Loma 3
3
1Neke lino ava-Juda lwe valutilye kuvanu avangi hve lulikwi humbi? Nambi uvusinge vuvavu-mbulye kiki? 9, 4.
2Poluli ulwene ndakyene, pakuva Nguluvi alongwe pakuvalekela ama-lôngwa gakwe.
3Ndavuli lino? Ngana vamwinga vasifuvwa, vwihambula uvugaja-lufuvo vwanavo vukuvujadza uvuhugo vwa Nguluvi? 9, 6; 11, 29; 2. Tim. 2, 13.
4Ulo muíeke ndikane! Lwimile ulwa kuta: Nguluvi ujo je va koluli, neke avanu vonda vadesí, ndeve lolilwe ulwitigila: „uvedzage uli mupugule, pe vwilonga, ugomedzage, pe vwihigwa.“
5Apo ngana uvugaja-vugolofu vwesu unefwe vukuvutanya uvugolofu vwa Nguluvi, apo unefwe tulongage kiki? Apo humbi Nguluvi asigolosa, ngana akutuletela iṅaladzi! Ndilongela mwe vilongela avanu.
6Ulo muleke ndikane! Apo humbi alajihiga ndavuli ińi Nguluvi?
7Ndivwene uvuńa-koluli vwa Nguluvi ngana vwikongelehedzwa muvudesi vwangu neke dzitanilage mumo indolo dzakwe, apo unene kangi uvuhosi vwangu ndihigwa kiki?
8Apo humbi najufwe tugendelage lulo, lwe vandye vakutuliga, pe vitigila: unefwe twitigila: tuhoke neke mwe dzihumilage inofu. Ulukĕlo lwa vudadidzi lwanavo avo lugolwike swe. 6, 1. 2.
9Ndavuli lino? Tuvalu-tye avangi unefwe? Nda, ulo si lwa kudumulila ṅani. Ndivwene tutalile ukuvadavuka nava-Juda nava-Giliti tutigye: vonda valevile kundzanangifu. 1, 18-2, 24.
10Ndeve lolilwe ulwitigila: „asupali umugolofu nambi jumwi;
11asupali nambi jumwi umuńa-luhala, asupali numuńa-kumutemula Nguluvi;
12vonda vahenile, vonda vali ńangilakumwinga ukuhalabuka; asupali nambi jumwi, je ilima vwidike, hamu si pwali nambi jumwi;
13avene ugumilo gwanavo mombwe, ijili mwâdzi, kundimi dzanavo kuli vuhungu vwa ndzoka;
14mumilomo gyanavo fimemilwe nindeko nuvukali;
15amagulu ganavo ma-kīni mukusukula idanda;
16mumakasi ganavomuli vutipudzi, muli manga,
17neke iṅasi ja lutenga-maso vasijidzelye;
18ukumogopa Nguluvi kusi koluli mumîho ganavo.“
19Neke unefwe tulukagwe ukuta: idzilongwa mumilagililwe dzikuvavū-la avimile mumilagililwe, ukuta gibundwage imilo-mo gyonda neke nińi jonda jidadilage kwa Nguluvi. 2, 12; Gal. 3, 22.
20Pakuva uvupugule vwa ńama ja muvili, vwe ikwidika umwene, vusi-huma mukugigimba imilagililwe, pakuva mumilagililwe mwe ukudzika-gulila-mo indzanangifu. Gal. 2, 16; 7, 7.
21Neke lino uvwene uvugolofu, vwe ikwidika na ju Nguluvi, vusîkwike kitimila mumilagililwe, volilwe na mumilagililwe na muvavidzi, Apos. 10, 43.
22vu vugolofu uvwa kwa Nguluvi, vwe lwihula ulufuvo ulwa kumufuvwa Jesu Kilisiti, uvukuvafikila vonda, avifuvwa. Ndi-vwene sipoguli umuvago,
23ndivwene vahokile vonda neke vangye indolo dza kwa Nguluvi, 9, 19; 5, 2.
24vipugulila lu lusungu lwakwe ulwa hela, vugendela pavukombodze, uvuli mwa-Jesu Kilisiti, 5, 1; Ef. 2, 8.
25je mwene je Nguluvi amusimikye mudanda jakwe, avedzage vwelulidzo ku avifuvwa, ukuta mwe ivonehedzage jumwene uvugolofu vwakwe, pakuva abihilaga uvwanangifu vwa idâha, vwe ahagike Nguluvi umuńa-lwisiso, Heb. 4, 16.
26ahagikaga pakuta uvugolofu, vwe ikwidika umwene, vuvonekelage pafigono fya lino ifi, ukuta umwene ahandze nukuva mugolofu ju mwene nukuvapugudza vonda, avifuvwa kwa Jesu.
27Luli kwi lino ulwa kwiginikila? Lujagile! Lujagye imilagililwe gili kwi? Lujagye vona imilagililwe gya vugifi? Hamu, lujagye imilagililwe gya lufuvo. 1. Kol. 1, 29. 31.
28Ndivwene unefwe twitigila: umunu ipugulilwa lu lufuvo swe kitalima idza mumilagililwe. Gal. 2, 16.
29Neke lino umwene Nguluvi Nguluvi va va-Juda vene? Mańi Nguluvi vanavo nava-pivala? Etia ndakyene, Nguluvi vanavo nava-pivala, 10, 12.
30Nguluvi ngâ jumwinga, jujo je akuvapugudza avamuvusinge vuhuma kulufuvo, je akuva-pugudza navo avamulugola vwima palufuvo lulo. 4, 11. 12.
31Imilagililwe humbi tugijadzihidze mulufuvo? Ulo muleke ndikane, hamu tugikangidze imilagililwe. v. 21; 4, 3; 8, 4; Mat. 5, 17.
Currently Selected:
Loma 3: II
Highlight
Share
Copy
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
