Danyeli 2
2
Ndoto ya Nebukadineza
1Ale, mu mwaka we kejete wono Nebukadineza yali yakali mu wutemi wakwe, yalota ndoto. Ndoto yiyo yikamupela mahwele mawaha. Na mwi'zuwa lilyo, hamba si yasuma no kugona nhongo yaye. 2Baho yakawacema watowa visangu, ne waganga, ne walotezi, hamonga ne wahawi, wose waze wamulonjele i nhunizo ye ndoto yiyo. Nawo wali weza kufika ha mwande yakwe, 3yakawatya, “Ane nina mahwele ne ndoto yono ndotile zuwali, alu nghusaka manye nhunizo yayo.” 4Nawo wakamupitula mutemi mu nonga ye Cishamu wakamutya, “Gwe mutemi, wuteme cibitilila! Ale wucilonjelaje ndoto yako co wetumami wako, nase cokulonjela nhunizo yayo.”
5Mutemi yakawalonjela yakatya, “Ndoto yeneco nayisemwa, ninga nakondya kulamula vyono nyenye yo munojeye munonjele yiyo ndoto yangu, hanyuma munonjele ne nhunizo yayo. Na hono mulemegwe, modumulwa vibimha vibimha, nizinoze ne zikaya zenyu gawe matongo. 6Ninga hono munonjele yiyo ndoto yangu, hamonga ne nhunizo yayo, nane nomupelenyi vihumbilizwa viwaha, hamonga ne lilumbo yiwaha. Holeka lu, munonjelaje ndoto yiyo ne nhunizo yayo.” 7Ninga wene wakamupitula mutemi wakamutya, “Gwe mutemi, hono wucilonjele i ndoto yako, nase co watumami wako, cokuloloseza nhunizo yayo.” 8Lulo, mutemi yakalonga yehindile yakatya, “Nakondya kumanya vyono mukusaka ho mutuje cilejeho. Hambi nha nakondya kulamula 9nha vyono nomulipicizenyi anye wose wulipicizwe wono wiling'aniye, hono mulece kundoloseza i ndoto yiyo. Alu anye wose kumbe mwelumbaniza, ho munonjele zo walambi, akuno mukwihwesa nha vyono hanyuma nokawaniza wulonje wangu. Aluno mwamule munonjele ndoto yangu, nane ho nomanya vyono mbeka mosuma kunonjela ze nhunizo yayo.”
10Nawo waganga wakamupitula mutemi wakamutya, “Hasina yunji mu yinze ayi, mono kosuma kukuloloseza Gwe mutemi, muli zizi zono wukusaka kumanya. Hamba hasina mutemi yunji wa muli watemi, hamba muli wono wena lilumbo liwaha, hamba muli wono wena wulajilize wuwaha, mono yawuza nghani yono yinha yiyi, kuli muganga hamba kuli wahawi ne walotezi. 11Holeka cono wukuwuza Gwe mutemi, co cinhu cikamu muno muno, cono hasina munhu mono kosuma kukunozeza, langa milungu du, nayo lu, ho siyikalaga muli wanhu.” 12Na so nghani yiyo, mutemi yakakolwa ne likuwo, no kulajiliza we mahala wose wa mu yisi ya Babiloni wawulagwe. 13Lolulo lulo wulajilize wukanzwa nha vyono we mahala wose wawulagwe hamonga na Danyeli ne wayagwe.
Mulungu yakumulajila Danyeli nhunizo ye ndoto
14Hobaho Danyeli yakamubitila Aliyoki, u muwaha we wasilikale walindilizi wo mutemi, mono yali yapejigwe mulimo wo kuwawulaga. Danyeli yakasejelela kwe cogopo na kwe cisindo muno, yakahagula ne zinghani zono kolonga nayo. 15Yakamuwuza Aliyoki i soko yono yilecile mutemi yakulavya lilajilizo lilyo ko musunho. Hobaho Aliyoki yakamulonjela Danyeli zono zijeye. 16Lulo Danyeli, yakabita mbela mbela kulomba yatuje cilejeho cinji co kumuwona mutemi, ho yasume kumuloloseza mutemi i nhunizo ye ndoto. 17Hobaho Danyeli yakawuya ku kaya yakawalonjela ne wayagwe Hananiya, Mishayeli na Azaliya, zono zijeye. 18Yakawalonjela vyono, yiwanojeye walombe kuli Mulungu wa ku wulanga, yawawonele lusungu, no kumulomba yawapele wumanye we nghani yiyo hundikwe, ho walece kuwulagwa hamonga na we mahala wa mu Babiloni.
19Mu cilo cicilya, nghani yiyilya hundikwe, yikejela kuli Danyeli mu wugubulilwe. Lulo yakamukumya Mulungu wa ku wulanga yakatya,
20“Mulungu yo we vilungo ne mahala!
Mukumyenyi cibitilila ne cibitilila.
21Umwene kakawanizaga vidaha ne mapango.
Kawawikaga no kuwawusa watemi.
Yo mwene mono kawapelaga
wanhu wumanye no wizuce.
22U mwene kanzalikaga vinhu vyono vihundice
yavimanyile na vyono vihundice mu citi.
Kanyhi mwene nha yapilimwe no wuzelu.
23Nghukulumba no kukukumya,
gwe go Mulungu we walezi wangu.
Wamhela wumanye ne vilungo,
wahulika no wulombe wangu.
Wacilajila na zono comuloloseza Mutemi.”
Danyeli yakumulonjela Mutemi ndoto no kumuloloseza nhunizo yayo
24Baho Danyeli yakabita kuli Aliyoki, mono u mutemi yali yamulajiliza yawawulaje we mahala wose wa he 'kulu. Yakamutya, “Wulece kuwawulaga. Langa wusolaje nene, wunhegule kuli mutemi, nane nomuloloseza ze nhunizo ye ndoto yakwe.”
25Lo lulo lulo Aliyoki yakamusola Danyeli, no kumutegula ha mwande yo mutemi Nebukadineza. Yakamulonjela mutemi yakatya, “Nghondya kumutuga yumonga wa muli Wayahudi i wahamywa, mono kosuma kukuloloseza Gwe mutemi i nhunizo ye ndoto yako.” 26Mutemi yakamutya Danyeli (Mono yacemwaga Beliteshaza). “Wudahile kunonjela ndoto yangu hamonga ne nhunizo yayo?” 27Danyeli yakapitula yakatya, “Gwe mutemi, hasina muhawi, hamba mutowa cisangu, hamba we mahala go wizuce we zinyelezi, mono kosuma kuzilolosa zizi. 28Langa Mulungu du wa ku wulanga, mono kagubulaga zono hundikwe no kuzilajila calinze. Alu kakulajila Gwe go mutemi zono zokwijelela agwe ku mwande. Holeka nokuloloseza ze ndoto hamonga no wugubulilwe wono wapegwa lono wali wugonile.
29“Lono Gwe mutemi wali wugonile, walota za kumwande zono zokuziza. No Mulungu mono kagubulaga zihundikwe, yo yakulajiye zono zokwijela mu vilo vyono vikuza. 30Alu, nghani yiyo hundikwe, yakondya kugubulwa kuli'ne. Ninga si vyono ane yo nina mahala menji kuciza wose ng'o. Langa du agwe go mutemi ho wusume kumanya ze nhunizo ye ndoto yiyi, nagwe ho wugamanye mahweso ga mu nhumbula yako.
31“Gwe mutemi, mu wugubulilwe wako, wawona cihwani ca munhu, ciwaha muno ha mwande yako, cono cikung'alala kanyhi cikogofya na ku wulangwe. 32Mutwe wayo wali wa zahabu nengu, mhambaga yayo ne miwoko yayo yali ya fweza, ciwino ne vima hamonga ne 'nda yayo, vyali vya shaba. 33Migulu yayo ya cuma, ne zinzayo ze migulu yayo zali nusu, cuma, na nusu, lilongo linamu. 34Na lono wali wujendeleye kucilanga cihwani cico, libwe liwaha muno, lyono hamba yunji si yalipamiza, likavulumuka, likayikumula migulu ye cuma ne lilongo linamu lye cihwani ci cilya, likacibenanga. 35Lo lulo lulo cuma, ne lilongo linamu, ne shaba ne fweza hamonga ne zahabu, vikasajika, vikawa nhe mawaje ga mu cuga, ga mu vilo vye nhwanga. Mbeho yikavipemhelusa hamba si vyasigala yaye. Libwe lililya likawahapa likawa yitunda lyono likayimemya yinze yose.
36“Ayi yali yo ndoto yako. Alu Gwe mutemi, nane nokuloloseza nhunizo yayo. 37Gwe mutemi, agwe yo gwegwe mono wuli mutemi muwaha muli watemi wose. Mulungu wa ku wulanga yakupela wuwaha no wusume, ne vilungo, hamonga ne lilumbo. 38Yakutemya agwe muli wanhu wose we zisi zose za mono yinze, hamonga ne vilimu vya mu mbago ne zindeje. Alu agwe, wo mutwe awulya we zahabu. 39Na mu nyuma yako, kolotema mutemi yunji, mono sikolowa ne lilumbo liwaha nha vyono winha 'gwe. Hanyuma kanyhi wolokuza wutemi we kadatu, wo wutemi we shaba, wono wolotema yinze yose. 40Kanyhi wolokuza wutemi we kane, wono wolowa ne vilungo nha cuma cono cikumulaga no kubenanjiza cinhu co cose. Wuwo wo wolowubenanjiza wutemi wose wono walongola. 41Kanyhi mu ndoto yako wawona vyono, i migulu ne vidole kululu vyali nusu cuma na nusu lilongo linamu. Nhunizo yayo, wutemi wuwo wolowa wugawanuce. Ninga wolowa ne vilungo vya cuma. Ku soko cuma cali cihangahanjile ne lilongo linamu. 42Vidole kululu navyo, vyali nusu cuma, na nusu lilongo linamu. Nhunizo yayo, lubavu lunji lo wutemi wolowa ne vilungo, no lubavu lunji wolowa wutimbile. 43Kanyhi wukawona cuma cihangahanjile ne lilongo linamu. Nhunizo yayo, wolojela kwilunza mu wutemi wawo mu nzila zo witolanile, ninga hamba si walasumila lukulu, nha vyono cuma si cihangahangaga ne lilongo linamu. 44Na mu vilo vyo wutemi wuwo wose, Mulungu wa ku wulanga, kolowusimya wutemi wunji wono siwuladuma yaye, hamba kusumwa yaye. No wutemi wuwo, wolowongomeza wutemi wose, ninga wene wokwikala cibitilila ne cibitilila. 45Kanyhi wawona vyono libwe lyono si lyapamizwa na munhu, likapanduka wulawa mwi'talawe, likacitijinha cihwani ce cuma, ne shaba, ne lilongo linamu, ne fweza, hamonga ne zahabu. Muwaha Mulungu yakukulonjela Gwe mutemi, zono zokwijela mu vilo vyono vikuza. Alu ane nakondya kukuloloseza ze ndoto yako vyono yinha, hamonga ne nhunizo yayo ye mbeka.”
Mutemi yakumuhumbiliza Danyeli
46Lo lulo lulo mutemi Nebukadineza yakafugama, yakenama, sunga no wusu wakwe wukapamiza ho hasi. Yakalajiliza vilavywa ne makumbiko vinozwe so Danyeli. 47Mutemi yakatya, “Mbeka Mulungu wako yo Muwaha muli milungu yose. Yo Muwaha Mulungu muli watemi, yo mwene kagubulaga calinze zono hundikwe. Alu nakondya kuzimanya zizi, hambi nha wakondya kundoloseza nghani yiyi yono yali hundikwe.” 48Hobaho yakamuwika Danyeli yawe muwaha mwi'tumbi lya Babiloni, no kumuhumbiliza vipegwa viswanu. Kanyhi yakamuwika yawe yo muwaha muli we mahala wa mu wutemi wakwe. 49Na Danyeli yakamulomba mutemi, yakawawika Shedilaki, Meshaki na Abedinego, nawo wawe wawaha wa mu zinghani zose za mu matumbi ga mu Babiloni. Ninga mwene Danyeli, yakajendelela kwikala mwi'kulu.
Currently Selected:
Danyeli 2: LLKWW
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.
Danyeli 2
2
Ndoto ya Nebukadineza
1Ale, mu mwaka we kejete wono Nebukadineza yali yakali mu wutemi wakwe, yalota ndoto. Ndoto yiyo yikamupela mahwele mawaha. Na mwi'zuwa lilyo, hamba si yasuma no kugona nhongo yaye. 2Baho yakawacema watowa visangu, ne waganga, ne walotezi, hamonga ne wahawi, wose waze wamulonjele i nhunizo ye ndoto yiyo. Nawo wali weza kufika ha mwande yakwe, 3yakawatya, “Ane nina mahwele ne ndoto yono ndotile zuwali, alu nghusaka manye nhunizo yayo.” 4Nawo wakamupitula mutemi mu nonga ye Cishamu wakamutya, “Gwe mutemi, wuteme cibitilila! Ale wucilonjelaje ndoto yako co wetumami wako, nase cokulonjela nhunizo yayo.”
5Mutemi yakawalonjela yakatya, “Ndoto yeneco nayisemwa, ninga nakondya kulamula vyono nyenye yo munojeye munonjele yiyo ndoto yangu, hanyuma munonjele ne nhunizo yayo. Na hono mulemegwe, modumulwa vibimha vibimha, nizinoze ne zikaya zenyu gawe matongo. 6Ninga hono munonjele yiyo ndoto yangu, hamonga ne nhunizo yayo, nane nomupelenyi vihumbilizwa viwaha, hamonga ne lilumbo yiwaha. Holeka lu, munonjelaje ndoto yiyo ne nhunizo yayo.” 7Ninga wene wakamupitula mutemi wakamutya, “Gwe mutemi, hono wucilonjele i ndoto yako, nase co watumami wako, cokuloloseza nhunizo yayo.” 8Lulo, mutemi yakalonga yehindile yakatya, “Nakondya kumanya vyono mukusaka ho mutuje cilejeho. Hambi nha nakondya kulamula 9nha vyono nomulipicizenyi anye wose wulipicizwe wono wiling'aniye, hono mulece kundoloseza i ndoto yiyo. Alu anye wose kumbe mwelumbaniza, ho munonjele zo walambi, akuno mukwihwesa nha vyono hanyuma nokawaniza wulonje wangu. Aluno mwamule munonjele ndoto yangu, nane ho nomanya vyono mbeka mosuma kunonjela ze nhunizo yayo.”
10Nawo waganga wakamupitula mutemi wakamutya, “Hasina yunji mu yinze ayi, mono kosuma kukuloloseza Gwe mutemi, muli zizi zono wukusaka kumanya. Hamba hasina mutemi yunji wa muli watemi, hamba muli wono wena lilumbo liwaha, hamba muli wono wena wulajilize wuwaha, mono yawuza nghani yono yinha yiyi, kuli muganga hamba kuli wahawi ne walotezi. 11Holeka cono wukuwuza Gwe mutemi, co cinhu cikamu muno muno, cono hasina munhu mono kosuma kukunozeza, langa milungu du, nayo lu, ho siyikalaga muli wanhu.” 12Na so nghani yiyo, mutemi yakakolwa ne likuwo, no kulajiliza we mahala wose wa mu yisi ya Babiloni wawulagwe. 13Lolulo lulo wulajilize wukanzwa nha vyono we mahala wose wawulagwe hamonga na Danyeli ne wayagwe.
Mulungu yakumulajila Danyeli nhunizo ye ndoto
14Hobaho Danyeli yakamubitila Aliyoki, u muwaha we wasilikale walindilizi wo mutemi, mono yali yapejigwe mulimo wo kuwawulaga. Danyeli yakasejelela kwe cogopo na kwe cisindo muno, yakahagula ne zinghani zono kolonga nayo. 15Yakamuwuza Aliyoki i soko yono yilecile mutemi yakulavya lilajilizo lilyo ko musunho. Hobaho Aliyoki yakamulonjela Danyeli zono zijeye. 16Lulo Danyeli, yakabita mbela mbela kulomba yatuje cilejeho cinji co kumuwona mutemi, ho yasume kumuloloseza mutemi i nhunizo ye ndoto. 17Hobaho Danyeli yakawuya ku kaya yakawalonjela ne wayagwe Hananiya, Mishayeli na Azaliya, zono zijeye. 18Yakawalonjela vyono, yiwanojeye walombe kuli Mulungu wa ku wulanga, yawawonele lusungu, no kumulomba yawapele wumanye we nghani yiyo hundikwe, ho walece kuwulagwa hamonga na we mahala wa mu Babiloni.
19Mu cilo cicilya, nghani yiyilya hundikwe, yikejela kuli Danyeli mu wugubulilwe. Lulo yakamukumya Mulungu wa ku wulanga yakatya,
20“Mulungu yo we vilungo ne mahala!
Mukumyenyi cibitilila ne cibitilila.
21Umwene kakawanizaga vidaha ne mapango.
Kawawikaga no kuwawusa watemi.
Yo mwene mono kawapelaga
wanhu wumanye no wizuce.
22U mwene kanzalikaga vinhu vyono vihundice
yavimanyile na vyono vihundice mu citi.
Kanyhi mwene nha yapilimwe no wuzelu.
23Nghukulumba no kukukumya,
gwe go Mulungu we walezi wangu.
Wamhela wumanye ne vilungo,
wahulika no wulombe wangu.
Wacilajila na zono comuloloseza Mutemi.”
Danyeli yakumulonjela Mutemi ndoto no kumuloloseza nhunizo yayo
24Baho Danyeli yakabita kuli Aliyoki, mono u mutemi yali yamulajiliza yawawulaje we mahala wose wa he 'kulu. Yakamutya, “Wulece kuwawulaga. Langa wusolaje nene, wunhegule kuli mutemi, nane nomuloloseza ze nhunizo ye ndoto yakwe.”
25Lo lulo lulo Aliyoki yakamusola Danyeli, no kumutegula ha mwande yo mutemi Nebukadineza. Yakamulonjela mutemi yakatya, “Nghondya kumutuga yumonga wa muli Wayahudi i wahamywa, mono kosuma kukuloloseza Gwe mutemi i nhunizo ye ndoto yako.” 26Mutemi yakamutya Danyeli (Mono yacemwaga Beliteshaza). “Wudahile kunonjela ndoto yangu hamonga ne nhunizo yayo?” 27Danyeli yakapitula yakatya, “Gwe mutemi, hasina muhawi, hamba mutowa cisangu, hamba we mahala go wizuce we zinyelezi, mono kosuma kuzilolosa zizi. 28Langa Mulungu du wa ku wulanga, mono kagubulaga zono hundikwe no kuzilajila calinze. Alu kakulajila Gwe go mutemi zono zokwijelela agwe ku mwande. Holeka nokuloloseza ze ndoto hamonga no wugubulilwe wono wapegwa lono wali wugonile.
29“Lono Gwe mutemi wali wugonile, walota za kumwande zono zokuziza. No Mulungu mono kagubulaga zihundikwe, yo yakulajiye zono zokwijela mu vilo vyono vikuza. 30Alu, nghani yiyo hundikwe, yakondya kugubulwa kuli'ne. Ninga si vyono ane yo nina mahala menji kuciza wose ng'o. Langa du agwe go mutemi ho wusume kumanya ze nhunizo ye ndoto yiyi, nagwe ho wugamanye mahweso ga mu nhumbula yako.
31“Gwe mutemi, mu wugubulilwe wako, wawona cihwani ca munhu, ciwaha muno ha mwande yako, cono cikung'alala kanyhi cikogofya na ku wulangwe. 32Mutwe wayo wali wa zahabu nengu, mhambaga yayo ne miwoko yayo yali ya fweza, ciwino ne vima hamonga ne 'nda yayo, vyali vya shaba. 33Migulu yayo ya cuma, ne zinzayo ze migulu yayo zali nusu, cuma, na nusu, lilongo linamu. 34Na lono wali wujendeleye kucilanga cihwani cico, libwe liwaha muno, lyono hamba yunji si yalipamiza, likavulumuka, likayikumula migulu ye cuma ne lilongo linamu lye cihwani ci cilya, likacibenanga. 35Lo lulo lulo cuma, ne lilongo linamu, ne shaba ne fweza hamonga ne zahabu, vikasajika, vikawa nhe mawaje ga mu cuga, ga mu vilo vye nhwanga. Mbeho yikavipemhelusa hamba si vyasigala yaye. Libwe lililya likawahapa likawa yitunda lyono likayimemya yinze yose.
36“Ayi yali yo ndoto yako. Alu Gwe mutemi, nane nokuloloseza nhunizo yayo. 37Gwe mutemi, agwe yo gwegwe mono wuli mutemi muwaha muli watemi wose. Mulungu wa ku wulanga yakupela wuwaha no wusume, ne vilungo, hamonga ne lilumbo. 38Yakutemya agwe muli wanhu wose we zisi zose za mono yinze, hamonga ne vilimu vya mu mbago ne zindeje. Alu agwe, wo mutwe awulya we zahabu. 39Na mu nyuma yako, kolotema mutemi yunji, mono sikolowa ne lilumbo liwaha nha vyono winha 'gwe. Hanyuma kanyhi wolokuza wutemi we kadatu, wo wutemi we shaba, wono wolotema yinze yose. 40Kanyhi wolokuza wutemi we kane, wono wolowa ne vilungo nha cuma cono cikumulaga no kubenanjiza cinhu co cose. Wuwo wo wolowubenanjiza wutemi wose wono walongola. 41Kanyhi mu ndoto yako wawona vyono, i migulu ne vidole kululu vyali nusu cuma na nusu lilongo linamu. Nhunizo yayo, wutemi wuwo wolowa wugawanuce. Ninga wolowa ne vilungo vya cuma. Ku soko cuma cali cihangahanjile ne lilongo linamu. 42Vidole kululu navyo, vyali nusu cuma, na nusu lilongo linamu. Nhunizo yayo, lubavu lunji lo wutemi wolowa ne vilungo, no lubavu lunji wolowa wutimbile. 43Kanyhi wukawona cuma cihangahanjile ne lilongo linamu. Nhunizo yayo, wolojela kwilunza mu wutemi wawo mu nzila zo witolanile, ninga hamba si walasumila lukulu, nha vyono cuma si cihangahangaga ne lilongo linamu. 44Na mu vilo vyo wutemi wuwo wose, Mulungu wa ku wulanga, kolowusimya wutemi wunji wono siwuladuma yaye, hamba kusumwa yaye. No wutemi wuwo, wolowongomeza wutemi wose, ninga wene wokwikala cibitilila ne cibitilila. 45Kanyhi wawona vyono libwe lyono si lyapamizwa na munhu, likapanduka wulawa mwi'talawe, likacitijinha cihwani ce cuma, ne shaba, ne lilongo linamu, ne fweza, hamonga ne zahabu. Muwaha Mulungu yakukulonjela Gwe mutemi, zono zokwijela mu vilo vyono vikuza. Alu ane nakondya kukuloloseza ze ndoto yako vyono yinha, hamonga ne nhunizo yayo ye mbeka.”
Mutemi yakumuhumbiliza Danyeli
46Lo lulo lulo mutemi Nebukadineza yakafugama, yakenama, sunga no wusu wakwe wukapamiza ho hasi. Yakalajiliza vilavywa ne makumbiko vinozwe so Danyeli. 47Mutemi yakatya, “Mbeka Mulungu wako yo Muwaha muli milungu yose. Yo Muwaha Mulungu muli watemi, yo mwene kagubulaga calinze zono hundikwe. Alu nakondya kuzimanya zizi, hambi nha wakondya kundoloseza nghani yiyi yono yali hundikwe.” 48Hobaho yakamuwika Danyeli yawe muwaha mwi'tumbi lya Babiloni, no kumuhumbiliza vipegwa viswanu. Kanyhi yakamuwika yawe yo muwaha muli we mahala wa mu wutemi wakwe. 49Na Danyeli yakamulomba mutemi, yakawawika Shedilaki, Meshaki na Abedinego, nawo wawe wawaha wa mu zinghani zose za mu matumbi ga mu Babiloni. Ninga mwene Danyeli, yakajendelela kwikala mwi'kulu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.