Efese 4

1Neke lino je ndifungi-lilwe mwa mutwa ndikuvavunga nditigila muvagilage pakugendela mwikongo, lye mukongolilwe, Kol. 1, 10.

2mwilēvedzage uvwilē-vedze vonda muhandze uuvulêngamu nuvwisamutima, neke mwivonda mwegemanilage muvwênde, Kol. 3, 12.

3mugimbe ukulūmilila ulwa kuva ngita jumwinga uiwivonda mwa Mubepo, luvavopeṅasage lu lutengamano,

4neke fivedzage muvili gumwinga, mubepo gu-mwinga, ndeve mukongolilwe muluhuvilo lumwinga ulwa likongo lyeńo, Lom. 12, 5.

5mutwa jumwinga, lufuvo lumwinga, ludzabiko lumwinga, 1. Kol. 8, 6.

6Nguluvi jumwinga, udadavo va vonda, j’alutye kuvonda, j’igimba muvonda, j’ivujila muvonda. 1. Kol. 12, 6.

7Neke twivonda unefwe, ndeve tuvelye, atupelage ulusungu, ndeve atugelye ilipwela u-Kilisiti. Lom. 12, 3. 6; 1. Kol. 12, 11.

8Lwe lwene lwe itigila: „avye inwike kukyâńa, agalwe avagalulano vakwe neke avanu avapelye ifipelano.“ Kol. 2, 15.

9Neke lino ulwene ulwa kuta: „inwike“ lwe lwene ulwílonga nukuta asulunukye kufivungu fya pasi mbando. Joh. 3, 13.

10Neke umwene, je asulunukaga, je mwene kangi jujo, je inwike neke adzumbage kuvulanga vonda, pakuta akwilage ponda.

11Je mwene je avadza-gidze avangi uvwapositili, avangi uvuvidzi, avangi uvudalika-lyevangeli, avangi uvudīmi, avangi uvwiganidzi, 1. Kol. 12, 28; Apos. 21, 8

12pakuta avîmike valuvulage amalimo ga vuli-milavangi, gudzengwage umuvili gwa Kilisiti, 1. Pet. 2, 5.

13tusungwe tufike twivonda kulufuvo lumwi na kulukagudzi lumwi ulwa kumukagula umuswamuve va Nguluvi, tusungwe tufike kuvugosi uvudugile, uvukwigela pavukudzi vwa Kilisiti,

14pakuta tukulekage ukuva fyali, ve jikuvajē-vēdza jikuvapungidza jond’iṅala ja vuvulanidzi, vwe vikōńēla avanu, avibangapala pakutuńatuki-lila vudesi, 1. Kol. 14, 20; Heb. 13, 9.

15hamu tuvedzage twe vańa-koluli, avimile muvwênde pakukŭla mufyonda hela, ululungamye ukwakwe jujo, je ali mutwe, u-Kilisiti, 1, 22; 5, 23; Kol. 1, 18.

16mwa je lumelile nulwa kuva gonda umuvili ugulungiṅine, ugukungiṅanye mufundo dzonda, idzikwitanga, ndeve twigimba tonda utupagwa mwa lwe atugelye, neke gonda umuvili gukuguhulila umuvili pakukula, pakuta gwidzengelage muvwênde gu gwene. Kol. 2, 19.

17Neke lino dze dzene, dze ndikuvalongela, ndi-kuvōlekela mwa mutwa, nditigila: mulekage imigendele gye vigendela avapivala avangi, avigendela mulwijivuko lwanavo, ululi kijagi hela. Lom. 1, 21.

18Aven’ava ulwitaṅanidzo lwanavo lutilivye, vali vagendzi kuvûmi, uvuhuma kwa Nguluvi, pakuva vali lilĭga avene, pakuva vadzipufidze ninumbula dzanavo. 2, 12.

19Avene ava, vavye vakilitye, visopile vavene kuvukemi, uvwigimbila kuvulamafu vonda, viha-ndza nuvununumu.

20Neke lino uńeńe musimwigilye-vo u-Kilisiti nda,

21ngana ndakyene mumupulike jujo, ngana ndakyene vavavulanihidzaga mu mwakwe, ndeve idza koluli dzigenda mwa Jesu,

22idzitigila: mumufulage umunu umulovela uva pamigendele gya pamwandi je ijanangilaga muvudobofu uvwidzanga, Lom. 8, 13; Kol. 3, 9; Gal. 6, 8.

23neke mwipisage mumubepo gwa lwijivuko lweńo, Lom. 12, 2.

24neke mumufwalage umunu umupya, je ahwanine kwa Nguluvi pamigavililwe, je agavililwe muvugolofu namuvwêlulile uvwa koluli.

25Kye mulesile mulekage uvudesi, mulongage ukoluli najula numujagwe najula numujagwe, pakuva tuli fipagwa unefwe twivonda najula ikya mujagwe najula ikya mujagwe;

26ngana mwikalalila, apo mutane ukwangula inôngwa, litane ukuvasotela j ilidzuva, pele lyave ilidziga. Jak. 1, 19. 20.

27Mutane nukumupēla umuhēsi uvwimilo;

28umuhīdzi atane ukuhīdza kangi, agimbage pakulima namavoko gakwe, ukuta nave avedzage nafyo ifya kupēla, je asili nafyo. 1. Tes. 4, 11.

29Gonda amadzwi amavofu mutane ukugahumya pamilomo gyeńo, hamu mugahumyage ga manofu gene, agivujapa, pe luhwanine, ukuta vahongedze avipulika. 5, 4; Kol. 3, 16. 17; 4, 6.

30Mutane ukumuhulila uvuhuguvafu u-Mubepo umwîmike va Nguluvi, mwe mufundililwe uńeńe baha kufika kukigono kya lukombodzo. 1, 13.

31Mujadzage apeńo apo nuvukali vonda niligoga niṅaladzi nilijōjo nidza kulonga fivi, ńangilakumwinga nuvwifu vonda, Kol. 3, 8.

32neke mudzukage mwi vańa-mutima-mufupi kuvajeńo, muvedzage vańaluko, mwivodzage idzeńo, ndeve Nguluvi avâvodzehidze mwa Kilisiti idzeńo najuńe. Mat. 6. 14; 18, 22-35; Kol. 3, 13.

Currently Selected:

Efese 4: II

Highlight

Copy

Compare