Hebele 12
12
1Ongo lino najufwe, pakuva lili evo ilifunde lya volesi, ilitunye-ndzidze kondakonda, apo najufwe tufitagage fyonda pasi ifikutuhulila uvusito nindzanangifu, idzipinga amagulu, tuńilage twigugumidzage uluńilo ulugolwike muvulongolo umwesu. 10, 36; Lom. 7, 21; 1. Kol. 9, 24.
2Amîho galolage kwa Jesu, je atulongolye kulufuvo neke nukulududza, je igugumihidze ki kipindulihidzo pakusava ulukelo, ulwali kuvulongolo, kitavikila-ko umutima kulipumba, neke baho ikalage kulya ndyo lya kitêngo kya Nguluvi.
3Mungamukumbukaga je igugumihidzaga-vo kulubedo lwa vahosi, lwe vamubedaga ju mwene, pakuta mutane ukufwahila, pe gijejevwike imiti-ma gyeńo. Luk. 2, 34.
4Pe mwikwigwila ingwila nindzanangifu uńeńe, musina mufika najo kuluńa-danda.
5Na lu luńamadzo mulusemilwe ulukuvavūla uńeńe, je muli ngita mwi vâna ulwitigila; „ve mwanavangu utane ukugime-sula imivungile gya mutwa, utane ukujejevuka, pe dzikukugoma ukwakwe.
6Ndivwene je endilwekwa mutwa, je mwene je ivungwa, vond a avâna, ve ikuvanukila, vitovwa.“ Luv. 3, 19.
7Mwipumukila ulwa mivungile; Nguluvi akuvagendela uńeńe ulwa vwâna. Pwali umwâna, j’asivungwa kwa dadye?
8Neke ngana uńeńe musili nadzo idza kuvungwa, dze vivungwa vonda, apo humbi muli migendelamwe-luhengo, apo musili vagendela-paluvandza.
9Kangi avadadisu va muvili vatuvungaga neke unefwe twavajevulidzaga, lino tusilalutila mbando pakuleva kwa dadye va mibepo neke tuvedzage vûmi?
10Ndivwene avene vala vatuvungaga ifigono nde filingi hela lwe vakelye va vene, neke uju akutuvunga ulwivumbulila ululungamye kukwanukila uvwîmike vwakwe.
11Neke konda ukuvungwa, ve sali kokuli, apo kusivedza kwa kukēla, hamu kwiva kwa kuhuguvala, neke pambele kukuvalekela uvugolofu, kukuvatengamasa avadzovelye nako. 2. Kol. 4, 17. 18.
12Kye mulesile mugakangadzage amavoko agalelevwike, mugakangadzage namafugamilo agaswagatye,
13namagulu geńo mugakwetelage iṅasi ingolofu, pakutigila je ikwińiluka atane ukuhena, nda hamu aponage.
14Mugimbage ulwa kutengamana na vanu vonda, mugimbage nuvwîmike, je vumulemile uvu, ujo asilamuvona umutwa. Lom. 12, 18; 2. Tim. 2, 22.
15Munuguvalage, atane ukunema jungi kulusungu lwa Nguluvi, gutane nukuhovandza umudela umukali, ugwilembula neke vihalabuhidzage-mo avolofu.
16Atane ukudzuka mugoni ujungi nambi gunu uguvîfu nda Esavu, je atavulaga uvuvele vwakwe pakalyo kamwi.
17Ndivwene mulukagwe najuńe, ukuta pambele, pe atigilaga ahaîe ulufuńo, neke baho atagwage; ndivwene asapāgaga pavupitukilo, nd’avedzage alusakulilaga mohodzi ulupituko.
18Ndivwene uńeńe musihegelye ku kye vikwambala nambi kumôto, ugwilibuka, nambi kuvutilivafu nambi kukîsi na mbi kukipulavâna
19nambi kulôvo lwa ngalapi nambi kuluńulo lwa madzwi, ge vakanaga avapulikaga vatigilaga tulema ukutulongela-vo,
20ndivwene lyavalemaga ukulipulika ilikūle lila ilyatigilaga: „ngâ kipamidze ikińoko ikidunda iki, apo mukibodzole namaganga,“
21neke (lwali-vo umutinu ulwitukaga) na ju Mose atigilage: „nditinwike, ndilotoka“
22– hamu uńeńe muhegelye kukidunda Sijono na kukâja ja Nguluvi umûmi, ku-Jelusaleme ija kukyâńa na kuvańa-mwandza, avali mbilimambilima, Luv. 14, 1; 21, 2; 5, 11; Gal. 4, 26.
23nakulukońano lwa vańagwivalalilwe na kulukombeso lwa vavele, avandikwe amatavwa kukyâńa, na kwa muhĭdzi na kwa Nguluvi va vonda, na kumibepo gya vagolofu, avapedze, Luk. 10, 20.
24na kwa muńa-magŏla va lufingwi ulupya, u-Jesu, na kudanda ińāńile, ijilutye na kwa Hebele ukukōla. 9, 15; 11, 4.
25Mwijandilage mutane ukukana kwa je ilonga, ndivwene ngana vasananaga vala, avamukanaga, je avilaga pen’eńi apa, apo twilutila jufwe, je tuku-mudūdzamila umugongo, je ilonga vuhuma-kukyâńa, 2, 2; 10, 28. 29.
26je ilidzwi lyakwe pa idâha lyajitendemyaga ińi neke lino ahuvidze atigye: „ndilavwilakamwinga pakutendemya, mutane ukuta ińi jene, hamu nakukyâńa.“
27Neke lino ulwene ulwitigila: „ndilavwila kamwinga“ ulu lwidońa ukuta fihambuka ifítendema, ifili ngita figavilwe, pakutafikale ifisitendema.
28Kye tulesile tuhonge-dzage, je twi vańa-kwanukila uvutwa uvusitendema, tugendelage uluhongedzo pakumulimila Nguluvi vunogeledzwa, ńangilakumwinga nukwisugilila nukogopa.
29Ndivwene Nguluvi vesu môto hela umulya-fyonda.
Currently Selected:
Hebele 12: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
