Ezekiyeli 41
41
1Hanyuma u munhu yuyo kanyhi, yakawa kusola, yakanyinjiza mu nyumba ya ha ciligati, yono yikucemwa, i Hanhu Hono Helile. Yakawa kuhapima Hanhu Hono Helile. Naco cipuluto, hakawa no wutali wa mita yidatu ku wubita hasi, 2na mita yihano u wugazi wayo. Naco cipuluto cali cizenjeligwe majinji akuno na akuno, mbavu zose, gono gali gena wukangazi wa mita nyejete na nusu. Hanyuma kanyhi, yakayipima ne nyumba yeneco, nayo yikawa yina wutali wa mita makumi mejete, no wugazi wayo, mita yikumi.
3Hanyuma kanyhi yakenjila ku nyumba ya mugati muno muno. Yakacipima cipuluto cico cono cibitile mu Nyumba yo Mulungu. Naco cali cina wutali wa mita monga du ku wubita hasi, no wugazi wa mita yidatu. Naco cali cizenjeywe kose kose, i majinji gono gena wuwaha wa mita yidatu na nusu. 4Hanyuma kanyhi yakayipima nyumba yeneco. Nayo yikawa yina mita yikumi mugati mbavu zose. Ne nyumba yiyi, yali yili ku mwande ye nyumba ya haciligati. Na hanyuma u munhu yuyo yakanyitya, “I Hanhu bahano, ho Hanhu Hono Helile Helile muno.”
I zikaya zono zali nzengwe mhapicizwe ne majinji ge Nyumba yo Mulungu
5U munhu yuyo, yakalipima lijinji lye Nyumba yo Mulungu, yawone wugazi wayo. Nalyo lyali lina wugazi wa mita yidatu. Na mwi'jinji lilyo lyose lyono lipilime Nyumba yo Mulungu, mwali movili vinyumba vidodo vidodo, vyono vyali vina wugazi wa mita nyejete nyejete, mugati yavyo. 6Ne vinyumba vivyo, vyali vizenjigwe vina golofa yidatu yidatu. Na golofa zose zali zina vinyumba makumi madatu madatu. Ne lijinji lya kunze lye Nyumba yo Mulungu, lyali lizenjigwe mu nzila yo wisimajile wo wukangazi we lijinji lyayo mu zigolofa zose. Nha cinji, lijinji lyo musinji, lyali likangaye muno, ne golofa yono yikatyatya, lijinji likacepulwa wukangazi wayo, nhavivi hadodo hadodo sunga ko ku golofa ye kadatu ya kucanyha. Wazenga nhavivyo vinyumba vivyo ho vituje wupapicizwe, ninga vilece kwilunza ne lijinji lye Nyumba. 7Ninga hono wukugalanga majinji ge Nyumba yo Mulungu, kudeha yayo, gejelaga gose nha gena wukangazi wono wiling'aniye sunga ko kucanyha yayo. Kanyhi mumo mwi'jinji lya kunze lye Nyumba yo Mulungu, hali hazenjigwe ngazi nyejete kunze ye vinyumba, zono zetumamilwaga ku wulawa hasi no kubita ku golofa ya hagati, sunga ko ku golofa za kucanyha kundumilizo.
8Nane nghawona vyono Nyumba yo Mulungu yali yina sakafu yono yali yizenjigwe yinuligwe hacanyha hadodo yipilime Nyumba yo Mulungu, nayo sakafu yiyo wali wo musinji we zigolofa zizilya zidatu zono zali mhapicizwe mu Nyumba yo Mulungu. No wutali wo musinji we zigolofa zizo, vyali viling'aniye no wutali wo musinji we zigolofa zizo, vyali viling'aniye no wutali wo mulejehe wo kupimila nha cinji mita yidatu. 9Wukangazi we majinji ga kunze ye vinyumba vya mugati, wali mita nyejete na nusu. Ne cilejeho cono casigala, cali cilejeho ce vinyumba vya mu mhelo, vyono vyali vipilime Nyumba yo Mulungu, 10ne zinyumba ze walindilizi, zali zina wugazi wa mita yikumi ku wupilime Nyumba yo Mulungu mbavu zose. 11Ne zinyumba zizo zose zali zina mulango wumonga wumonga wono wali wulanjile ku lubavu lwa kusumuka lwe Nyumba yo Mulungu, no mulango wunji kanyhi wumonga, wali wulanjile ku lubavu lwa kutakama. Kanyhi nghawona i hanhu hono wahanozize nha balaza, hakawa hatendemaye viswanu, hono hali hapilimwe Nyumba yose yo Mulungu, naho hali hena wugazi wa mita nyejete na nusu ku wulawa mwijinji lye Nyumba yo Mulngu. No muhangha wono wali wawutenjelemuye, wali we lundo lya wutali wa mita yidatu ku wulawa hasi yayo, wukawa wiling'aniye ku wulawa hasi, no wutali wo musinji we Nyumba yo Mulungu. Na haciligati ye balaza yiyo ne mazengo gono wekalaga i wakohai, hali hocili cilejeho co wugazi wa mita yikumi ku wulawa mu majinji ge Nyumba yo Mulungu.
I lizengo lya ku lubavu lwa kumwezi
12Na ha mwande hadodo, ku lubavu lwa kumwezi lwe Nyumba yo Mulungu, hali ho lili yikaya yiwaha, lyo wutali wa mita makumi mane ne'hano no wugazi wayo, wali mita makumi madatu ne 'hano. Ne majinji galyo gose, gali gena wukangazi wa mita nyejete na nusu.
I vipimo vyose vye lizengo lye Nyumba yo Mulungu
13Hanyuma kanyhi u munhu yuyo, yakayipima i Nyumba yo Mulungu, ku lubavu lwa kunze, nayo yikawa no wugazi wa mita makumi mahano. Na ku mhilimo ye Nyumba yo Mulungu, u wugazi we cilejeho cicilya, ku wulawa mwi'jinji lye Nyumba yo Mulungu, sunga ko kwi'zengo lyono lyali lili cidaha hadodo, ku lubavu lwa kumwezi, wugazi wali mita makumi mahano nhavivilya. 14Kanyhi no wugazi we ciwanza ce Nyumba yo Mulungu, hono wuhanze no wugazi we cilejeho cicilya, wali wuficile wugazi wa mita makumi mahano mbavu zose. 15Hanyuma kanyhi yakalipima lizengo ku lubavu lwa kumwezi, yakatuga wutali wa mita makumi mahano nhavivilya hamonga ne vimweleda vya mu mbavu zose.
Lizengo lye Nyumba yo Mulungu vyono lyali linha
I balaza ya mu Nyumba yo Mulungu yono wambilaga lubeho, hamonga ne Hanhu Hono Helile, hamonga ne Hanhu Hono Helile, Helile muno muno, 16Na mumo mu majinji gose, mwali mutowelwe mbawo swanu muno, ku wulawa hasi, sunga mo mu madilisha. Nago madilisha gakadindwa. 17Na mugati ye majinji ge Nyumba yo Mulungu, ha kacanyha ye milango, mwali mukakate 18mibici ye mitende hamonga ne makelubi. Nayo mibici ye mitende yali mikakate vityatizye ne makelubi, nha cinji, mutende, hanyuma yikelubi, mutende, hanyuma yikelubi, vipilime majinji gose, ge nyumba. Nago makelubi gose gali gena wusu wuli hejete hejete. 19U wusu wono wali wihwanile wusu wo munhu, wali wulanjile ku mubici wo mutende, wo lubavu aluno, no wusu wono wali wihwanile wusu wa simba, nawo wali wulanjile u mubici wo mutende, wo lubavu aluno. Wali wakakate nhavivyo du wapilimye lijinji lyose, 20ku wulawilila hasi ha sakafu, sunga ha kacanyha ye milango. 21Nazo zifulemu zo mulango we Hanhu Hono Helile, zali ziling'aniye kose kose mbavu zose.
I cikumbicilo ce mabici
Na ha mwande yo mulango wo kwinjilila i Hanhu Hono Helile Helile muno, hejelaga cinhu cinji cono cali cihwanile nha cikumbicilo ca mabici. 22Naco cali cina wutali wa mita monga na nusu, no wugazi wa mita monga. Ne mabici ga mu zinhuzi zayo, ne litende lyayo, ne majinji gayo, vyose vyali vinozwe na mabici. Hanyuma munhu yuyo, yakanonjela yakatya, “Ayi yo meza yono yili ha mwande yo Muwaha Mulungu.”
I milango
23Kanyhi hali ho cili cipuluto cono cali cibitile sunga ko ku Hanhu Hono Helile, ne cipuluto cinji naco, sunga ku Hanhu Hono Helile, Helile muno. 24Kanyhi hali ho yili milango, ne milango yiyo yadigukaga hejete, akuno na akuno. 25Kanyhi milango yiyo ye Hanhu Hono Helle, yali mikakate mibici ye mitende hamonga ne makelubi, nha vyono wali wagakakate majinji. Na hadeha yo mulango wo kwinjilila ha balaza yo kwambila lubeho, wali wawiciye mahapa makangazi muno. 26Na mu mhelo ye balaza yiyo, mwali mo gali madilisha, ne majinji gayo gose, gali makakate mibici ye mitende.
Currently Selected:
Ezekiyeli 41: LLKWW
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.
Ezekiyeli 41
41
1Hanyuma u munhu yuyo kanyhi, yakawa kusola, yakanyinjiza mu nyumba ya ha ciligati, yono yikucemwa, i Hanhu Hono Helile. Yakawa kuhapima Hanhu Hono Helile. Naco cipuluto, hakawa no wutali wa mita yidatu ku wubita hasi, 2na mita yihano u wugazi wayo. Naco cipuluto cali cizenjeligwe majinji akuno na akuno, mbavu zose, gono gali gena wukangazi wa mita nyejete na nusu. Hanyuma kanyhi, yakayipima ne nyumba yeneco, nayo yikawa yina wutali wa mita makumi mejete, no wugazi wayo, mita yikumi.
3Hanyuma kanyhi yakenjila ku nyumba ya mugati muno muno. Yakacipima cipuluto cico cono cibitile mu Nyumba yo Mulungu. Naco cali cina wutali wa mita monga du ku wubita hasi, no wugazi wa mita yidatu. Naco cali cizenjeywe kose kose, i majinji gono gena wuwaha wa mita yidatu na nusu. 4Hanyuma kanyhi yakayipima nyumba yeneco. Nayo yikawa yina mita yikumi mugati mbavu zose. Ne nyumba yiyi, yali yili ku mwande ye nyumba ya haciligati. Na hanyuma u munhu yuyo yakanyitya, “I Hanhu bahano, ho Hanhu Hono Helile Helile muno.”
I zikaya zono zali nzengwe mhapicizwe ne majinji ge Nyumba yo Mulungu
5U munhu yuyo, yakalipima lijinji lye Nyumba yo Mulungu, yawone wugazi wayo. Nalyo lyali lina wugazi wa mita yidatu. Na mwi'jinji lilyo lyose lyono lipilime Nyumba yo Mulungu, mwali movili vinyumba vidodo vidodo, vyono vyali vina wugazi wa mita nyejete nyejete, mugati yavyo. 6Ne vinyumba vivyo, vyali vizenjigwe vina golofa yidatu yidatu. Na golofa zose zali zina vinyumba makumi madatu madatu. Ne lijinji lya kunze lye Nyumba yo Mulungu, lyali lizenjigwe mu nzila yo wisimajile wo wukangazi we lijinji lyayo mu zigolofa zose. Nha cinji, lijinji lyo musinji, lyali likangaye muno, ne golofa yono yikatyatya, lijinji likacepulwa wukangazi wayo, nhavivi hadodo hadodo sunga ko ku golofa ye kadatu ya kucanyha. Wazenga nhavivyo vinyumba vivyo ho vituje wupapicizwe, ninga vilece kwilunza ne lijinji lye Nyumba. 7Ninga hono wukugalanga majinji ge Nyumba yo Mulungu, kudeha yayo, gejelaga gose nha gena wukangazi wono wiling'aniye sunga ko kucanyha yayo. Kanyhi mumo mwi'jinji lya kunze lye Nyumba yo Mulungu, hali hazenjigwe ngazi nyejete kunze ye vinyumba, zono zetumamilwaga ku wulawa hasi no kubita ku golofa ya hagati, sunga ko ku golofa za kucanyha kundumilizo.
8Nane nghawona vyono Nyumba yo Mulungu yali yina sakafu yono yali yizenjigwe yinuligwe hacanyha hadodo yipilime Nyumba yo Mulungu, nayo sakafu yiyo wali wo musinji we zigolofa zizilya zidatu zono zali mhapicizwe mu Nyumba yo Mulungu. No wutali wo musinji we zigolofa zizo, vyali viling'aniye no wutali wo musinji we zigolofa zizo, vyali viling'aniye no wutali wo mulejehe wo kupimila nha cinji mita yidatu. 9Wukangazi we majinji ga kunze ye vinyumba vya mugati, wali mita nyejete na nusu. Ne cilejeho cono casigala, cali cilejeho ce vinyumba vya mu mhelo, vyono vyali vipilime Nyumba yo Mulungu, 10ne zinyumba ze walindilizi, zali zina wugazi wa mita yikumi ku wupilime Nyumba yo Mulungu mbavu zose. 11Ne zinyumba zizo zose zali zina mulango wumonga wumonga wono wali wulanjile ku lubavu lwa kusumuka lwe Nyumba yo Mulungu, no mulango wunji kanyhi wumonga, wali wulanjile ku lubavu lwa kutakama. Kanyhi nghawona i hanhu hono wahanozize nha balaza, hakawa hatendemaye viswanu, hono hali hapilimwe Nyumba yose yo Mulungu, naho hali hena wugazi wa mita nyejete na nusu ku wulawa mwijinji lye Nyumba yo Mulngu. No muhangha wono wali wawutenjelemuye, wali we lundo lya wutali wa mita yidatu ku wulawa hasi yayo, wukawa wiling'aniye ku wulawa hasi, no wutali wo musinji we Nyumba yo Mulungu. Na haciligati ye balaza yiyo ne mazengo gono wekalaga i wakohai, hali hocili cilejeho co wugazi wa mita yikumi ku wulawa mu majinji ge Nyumba yo Mulungu.
I lizengo lya ku lubavu lwa kumwezi
12Na ha mwande hadodo, ku lubavu lwa kumwezi lwe Nyumba yo Mulungu, hali ho lili yikaya yiwaha, lyo wutali wa mita makumi mane ne'hano no wugazi wayo, wali mita makumi madatu ne 'hano. Ne majinji galyo gose, gali gena wukangazi wa mita nyejete na nusu.
I vipimo vyose vye lizengo lye Nyumba yo Mulungu
13Hanyuma kanyhi u munhu yuyo, yakayipima i Nyumba yo Mulungu, ku lubavu lwa kunze, nayo yikawa no wugazi wa mita makumi mahano. Na ku mhilimo ye Nyumba yo Mulungu, u wugazi we cilejeho cicilya, ku wulawa mwi'jinji lye Nyumba yo Mulungu, sunga ko kwi'zengo lyono lyali lili cidaha hadodo, ku lubavu lwa kumwezi, wugazi wali mita makumi mahano nhavivilya. 14Kanyhi no wugazi we ciwanza ce Nyumba yo Mulungu, hono wuhanze no wugazi we cilejeho cicilya, wali wuficile wugazi wa mita makumi mahano mbavu zose. 15Hanyuma kanyhi yakalipima lizengo ku lubavu lwa kumwezi, yakatuga wutali wa mita makumi mahano nhavivilya hamonga ne vimweleda vya mu mbavu zose.
Lizengo lye Nyumba yo Mulungu vyono lyali linha
I balaza ya mu Nyumba yo Mulungu yono wambilaga lubeho, hamonga ne Hanhu Hono Helile, hamonga ne Hanhu Hono Helile, Helile muno muno, 16Na mumo mu majinji gose, mwali mutowelwe mbawo swanu muno, ku wulawa hasi, sunga mo mu madilisha. Nago madilisha gakadindwa. 17Na mugati ye majinji ge Nyumba yo Mulungu, ha kacanyha ye milango, mwali mukakate 18mibici ye mitende hamonga ne makelubi. Nayo mibici ye mitende yali mikakate vityatizye ne makelubi, nha cinji, mutende, hanyuma yikelubi, mutende, hanyuma yikelubi, vipilime majinji gose, ge nyumba. Nago makelubi gose gali gena wusu wuli hejete hejete. 19U wusu wono wali wihwanile wusu wo munhu, wali wulanjile ku mubici wo mutende, wo lubavu aluno, no wusu wono wali wihwanile wusu wa simba, nawo wali wulanjile u mubici wo mutende, wo lubavu aluno. Wali wakakate nhavivyo du wapilimye lijinji lyose, 20ku wulawilila hasi ha sakafu, sunga ha kacanyha ye milango. 21Nazo zifulemu zo mulango we Hanhu Hono Helile, zali ziling'aniye kose kose mbavu zose.
I cikumbicilo ce mabici
Na ha mwande yo mulango wo kwinjilila i Hanhu Hono Helile Helile muno, hejelaga cinhu cinji cono cali cihwanile nha cikumbicilo ca mabici. 22Naco cali cina wutali wa mita monga na nusu, no wugazi wa mita monga. Ne mabici ga mu zinhuzi zayo, ne litende lyayo, ne majinji gayo, vyose vyali vinozwe na mabici. Hanyuma munhu yuyo, yakanonjela yakatya, “Ayi yo meza yono yili ha mwande yo Muwaha Mulungu.”
I milango
23Kanyhi hali ho cili cipuluto cono cali cibitile sunga ko ku Hanhu Hono Helile, ne cipuluto cinji naco, sunga ku Hanhu Hono Helile, Helile muno. 24Kanyhi hali ho yili milango, ne milango yiyo yadigukaga hejete, akuno na akuno. 25Kanyhi milango yiyo ye Hanhu Hono Helle, yali mikakate mibici ye mitende hamonga ne makelubi, nha vyono wali wagakakate majinji. Na hadeha yo mulango wo kwinjilila ha balaza yo kwambila lubeho, wali wawiciye mahapa makangazi muno. 26Na mu mhelo ye balaza yiyo, mwali mo gali madilisha, ne majinji gayo gose, gali makakate mibici ye mitende.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.