbicilo. Sunga na mu zifulemu ze milango yose, ya mwi'kumbo lya mugati. 20Na mwi'zuwa lyo mupunghati lya mu mwezi, kanyhi kosuma kunoza nhavivyo, so munhu wo wose mono yakwitumila wubi citu no wu wula kumanya. Na mu nzila yiyi, ho kosuma kuyinoza Nyumba yo Mulungu yiwe yelile.
21“Na mwi'zuwa lye likumi na yize lya mu mwezi mulongozi, baho ho kokwanziza kuyinoza sikukuu ye Pasaka. Na mu vilo mupunghati, i wanhu wose wowa kulya mukate wono wusina cisase. 22Na mwi'zuwa lilongozi lye sikukuu, u mutemi yalavye nzeku ndodo, yiwe so cilavywa co wubi, na ku soko yo wubi we wanhu wose. 23Na mu vilo vyose, mu vilo vivyo vyo mupunghati, vye sikukuu, yimunojeye yamulavizye u Muwaha Mulungu, makumbiko ga nzeku ndodo mupunghati, nzeku monga monga nhondo zose, hamonga na ngholo nduwilu mupunghati, zono zisina cilema, ziwe vilavywa vinyanywe kanyhi. Yimunojeye yalavye mhene mvulati monga monga nhondo zose, mu vilo vivyo mupunghati so cilavywa co wubi. 24Na kanyhi, yinojeye hawe ne cilavywa co wusaje ca lita zono zificile yikumi na mupunghati na nusu, hamonga ne mafuta ga lita yidatu, ho vilavywe hamonga ne nzeku monga, monga hamonga ne zingholo zinduwilu monga monga, zono zikulavywa likumbiko.
25“Na mu zisikukuu ze vibanda, zono zowa kwanza mwi'zuwa lye likumi ne'hano, lya mu mwezi wo mupunghati, u mutemi kowa kulavya nhondo zose mu vilo mupunghati, i vilavywa vyo wubi vyono vihwanile du nhe vilo vye zisikukuu zinji zose. Nha cinji, i vilavywa vinyanywe, ne vilavywa vyo 'saje, hamonga ne vilavywa vye mafuta.”
Currently Selected:
Ezekiyeli 45: LLKWW
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.
Ezekiyeli 45
45
I ligawo lye yisi, lyo Muwaha Mulungu
1Na kolo mweza kuyigawa yisi no kuwapela mulango no wuhazi wawo we yisi, mukumbucile ligawo limonga, mumulavizyaje nayo Muwaha Mulungu. Ne ligawo lilyo linojeye lyeze lina wutali wa kilomita yikumi na nyejete na nusu, no wugazi wayo, weze kilomita yikumi limonga. Ne ligawo lilyo lyose lye yisi, lyowa lyelile. 2Na mwi'gawo lyangu lilyo lye'si, mohagula i hanhu hono howa so Nyumba yo Mulungu, ne hanhu baho, haweze no wugazi wono wiling'aniye, wa mita magana mejete na makumi mahano kose kose. Ne hanhu baho heze kanyhi hapilimwe ne ciwanza co wugazi wa mita makumi mejete ne'hano kose kose. 3Nagwe kohapima hanhu baho, wusole wutali wa kilomita yikumi na nyejete na nusu no wugazi wa kilomita yihano, hawe ho hanhu hono hozengwa Nyumba yo Mulungu, hamonga ne Hanhu Hone Helile, Helile muno. 4Ne hanhu baho, ho howa helile du mu yisi yose, hono howa hawicigwe siya so wakohani du wono wakumwitumamila Muwaha Mulungu mu Nyumba yo Mulungu. Ne hanhu baho, ho hozengwa zikaya ze wakohani, hamonga ne Nyumba yo Mulungu. 5Na ku lubavu lunji lwe hanhu baho, naho hanojeye hasiwanulwe hawe lye'gawo lye Walawi wono wakwitumama mu Nyumba yo Mulungu. No lubavu lulo, ko kozengwa zikaya zono wowa kwikala.
6Na kanyhi, wupime hanhu hanji, behi ne hanhu baho hono helile, wutali wayo wuwe kilomita yikumi na nyejete na nusu, no wugazi wayo wuwe kilomita nyejete na nusu, hawe ho hanhu hono hozengwa zikaya, ne wanhu wose wa Isilayeli, wokwikala mu zikaya zizo.
I ligawo lye yisi yo mutemi
7Kanyhi yinojeye mutemi nayo, yatuje ligawo lyakwe lye yisi. Ne ligawo lilyo, liweze ku wulawilila ku mupaka wa ku lubavu lwa kumwezi we hanhu hono helile, sunga kumwezi kwi'lenga lya Meditelaneya. Na ku wulawilila ku mupaka wa ku lubavu lwa kucilima, sunga ko ku mupaka wo lubavu lwa kucilima lwe yisi U wutali wayo ho wuwe wiling'aniye no wutali we zi'si zono wapejigwe we zimhuga za Isilayeli. 8Ne hanhu baho, lyowa lye 'gawo du lyono lyowa lyo lyo mutemi, mu yisi ya Isilayeli. Nayo ho yalece kuwewonela wanhu, nayo koyileka yisi yose, yiwe sawo ye zimhuga ze wanhu wa Isilayeli du.
Wulajilize kuli mutemi
9U Muwaha Mulungu yakutya nhavi, “Nha mwanza katali mukwituma wubi, anye mo watemi wa Isilayeli! Ninga aluno, muwulekaje wugazi wenyu, hamonga ne mawonezi genyu kuli wanhu. Alu mwitumaje ze ling'ani na ze mbeka. Mulecele lukulu kuwawusa kanyhi wanhu wangu mu yisi yawo. Ane vyo nghumutyenyi, ane no Muwaha Mulungu.
10“Kanyhi munhu wo wose yimunojeye yetumamile vipimo vye ling'ani na vye mbeka.
11“Efa ne Bati, zowa cipimo cimonga. Nayo Bati yowa ligawo lye likumi lya Homeli, na Efa nayo, ligawo lye likumi lya Homeli, nayo Homeli yowa co cipimo ce nhondo zose. 12Nayo Shekeli, yowa Gela makumi mejete, na Shekeli makumi mahano, zowa makumi na monga. 13Awu nawo wo wulavye wono molavya, Ligawo lyo mutandatu lya Efa mu Homeli monga ya ngano. Nanye mowa kulavya ligawo lyo mutandatu lye Efa mu Homeli ye Shayili. 14Nalyo ligawo lye mafuta lyono lyawagwa mu Bati lye mafuta, lyowa yigawo lye likumi lya Bati, mu koli monga. Nayo koli monga yikuwa nha Bati yikumi ya Homeli. 15Na Ngholo monga monga mu wulawa mu ngholo magana mejete mejete za mu wudimo wuswanu we Waisilayeli.
“Kanyhi yinojeye mulavye ne cilavywa co wusaje, hamonga ne zimitugo so cilavywa cinyanywe, na so vilavywa vyo mulamu, u wubi wenyu ho wusume kunenelwa. Yo nene no Muwaha Mulungu mono nghuzilajiliza zizi.
16“Ne wanhu wose wa mono yisi, yiwanojeye wamutegulile mutemi wa Isilayeli i vilavywa vivino vyose. 17Nayo mutemi, wowa wo mulimo wakwe kuzilavya zimitugo so vilavywa vinyanywe, hamonga ne vilavywa vyo wusaje, ne vilavywa vye divayi so nghungugo yose ya Isilayeli, mu mapango ge zisikukuu ze ndawo yo mwezi, na mu zi Sabato, sunga na mu zisikukuu zinji zinji zose. Mwene yo kolavya i vilavywa vyo wubi, na vyo wusaje, ne vilavywa vinyanywe, hamonga ne vilavywa vyo mulamu ho yawanozeze wilamule i wanhu wa Isilayeli.”
I zisikukuu
(Wut 12:1-20; Lawi 23:33-43)
18U Muwaha Mulungu yakamutya nhavi, “Yikunojeye mwi'zuwa lilongozi lya mu mwezi mulongozi, wusole nzeku ndodo yono yisina cilema, wuyeze Nyumba yo Mulungu. 19Nayo mukohani koyisola sakami nyhefu ye cilavywa cico co wubi, yabace mu zifulemu ze milango ye Nyumba yo Mulungu, na mu zinhuzi zose vyono yine, ze cikumbicilo. Sunga na mu zifulemu ze milango yose, ya mwi'kumbo lya mugati. 20Na mwi'zuwa lyo mupunghati lya mu mwezi, kanyhi kosuma kunoza nhavivyo, so munhu wo wose mono yakwitumila wubi citu no wu wula kumanya. Na mu nzila yiyi, ho kosuma kuyinoza Nyumba yo Mulungu yiwe yelile.
21“Na mwi'zuwa lye likumi na yize lya mu mwezi mulongozi, baho ho kokwanziza kuyinoza sikukuu ye Pasaka. Na mu vilo mupunghati, i wanhu wose wowa kulya mukate wono wusina cisase. 22Na mwi'zuwa lilongozi lye sikukuu, u mutemi yalavye nzeku ndodo, yiwe so cilavywa co wubi, na ku soko yo wubi we wanhu wose. 23Na mu vilo vyose, mu vilo vivyo vyo mupunghati, vye sikukuu, yimunojeye yamulavizye u Muwaha Mulungu, makumbiko ga nzeku ndodo mupunghati, nzeku monga monga nhondo zose, hamonga na ngholo nduwilu mupunghati, zono zisina cilema, ziwe vilavywa vinyanywe kanyhi. Yimunojeye yalavye mhene mvulati monga monga nhondo zose, mu vilo vivyo mupunghati so cilavywa co wubi. 24Na kanyhi, yinojeye hawe ne cilavywa co wusaje ca lita zono zificile yikumi na mupunghati na nusu, hamonga ne mafuta ga lita yidatu, ho vilavywe hamonga ne nzeku monga, monga hamonga ne zingholo zinduwilu monga monga, zono zikulavywa likumbiko.
25“Na mu zisikukuu ze vibanda, zono zowa kwanza mwi'zuwa lye likumi ne'hano, lya mu mwezi wo mupunghati, u mutemi kowa kulavya nhondo zose mu vilo mupunghati, i vilavywa vyo wubi vyono vihwanile du nhe vilo vye zisikukuu zinji zose. Nha cinji, i vilavywa vinyanywe, ne vilavywa vyo 'saje, hamonga ne vilavywa vye mafuta.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.