Efese 5
5
1Mudzukage vaninidzi va Nguluvi, nde vâna avênde, najuńe mugendelage muvwênde, Mat. 5, 48.
2ndeve na ju Kilisiti nave avendile uńeńe, ndeve itagile ju mwene neke atudzukilage lipwela nuvusembe uvuńa-lunusi ulunofu kwa Nguluvi. v. 25; Gal. 2, 20; Heb. 10, 10.
3Neke nuvugoni nuvulamafu vonda nuvununumu ifi fibihile nambi nukutambulwa um weńo, ndeve luvavagye avîmike, Kol. 3, 5.
4mutane nindabufu nidza vupuva nindano dza vwâna, pakuva dzisivagye idzi; mudziletage idza kuhongedza. 4, 29.
5Pakuva nukulukagula mulukagulage lulo ulwa kuta nambi jumwi umugoni nambi umulamafu nambi umununumu – ujo mulimila manguluvi – asilahāla ilipwela lya muvutwa vwa Kilisiti nuvwa Nguluvi. 1. Kol. 6, 9. 10.
6Atane ukuvadzanga jungi namadzwi aga kijagi hela, pakuva mwe mwene mwe dzikwadzila iṅaladzi dza Nguluvi kuvańa-ku-beda.
7Mutane ukuvedza vudzovanile navo ava.
8Ndivwene pa idâha mwali kîsi, neke lino mudzukye lumuli mwa mutwa. Pamigendele muvonekage ukuva mwi vańalumuli. 2, 11. 13; 1. Pet. 2, 9.
9Ndivwene ulumuli lwiveleka nidza vuńa-mutima-mwêlu nidza vugolofu nidza koluli. Luk. 16, 8: Joh. 12, 36.
10Mudzigelandzage idzi-nogye kwa mutwa. v. 17; Lom. 12, 2.
11Mutane ukuvedza vuhanganile namalimo ga mukîsi, agasivelesa kinu, hamu uńeńe muvagome-dzage nukuvagomedza agen’ago.
12Ndivwene dze vilima kukińele avene, dzili mwîko nukudzitambula pamulomo. Lom. 1, 24.
13Neke dzond’idzi dzisīkuka, ngana ludzigomidze uliimuli, ndivwene dzonda idzisikwike, dzi-dzukile lumuli. Joh. 3, 20. 21.
14Kye alesile atigilage: sisimuka je utusime, udzulubuke kuvafwe, apo alakumulikila u-Kilisiti. Lom. 13, 11.
15Lino mulavage mbando imigendele gyeńo gi tanage ukuva nde gya vadzila-luhala, givedzage nde gya vańa-luhala. Mat. 10, 16; Kol. 4, 5.
16Mufikolatidzage ifigono, pakuva fibalwike ifigono.
17Kye mulesile mutane ukuhambuka mwi vagaja-luhala, hamu mulufikage lwe akelye Nguluvi. v. 10.
18Na ku kugāla uvugi-mbi nako mutane ukugāla, pakuva ukugāla kwihula uvudzilivungo, hatnu mumemwage ju Mubepo. Luk. 21, 34
19Mulonganilage mundzimbililo na mumwito na mundzimbo ińa-Mubepo, mumwimbilage mumuhejelage umutwa munumbula dzeńo. Kol. 3, 16.
20Nguluvi udadye mumuhongedzage mbêpali pafyonda, muhongehedzage mwitavwa lya Jesu Kilisiti umutwa.
21Mwilefvage ńe vavu ṅani, je mwimile muvogofi vwa kumogopa Kilisiti. 1. Pet. 5, 5.
22Avakiṅinavo valevage kuvagosi vanavo, ndavuli vakwilefya kwa mutwa. Kol. 3, 18; 1. Pet. 3, 1.
23Pakuva umugosi gwe mutwe gwa mudala, ndeve na ju Kilisiti mutwe gwa lukombeso, umwene je mupoki va muvili gwakwe. 1. Kol. 11, 3.
24Neke ndeve ulukombeso lulevile kwa Kilisiti, vavedzage evo navakiṅinavo, navo valevage kuvagosi vanavo patunu tonda.
25Neke najuńe ńe vagosi muvendage avadala veńo, ndeve na ju Kilisiti alwendile ulukombeso lwakwe, itagye ku lwene, Kol. 3, 19.
26pakuta aludzusage lwîmike, pe aluvalahidza-ga ukoga kwa lulenga uluńa-lidzwi, Tit. 3, 5.
27pakuta isimikilage ju mwene ulukombeso uuńa-ndolo, ulundzila-mwîko, ulundzila-makuńe, nambi utungi utuli nda utu, hamu atigye luvedzage lwîmike, luvedzage lugaja-lunu. 2. Kol. 11, 2.
28Luvahwanile pakugita evo navagosi, navo vavendage vavadala vanavo ukuta mivili gyanavo hela; je amwendile umudala vakwe, ijendile ju mwene hela.
29Ndivwene asupali, je agusulile ponu umuvili gwakwe, hamu akugusa ngilila ifilyo, akugukogosa, ndeve akulugita-vo na ju mutwa ulukombeso.
30Pakuva unefwe twe fipagwa fya pamuvili gwakwe. 1, 23; 1. Kol. 6. 15.
31„Kye alesile umunu alamulekaga nudadye nuṅina, alamumililaga ju mudala vakwe neke ve va vīli vavo valadzuka muvili gumwinga.“
32Idza kukińele idzi dze ngomi ndakyene, neke unene ndilonga idza Kilisiti nulukombeso lwakwe.
33Neke najuńe muvendage avadala veńo mbêmuli ńani, ndeve mwijendile mwijena; neke umwene umukiṅinavo avedzage muńa-kyôga kwa mugosi vakwe.
Currently Selected:
Efese 5: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
