Loma 2

1Kye ndesile nigilage: si povuli ponu uvukengelehedzo uveve, ve munw’ave, je ukuvahiga avangi. Ndivwene dze ukumuhiga umujago, mwe vwikĕlye juve, pakuva vwilima dzidzo, dze vwihiga. Mat. 7, 2; Joh. 8, 7.

2Neke lino unefwe tulukagwe ulwa kuta; Nguluvi, ngana ikĕla, ikĕlela mwe mwene kuvańa-ku-dzigendela idzi.

3Neke uveve, ve munu, je ukuvahiga, avi nadzo dzidzo, kuno najuve mwe mwevuli najuve, ino vona vwihambula ukugityega imikĕlele gya Nguluvi?

4Nambi uveve ukuvu-mesulauvumosi vwa vuńa-mutimamufupi vwakwe nuvusisamutima vwakwe nuvwisamutima vwakwe? Kitaluvona ukuta uvuńa-mutimamufupi vwa Nguluvi vukukusuńila kukupela? 2. Pet. 3, 16.

5Neke lino uveve pavudîndifu vwako na pavu-dzila-kupela vwa numbula jako ve vwikwilundahidza iṅaladzi pakigono kya ṅaladzi, pe gilavilatukila imigolohedze ukuhigagya Nguluvi,

6je alavapiluhidza vonda pamalimo ganavo, Mat. 16, 27; 2. Kol. 5, 10; Joh. 5, 29.

7nindolo namalumbo nuvudzila-kuvola avakwi-gugumihidza mumalimo amanofu pakusakula uvûmi vwa mbêpali.

8Neke lino avikwimila ińa-vuhulo neke valube-dage ukoluli neke vadzi-kundage dzi dza vudzila-vugolofu, avo alavapela niṅaladzi niligoga, 2. Tes. 1, 8.

9alageleka nuvubăne nilitŭlo mumitima gyanavo vonda, avilima uluvîfu, ukutala pamu-Juda na pamu-Giliti, 1, 16; 3, 9.

10indolo namalumbo nulutengamaso kuvańa-kulima inofu vonda, ukutala pamu-Juda na pamu-Giliti.

11Ndivwene Nguluvi asilola uvunofu vwa kumîho ga vanu. Apos. 10, 34; 1. Pet. 1, 17.

12Ndivwene vonda, avangwe kigaja-milagililwe, valatipulwa kigaja-milagililwe, kangi vonda, avahokile vugendela milagililwe, valahigwa vugendela mumilagililwe.

13Neke mutane ukutigila vipugula kwa Nguluvi, avipulika ku kupu-lika kwene imilagililwe, hamu valapugula vene, avakugigendela imilagililwe. Mat. 7, 21; 1. Joh. 3, 7.

14Ndivwene avapivala, avasili nagyo imilagililwe, pe vigendela uvugavwa vwanavo ulwa milagililwe, apo avene ava, avasili nagyo imilagililwe, vidzusidze milagililwe va vene. Apos. 10, 35.

15Avene amalimo ga milagililwe vakugavonesa ukuta golilwe munumbula dzanavo, vakugavonehedza mulwikagulo lwanavo na mumahodza ganavo, agakwifila agakwikenge-ledza, 1, 32.

16pakigono, kye alahigila Nguluvi mwa Jesu Kilisiti nidza kukińele dza vanu, ndeve lya lilonga ilyevangeli lyangu.

17Lolage uveve utambu-like uvu-Juda, ukwijengu-hidza mumilagililwe, vwikwiginikila kwa Nguluvi,

18ulukagwe, lwe akelye, vwigelandza na mwe dzi-lekanye, gikuiuvwidze imilagililwe,

19vwigelanidze vwijena nukuva vwi kilongodzi va vabofu, nukuva vwi lumuli lwa va mukîsi, Mat. 15, 14.

20nukuva vwi muvundzi va vapuva nukuva vwi muvulanidzi va fyali, mumilagililwe uli nagyo imigendele gya vukagudzi nigya koluli.

21Neke lino uveve, je vwa ukuvavulanidza avangi, ngana usikwivulanidza vwijena? Pe vwa vwidalika ukuta mutane ukuhidza, ngana vwihidza juve? Mat. 23, 3. 4.

22Pe vwa vwilonga ukuta mutane ukudumula uvutolane, ngana vwi dumula uvutolane juve? Pe vwa vwitigila ndili mwîko unene kuminguluvi igingi, ngana vwigoma ifya mutembele juve?

23Apo uveve, je vwikwiginikila imilagililwe, ukumujelesa Nguluvi juve, je vwidzumba imilagililwe,

24ndevē lolilwe ulwa kuta: „je ńeńe, je mulihulye ukulongwa fivi ilitavwa lya Nguluvi kuva-pivala.“

25Uvusinge uvo huvo vukukuvumbulila, ngana vwigendela pamilagililwe; neke ngana vwidzumba pamilagililwe, apo uvusinge ve vudzukile lugola.

26Neke lino ngana ulugola lwigendela pavupu-gule vwa milagililwe, apo usilatigila ulugola lwakwe ludzukile vusinge? Gal. 5, 6.

27Neke lino ulugola, ndeve lugavilwe, ulwisi-ada imilagi ilwe, lulaku-higa uveve, je vwidzumba imilagililwe, kuno vwi nafyo nimilagililwe imyândi-ke nuvusinge.

28Ndivwene si mu-Juda jujo, je ivoneka vudondya uvu-Juda, si vusinge vuvo, uvwivoneka vudondya pańama ja muvili, Joh. 8, 39.

29nda hamu, umu-Juda uva kukińele je mu-Juda jujo, neke nuvusinge vwa munumbula vwe vusinge vuvo, uvwimile pa-Mubepo, uvusimile pakikĕlo; ujo ukulumbwa kwakwe kusilahuma kwe vanu, hamu kulahuma kwa Nguluvi. Kol. 2, 11.

Currently Selected:

Loma 2: II

Highlight

Copy