Galata 3
3
1Ńe va-Galata, ńe vandzila-luhaí’ańe, je nani je avasumbwe uńeńe, je olelwaga apeńo Jesu Kilisiti umupindulihidzwa neke mumuvonage?
2Dze nigye ndidzikagulage dzidzo dzene, mumbule: pala pe mwamwa-nukilaga u-Mubepo, vona ahumile mumalimo ga milagililwe, vona ahumile kuludaliko ulwidalika ulufuvo?
3Ve muli evo ulundzila-luhala humbe? Dze mwamulye mwa Mubepo, dze dzene mutigye mwapulilage lino muńama ja muvili?
4Dzonda, dze mwapu-mukaga, mupumwike hela? Ngana dzali dza hela idzene.
5Neke umwene, je avapelaga u-Mubepo, je avonesaga nimitu umweńo, vona imaga gi milagililwe? Ene vuli imaga uludaliko uluńa-lufuvo?
6Ndavuli u-Abalahama, je afuvwaga kwa Nguluvi neke swe lwe lumuhulilage uvugolofu.
7Mulukagulage lino ukuta avańa-kufuvwa ve vâna va Abalahama vavo.
8Neke ihâte jiluvonye ṅani ukuta Nguluvi avapivala álavapuguhidza lu lufuvo ueke baho amulo-ngelelage ṅani ji dâha u-Abalahama atigilage: „vonda avapivala vala-fuńililwa mu mwako juve.“
9Kwe kuva vonda, avimye ulufuvo, ve valahanga ha Abalahama umufuvi pakufuńwa. Lom. 4, 16.
10Ndivwene vonda, avimye mumalimo ga milagililwe, avo vilekelwa ndeko, pakuva lolilwe ulwitigila: „vańa-ndeko vonda, avasikudzumilila dzonda, idzolilwe muhâte ja milagililwe iji pakudzige ndela.“
11Neke lino idzene dzili vudondya hela idza kuta: kwa Nguluvi asipugulila munu, je igendela mumilagililwe, pakuva: „je vuhumile kulufuvo uvugo lofu vwakwe, je muńa-kuva kuvûmi.“ Lom. 1, 17.
12Neke igyene imilagililwe igyo gisidamike mulufuvo, hamu „umuńa-ku-gigendela, ujo gilamuhulila uvûmi“.
13Je Kilisiti, j’atuko-mbwidze kundeko dza mi lagililwe, pe atudzukilaga ndeko unefwe, pakuva lolilwe ulwitigila: „vonda, avilumbila pakibiki, ve vańa-ndeko.“ Lom. 8. 3; 2. Kol. 6, 21.
14Ukuta ulufuńo lwa Abalahama luvagwilililage vonda avapivala mwa Kilisiti Jesu, nu-Mubepo, je amuhuvidze, ukuta najufwe tumuvonelage vwimila mulufuvo.
15Ńe vanisu, ndilonga ndeve vilonga avanu, dzili ude dza lufingwi lwa munu ulufmge, ulo asijadza munu nukugeleka asigeleka munu.
16Neke lino idzene ińu-vidzo Nguluvi amuhuvi-hidze Abalahama nulûngo lwakwe; asitigila: „indzungo,“ dzivedzage nde ndzolofu, hamu, ilonga ngita lumwinga, itigila: „ulûngo lwako,“ neke uju je Kilisiti.
17Lwe ndilonga unene iiditigila: ulufingwi, lwe afingile Nguluvi, lusifi-ngulwa kumilagililwe, igyadzile, pe vagonile imyâka magana gataji namakyumi gadatu (430) neke lujadzwage uluhuvidzo.
18Ndivwene luka lwimilage pamílagililwe ulwa kuhāla, apo ngali lusimye paluhuvidzo, neke u-Abalahamu Nguluvi amugavye lusungu, imye lu luhuvidzo.
19Neke lino igyene imilagililwe gya kiki? Hamu gigelime hela pakyâńa, pakuta lukeledzage ulu-dzumbo, ve sali lwave ukwadza ulûngo ulwene-luhuvidzo. Neke igyene imilagililwe gyalagililwe vugendela vańa-mwandza, vimihidze mwivoko lya muńa-magŏla. Lom. 5, 20; Apos. 7, 53.
20Neke umwene umuńa-magŏla uju muńa-magŏla va volofu, neke umwene Nguluvi ali jena swe.
21Ino imilagililwe vona gisegemine nińuvidzo dza Nguluvi? Ulo muleke ndikane! Fakuva gika givedzage pogili imilagililwe, igihulila uvûmi, apo ndakyene uvugolofu ngali vwihumila mumilagililwe. Lom. 8, 2-4.
22Neke lino ijene ihâte jidindye fyonda kundzanangifu, pakuta uluhuvidzo vadapage avifuvwa, avimye palufuvo, ulukumufuvwa Jesu Kilisiti. Lom. 3, 9-19; 11, 32.
23Ve sali lwave ulufuvo ukwadza, pala twamingi-lwaga kumilagililwe, igya-tudwamaga, ukufika bahe lwavilatulwaga ulufuvo uluhuma-mumbele. 4, 3.
24Kwe kuva unefwe imilagililwe gitudzukye muvundzi, j’akutuvungila idza Kilisiti, ukuta tupu-gulilage lu lufuvo.
25Neke lino ve lwadzile ulufuvo vuli, apo swe unefwe tuhegile kwa muvundzi. Lom. 10, 4.
26Pakuva lino mwivonda ulufuvo, lwe mumufuvilwe u-Kilisiti Jesu uńeńe, luvahulye muli vâna va Nguluvi. Joh. 1, 12; Lom. 8, 17.
27Pakuva mwivonda, je mudzabikilwe mwa Kilisiti Jesu, mwivonda mumufwete ju Kilisiti. Lom. 6, 3; 13, 14.
28Sipwali nambi jumwi umu-Juda numu-Giliti, sipwali umulimano numwâna va munu, sipwali numugosi numukiṅinavo. Ndivwene mwivonda, ndeve muvelye vuli, muli jumwinga mu mwa Kilisiti. Lom. 10, 12; 1. Kol. 12, 13.
29Neke ngana uńeńe muli vâna va Kilisiti, apo kifwa muli lûngo lwa Abalahama neke najuńe mwi vańa-kuhāla ulugenda muluhuvidzo. v. 7; Lom. 9, 7.
Currently Selected:
Galata 3: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
