Hebele 11
11
1Ulufuvo mumigendele lwe lwisimiko lwa dze vwihuvila, lwe lugomedzo lwa finu ifisivone-ka. 2. Kol. 5, 7.
2Ndivwene lwe lufuvo lulo, uluvahulye ukuta-mbulika ava katali.
3Twikagulila lu lufuvo ukuta imihagulile gya myâka gigelanihidzwe li lidzwi lya Nguluvi swe, pakuta ifilolwa fitane ukudzuka kinu vuhuma ku fye fivoneka.
4U-Hebele atekelye lu lufuvo kwa Nguluvi ikińa-danda, ikyalutye na ku kya Kajini, mwe lwimye nulwa kumolekela ukuva mugolofu, pe amolekelaga na ju Nguluvi pavusembe vwakwe, neke nalino ipilonga vwimila lulo, nd’avedzage afwe. Mat. 23, 35.
5U-Enoko ańagililwe lu lufuvo, ukuta atane ukugivona imifwile neke vatane ukumuvona, pakuva Nguluvi amuńagile; ndivwene pe asina ańagwa, olelwaga uvunogelwa-Nguluvi.
6Neke kigaja-lufuvo vwilemwa ukunoga; ndivwene je ihegēlela kwa Nguluvi, ujo va kufuvwa ukuta pwali nukuta alamupiluhidza je akumusakula.
7U-Nwaka adzengye lu lufuvo ikyômbo ikya kuvananihidza avamuńumba jakwe, pakuva isugililaga idzali dzave ukuvoneka, avye avililwe; ajigomedzaga na ji ńi vwimila lufuvo lulo neke adzukage muńa-kuhāla uvugolofu, uvwahwanine palufuvo. Lom. 4, 20; 3, 22. 24.
8U-Abalahama akundye lu lufuvo, pe akemelilwe ukuhegela ku-ńi, je asa-kulaga pakuhāla, neke ahegage kitadzela, kwe ihelela.
9Ahamilaga lu lufuvo ku-ńi ja luhuvidzo ingendzi hela, neke agonage mumahema nu-Jidzikaka nu-Jakovo avańa-kuhāla vajagwe uluhuvidzo lulo.
10Ndivwene adzindila-ga ikâja ińa-vwalo, je avujipe ju Nguluvi nuku-gava.
11Na ju Sala anukilye lu lufuvo ingufu dza kwi-ngililwa imbeju vubedza-vugógolo vwakwe pakuva umwene atigilaga ali vwidevulilo je ahuvidze.
12Kye valesile vaholwage kwa jumwinga, umwene v’asakye nukusakala, avali nde nondwe dza kukyâńa uvolofu, avali nde muhanga ugwa palubali lwa ńandza ulusivalilwa. Lom. 4, 19.
13Vonda ava vafwilye mulufuvo kitanukila, fye ahuvidze, hamu vafivonye hela kutali, vahungilanye nafyo neke vídikage ukuta tuli vagendzi, twihadise hela mu-ńi ja vene.
14Pakuva avilonga-vo, avo vamańike, ukuta visakula ililavwa lya vudadavo.
15Neke lino ngana vajikumbukaga jijo, je vahamye, apo ngali vasakolanilwaga neke valemwe imipilukile kuko.
16Neke lino vanogelwaga ililutye uvunofu, kwe kuta ilya kukyâńa. Kye alesile na ju Nguluvi atane ukutovwa ińoni pakutambulwa Nguluvi vanavo; ndivwene avavûja-pye ikâja.
17U-Abalahama amutekelye lu lufuvo u-Jidzikaka, pe agemwaga, neke umwene, je anukye ińuvidzo, je mwene j’amutekelaga umuńa-kimwinga,
18je alongilwe ukuta: „lulatambulilwa mu mwa Jidzikaka ulûngo uveve;“
19aluhodzagaukuta Nguluvi asilemwa nukudzu-lubusa kuvafwe; nukuhwanana luhwanine ndesi ngita amusavye muvafwe. Lom. 4, 17.
20U-Jidzikaka avafuńilaga lu lufuvo nu-Jakovo nu-Esavu, pe ahodzehe-dzaga mufińa-kwadza.
21U-Jakovo, pe afwi-dzaga, avafuńilaga lu lufuvo avâna va Josefe ve vavīli neke alapangilage, pe isimbilye palunepo lwa îusondzo lwakwe.
22U-Josefe akumbuhi-dzaga lu lufuvo idza mihegele gya vakina-Jisilahele, pe gwadumukaga, neke avalagililage ulwa fidzege fyakwe.
23U-Mose vamufihye lu lufuvo avavaha vakwe imyêdzi gidatu, pe aholilwe, pakuva vavonaga mwâna mumunugafu neke vasogopaga nambi ululagilidze lwa mutwa.
24U-Mose akanilaga lu lufuvo ukutambulwa muswamuve va mwalive Paliho, avye akulile,
25pakuva umwene nukupumuka ńangilakumwinga navanu va Nguluvi neke nukufyomola uvuńoṅońafu vwa ndzanangifu nde myáka gilingi alutye ukuhāgula pakupumuka,
26neke atigilage uvuńipumba vwa mwa Kilisiti vulutye uvumosi na kufyûma fya v-Egipiti, ndivwene ālăvaga vu vupiluhidzo. 13, 13; 10, 34. 35.
27Ajilekelaga lu lufuvo ija mw-Egipiti kitogopa niligoga lya mutwa; ndivwene akangalilaga mwa je asivoneka, ali ngita ivoneka.
28Agendelaga lu lufuvo pakuvujapa ipasa nuku-sukula idanda, ukuta umuvulaga-vavele atane ukuvapamidza avene.
29Valovokye lu lufuvo ińandza idûṅu ngita vige-ndapavulagalafu, jevafwilaga av-Egipiti, pe vatigilaga najufwe tugedze.
30Gamamukye lu lufuvo amalinga ga mu-Jeliko, ge vadzungutye ifigono mufúṅàti.
31Lwagendye lu lufuvo ulwa Lahaba umuńa-havala, lwe asahangaga ukutipulwa navagaja-lufu-vo, pakuva avatendegedzi avanukye ulunofu ṅani. Jak. 2, 25.
32Ndidzilongage kiki nidzingi? Ndivwene ndilakolanilwa, ngana nigye ṅoṅone nidza Gidejono nidza Balaka nidza Simisono nidza Jefeta nidza Davidi nidza Samwele nidza vavidzi,
33avagendelaga ulufuvo pakuteludza uvutwa, pakugolosa pamihigile, pakwanukila ińuyidzo, pakudzibunda pamulomo ińa-lupala,
34pakudzimya ingufu dza môto, pakuvwepa uvûgi vwa migoha, pakuńŏma uvutenda, pakudzu-ka vatendzi pakulwa, pakudemula amalugu ga vagendzi.
35Navakiṅinavo navo lwavadzulubuhidzaga avafwe vanavo neke avangi vanodzwanodzwaga kitidikila ukwavulwa, pakuta tusavage uludzulubuko ululutye uvunofu,
36neke avangi vagedzage ukujoveledzwa nukutovwa nimingo nińololo ńani,
37vabodzolwaga namaganga, vagemwaga, vasējwaga nisēje, vafwaga ukuvulagwa kumugoha, vasēlaga ninguvo dza ṅolo ningwabati dza mene, vangilaga fyonda, vafigani-dzwaga, vakinilwaga.
38Ińi iji sijavagye ukuta vadzenge; vajeganwaga hela na mumakūngu na mufidunda na mumanga na mufikwava fya ńi.
39Neke lino vonda ava ve luvahulye uvutambule lu lufuvo, vasihegile nadzo ińuvidzo,
40pakuva Nguluvi atuvikye ikilutye uvunofu, pakuta vatane ukupedzwa kigaja-jufwe.
Currently Selected:
Hebele 11: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
