Galata 4
4
1Neke unene nditigila: umuhāla-lipwela, ve sali mwâna tândi, apo asivedza muvago numulimano, nd’avedzage mwene-nafyo fyonda.
2Hâ nda nave tândi ivedza mumagulu ga vafugī-lidzi na ga vańa-kumuli-milila ukufika pamwâka, gwe asimilihidze ṅani udadye.
3Ve tuli-vo najufwe, pe twali twi fyali, najufwe twalevile kumyâmulile gya ńi; 3, 23; 5, 1; Kol. 2, 20.
4neke lino guvye gufikye umwâka, mwe agelye, neke baho Nguluvi amutumage umuswamuve umuholwa kwa mudala, je alevile kumilagililwe; Ef. 1, 10.
5pakutigila avakombo-dzage vonda, avalevile kumilagililwe, ukuta najufwe tuvwanukilage uvwâna. 3, 13. 26.
6Neke lino ve muli vâna vuli, apo lino Nguluvi avatumye u-Mubepo va muswamuve munumbula dzeńo, je mwene je ikuta itigila: aba (kwe kuta) dâda. Lom. 8, 15.
7Neke lino usili mulimano uveve, hamu uli mwâna, neke lino ngana uli mwâna, apo swe ve udzukile vwi muńa-kuhāla vwimila kwa Nguluvi. 3, 29; Lom. 8, 16. 17.
8Neke pala, pe musa-mudzelye Nguluvi, pala mwavalimilaga avanguluvi, avasali vanguluvi vadzûmi.
9Neke lino, ve mumukagwe Nguluvi vuli, nigilage ve mukagulilwe kwa Nguluvi vuli, apo mutigye muvwile kangi ukugomokela kumyâmulile imitenda imigaja-kinu gila neke mugilimilage kangi gigyo?
10Muhagwe nifigono ni-myêdzi gimwi nimyâka ni-mihandziṅahidze gya myâka. Lom. 14, 5; Kol. 2, 16.
11Ndikogopa amalimo, ge ndagimbile unene apeńo, nditigila ene vuli ndagimbile hela. 2. Joh. 8.
12Ndidedeva ukweńo, ńe vanisu, nditigila muhambukage ngita june, ndeve najune ndahambwike ngita juńe; musindigile lunu unene. 2. Kol. 2, 5.
13Mundzelye najuńe, ukuta palulongodzi lula, lwe ndavadalikilaga ilyevangeli, ndagendelaga uvutenda vwa muvili. Apos. 16, 6; 1. Kol. 2, 3.
14Neke na lu lugemyo nalo, lwe gwavagemyaga uńeńe umuvili gwangu, nalo uńeńe musamesulaga, musanofolaga unene, hâ nda, mwandzanukye ngita ndili muńa-mwandza va Nguluvi, nigilage ngita ndili Kilisiti Jesu.
15Mwali mwinomile ndavuli pala! Pakuva unene ndikolela nde molesi nditigila, mwali mubihile ukulemwa, ngali mulopwe namîho geńo, ngali mumelye unene.
16Ino vona mwe mwene mwe ndidzukye ndili muńa-vukava veńo unene, pakuva ndivadalikye idza ndakyene?
17Lusi lunofu, lwe vakuvafūlūpalila uńeńe, hâ nda, avene visakula ukuvabagula uńeńe, pakuta muvafūlūpalilage vavokangi uńeńe. 1, 7
18Ukufūlūpalilwa kunofu, ngana kwimye palunofu mbêpali, ngâ kusimye baho pene, pe pondi unene apeńo.
19Ńe vâna vangw’ańe, ńe ndivwila kangi ukupumuka pakuvababa, asungwe asēlukage Kilisiti umweńo. 1. Kol. 4, 15.
20Neke ndika ndivedze ndili apeńo li lino hela, apo ngali ilidzwi lyangu ndikulyandulila, pakuva mundzadziliṅise uńeńe.
21Mungambula uńeńe, ńe mwisakula ukuva mumagulu ga milagilil we; musigipulike imilagililwe? v. 9; 3, 23.
22Ndivwene lolilwe ulwitigila: Abalahama ali navaswamuve vavili, ujungi ali mwâna va mulimano, ujungi ali mwâna va munu.
23Neke uva mwa muli-mano aholilwe lu lwa muvili neke umwâna va munu aholilwe vugendela muluhuvidzo. Lom. 9, 7-9.
24Dzen’idzi dza kumańagidza, ndivwene ve vavīli ava dze fingwi, ulungiulwa kukidunda Sinaji, ulwibaba avalungamye kuvulimano, neke je Hagala. 5, 1; Lom. 8, 15.
25Neke lino u-Hagala kye kidunda Sinaji mw-Alabija; kili lulimbili lumwinga ni-Jelusaleme ija lino iji, ndivwene najo jidzukile vulimano pamwinga na va vâna vajo.
26Neke lino ijene i-Jelusaleme ija kukyâńa, je ndzila-vulimano, je ńinisu twivonda. Heb. 12. 22.
27Pakuva lolilwe ulwitigila: „ukelage, ve mugumba, je usibaba, utovage imbilikila uńańilage, ve mudzila-vuvaha, pakuva valutye avâna va mwigani na kwa muńa-mugosi.“
28Neke uńeńe ńe vanisu, mwimye ulwa Jidzikaka, muli vâna va luhuvidzo. v. 23.
29Neke ndeve umuholwa vugendela muvili amufwimaga pala umuholwa vugendela mubepo, na li lino ndesi.
30Neke lino ihâte jitigila kiki? Jitigila: „umudagage umulimano numuswamuve, ndivwene umuswamuve va mulimano numuswamuve va munu vasihālanila ilipwela.“
31Neke lino, ńe vanisu, unefwe tusili vâna va mulimano, hamu tuli vâna va munu, pakuva unefwe tuli nuíukombodzo, lwe atu-kombwidze Kilisiti. 3, 29.
Currently Selected:
Galata 4: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
