Ezekiyeli 42
42
I mazengo mejete, behi ne Nyumba yo Mulungu
1Ale, u munhu yuyo yakasola, yakanhegula sunga ko ku luwa ya kunze, cikabitana nayo sunga ko kwi'zengo lyono lyali lili ku lubavu lwa kusumuka ye Nyumba yo Mulungu, hamba si kwali kutali muno ne lizengo, lyono lyali lili ku ndumilizo, ku lubavu lwa kumwezi ye Nyumba yo Mulungu. 2Ne lizengo lilyo, lyali lina mulandala wa mita makumi mahano, no wugazi wa mita makumi mejete ne'hano. 3Ku lubavu lumonga lizengo lilyo, lyali lilanjile ku cimweleda cicilya co wugazi wa mita yikumi, cono cali cidomile ne Nyumba yo Mulungu, no lubavu luyagwe, yali yilanjile kwi 'balangu lye mabwe lya he'kumbo lya hadeha. Ne lizengo lilyo, lyali lizenjigwe lili hadatu, nha cinji, balaza nijeleceze ne balaza yinji hacanyha yayo kali kadatu. 4Na ku lubavu lwe sumuka lwe lizengo lilyo, kwali ko cili cipuluto co wugazi wa mita yihano, no wutali wa mita makumi mahano, hamonga no winjililo wayo, wali wuli ku lubavu lulo. 5Nazo zinyumba za ku golofa ye lizengo lilyo, zali finyu muno muno kuciza zinyumba za haciligati yayo. Hambi vimweleda nha vyo vyacepula u wugazi we zinyumba za kucanyha, si nha vya hasi. 6Ne zinyumba zose, mu golofa zose vyono yidatu, zali njeleceze du, zali zisina masumbili nhe mazengo ganji gose gono gali mazenje mumo mu luwa. 7Ne lijinji lya kunze ye lizengo lilyo, lyono lyali lizipilime zinyumba zizo, lyali lina wutali wa mita makumi mejete ne'hano. 8No mulandala we zinumba zono zali zili kudeha ye lijinji, wali wuficile wutali wa mita makumi mejete ne'hano. Ninga mucanyha yayo mwali na nyumba zono zali no wutali wono wiling'aniye no wutali we lizengo lyeneco. 9Na hasika ye zinyumba zizo, ku lubavu lwa kucilima, kundumilizo ye lizengo, hono lyali lyanzize lijinji lye luwa, 10baho hali ho wuli mulango wo kwinjilila mu luwa ya kunze.
Kanyhi hali na vinyumba vinji vyono vyali vizenjigwe mucanyha ye lijinji lye luwa ye Nyumba yo Mulungu ku lubavu lwa kutakama, hamba si kwali kutali muno ku wulawa mwi'zengo lya ku lubavu lwa kumwezi ye Nyumba yo Mulungu. 11Na ha mwande ye zinyumba, hali hocili cipuluto, cono cihwanile acilya cono cili ku lubavu lwa kusumuka. Vyali vihwanile vyose i milango yayo, hamonga no wugazi wayo no wutali wayo. 12Kanyhi hali ho wuli mulango wunji hasi ye vinyumba, ku lubavu lwa kutakama ye lizengo, ku ndumilizo ya kucilima kono lijinji lyali lyanzize.
13U munhu yuyo yakanonjela yakatya, “I mazengo gaga gose gelile, hambi i wakohani wono wenjilaga hali Muwaha Mulungu, nha mo wakuwa kulila mumo i vilavywa vyono vyelile. Ku soko vyono i vinyumba vyeneco vyelile, holeka ne wakohani nawo wakuwa kuwika mumo i vilavywa vyono vyelile. I vilavywa vyo wusaje, ne makumbiko ge vilavywa so wubi, hamonga ne vilavywa vyo munhu mweneco mono yetumile lisutya. 14Na lono i wakohani wakondya kwituma mu Nyumba yo Mulungu, yiwanojeye wavule i vivwalo vyono vyelile vyono wali wavwalile lono wali wali mu mulimo, wavilece mumo mu vinyumba vivyo, ho walawile wabite ku luwa ya kunze. Kanyhi yiwanojeye wavwale vivwalo vinji vyono vinojeye, lono weza kubita kwilajila kuko kunze kono wanhu wekongholelaga.”
I vipimo vye ciwanza ce Nyumba yo Mulungu
15U munhu yuyo, yali yeza kupima mugati ye luwa ye ciwanza ce Nyumba yo Mulungu, hodu yakawa kunghoza ku mulango wa kucilima, yakawa kupima kunze ye luwa ye ciwanza ce Nyumba yo Mulungu. 16Yakayisola i nghome yakwe yo kupimila, yakapima ku lubavu lwa kucilima, yakatuga mita magana mejete na makumi mahano. 17Yakapima kanyhi na ku lubavu lwa kusumuka, na kutakama, na kumwezi 18na mose mwali muling'aniye du, 19mwina mita magana mejete mejete, na makumi mahano mahano. 20Holeka lijinji lyose lyali lina mita magana mejete na makumi mahano mbavu zose. Nalyo lijinji lilyo, lyali lihatemanuye i hanhu hono helile, ne hanhu hono si helile.
Currently Selected:
Ezekiyeli 42: LLKWW
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.
Ezekiyeli 42
42
I mazengo mejete, behi ne Nyumba yo Mulungu
1Ale, u munhu yuyo yakasola, yakanhegula sunga ko ku luwa ya kunze, cikabitana nayo sunga ko kwi'zengo lyono lyali lili ku lubavu lwa kusumuka ye Nyumba yo Mulungu, hamba si kwali kutali muno ne lizengo, lyono lyali lili ku ndumilizo, ku lubavu lwa kumwezi ye Nyumba yo Mulungu. 2Ne lizengo lilyo, lyali lina mulandala wa mita makumi mahano, no wugazi wa mita makumi mejete ne'hano. 3Ku lubavu lumonga lizengo lilyo, lyali lilanjile ku cimweleda cicilya co wugazi wa mita yikumi, cono cali cidomile ne Nyumba yo Mulungu, no lubavu luyagwe, yali yilanjile kwi 'balangu lye mabwe lya he'kumbo lya hadeha. Ne lizengo lilyo, lyali lizenjigwe lili hadatu, nha cinji, balaza nijeleceze ne balaza yinji hacanyha yayo kali kadatu. 4Na ku lubavu lwe sumuka lwe lizengo lilyo, kwali ko cili cipuluto co wugazi wa mita yihano, no wutali wa mita makumi mahano, hamonga no winjililo wayo, wali wuli ku lubavu lulo. 5Nazo zinyumba za ku golofa ye lizengo lilyo, zali finyu muno muno kuciza zinyumba za haciligati yayo. Hambi vimweleda nha vyo vyacepula u wugazi we zinyumba za kucanyha, si nha vya hasi. 6Ne zinyumba zose, mu golofa zose vyono yidatu, zali njeleceze du, zali zisina masumbili nhe mazengo ganji gose gono gali mazenje mumo mu luwa. 7Ne lijinji lya kunze ye lizengo lilyo, lyono lyali lizipilime zinyumba zizo, lyali lina wutali wa mita makumi mejete ne'hano. 8No mulandala we zinumba zono zali zili kudeha ye lijinji, wali wuficile wutali wa mita makumi mejete ne'hano. Ninga mucanyha yayo mwali na nyumba zono zali no wutali wono wiling'aniye no wutali we lizengo lyeneco. 9Na hasika ye zinyumba zizo, ku lubavu lwa kucilima, kundumilizo ye lizengo, hono lyali lyanzize lijinji lye luwa, 10baho hali ho wuli mulango wo kwinjilila mu luwa ya kunze.
Kanyhi hali na vinyumba vinji vyono vyali vizenjigwe mucanyha ye lijinji lye luwa ye Nyumba yo Mulungu ku lubavu lwa kutakama, hamba si kwali kutali muno ku wulawa mwi'zengo lya ku lubavu lwa kumwezi ye Nyumba yo Mulungu. 11Na ha mwande ye zinyumba, hali hocili cipuluto, cono cihwanile acilya cono cili ku lubavu lwa kusumuka. Vyali vihwanile vyose i milango yayo, hamonga no wugazi wayo no wutali wayo. 12Kanyhi hali ho wuli mulango wunji hasi ye vinyumba, ku lubavu lwa kutakama ye lizengo, ku ndumilizo ya kucilima kono lijinji lyali lyanzize.
13U munhu yuyo yakanonjela yakatya, “I mazengo gaga gose gelile, hambi i wakohani wono wenjilaga hali Muwaha Mulungu, nha mo wakuwa kulila mumo i vilavywa vyono vyelile. Ku soko vyono i vinyumba vyeneco vyelile, holeka ne wakohani nawo wakuwa kuwika mumo i vilavywa vyono vyelile. I vilavywa vyo wusaje, ne makumbiko ge vilavywa so wubi, hamonga ne vilavywa vyo munhu mweneco mono yetumile lisutya. 14Na lono i wakohani wakondya kwituma mu Nyumba yo Mulungu, yiwanojeye wavule i vivwalo vyono vyelile vyono wali wavwalile lono wali wali mu mulimo, wavilece mumo mu vinyumba vivyo, ho walawile wabite ku luwa ya kunze. Kanyhi yiwanojeye wavwale vivwalo vinji vyono vinojeye, lono weza kubita kwilajila kuko kunze kono wanhu wekongholelaga.”
I vipimo vye ciwanza ce Nyumba yo Mulungu
15U munhu yuyo, yali yeza kupima mugati ye luwa ye ciwanza ce Nyumba yo Mulungu, hodu yakawa kunghoza ku mulango wa kucilima, yakawa kupima kunze ye luwa ye ciwanza ce Nyumba yo Mulungu. 16Yakayisola i nghome yakwe yo kupimila, yakapima ku lubavu lwa kucilima, yakatuga mita magana mejete na makumi mahano. 17Yakapima kanyhi na ku lubavu lwa kusumuka, na kutakama, na kumwezi 18na mose mwali muling'aniye du, 19mwina mita magana mejete mejete, na makumi mahano mahano. 20Holeka lijinji lyose lyali lina mita magana mejete na makumi mahano mbavu zose. Nalyo lijinji lilyo, lyali lihatemanuye i hanhu hono helile, ne hanhu hono si helile.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.