Apositili 28
28
1Neke lino baho, tuvye tunanye paṅumbu-ṅumbu twivonda, neke baho tupulikage iligunguli ili ukuta lye lyene lye vitigila Melite ilitavwa.
2Neke baho aveneka neke vavedzage vendavanu si vwendavanu pakutwanukila, neke vatukodzehedzage numôto neke vatwingidzage na muńumba twivonda, pe vatuvwene nukutońelwa inońa nukuhilila iṅala. 2. Kol. 11, 27.
3Neke baho umwene Pavulu neke ajungajungilage akalundo ka tumeńumeńu neke agelekage pamôto. Neke baho jihumage mumo indzoka, jivwene ulufuke, neke baho jimulumage pivoko.
4Neke lino aveneka, pe valivwene ilikoko ili ukutūmbīla pivoko lyakwe, neke vapwepanilage vatigilage: umunu uju tigilage muvuladzi nde; ananile kuńandza li lino lino neke kangi uvusumbulwa vusikumuleka kuvûmi.
5Neke baho umwene akahāńānilage mumôto akajoka aka neke lubihile ukumufika uluńafwa. Mal. 16, 18.
6Neke avene valolelage ukuta lifimba ilivoko, nga vuli igita kubidiguka nakalingi pakufwa. Neke lino vavye valolelye luhavi, pe vavwene nambi lumwi uluńafwa lusiku-mufika, neke baho vapitukage neke vatigilage: tigilage je Nguluvi nde. 14, 11.
7Neke lino pavupîpi hela baho pe ali nińi jakwe umutambule va ligunguli lilyo, ilitavwa ali je Pubuli, neke je atwanu-kililage vunofu neke atusangilage nifilyo ifigono fidatu.
8Neke umwene udadye va Pubuli uju neke baho atamikage mbando imbu-ngo nuvuhumila-danda. Neke baho Pavulu ingilage mu mwe ali neke alapangilage neke amuvikage nilivoko neke amupumu-nusage.
9Neke baho valundanilage ukwakwe navangi avatenda ava ligunguli baho, navo neke vahōkage.
10Neke baho vatuginyage uluginyo ulukomi. Neke lino pe twihega, neke vatufŭkilage nifŭka jonda.
11Neke lino baho, pe tugonile imyêdzi gidatu, neke baho twingilage mukyômbo ikyalesandele, ikyagonile paligunguli amasìka, ikya luhwano lwa vańa-lujungu kukilomo. Neke baho tuhelelage.
12Neke tukafikage mu-Silakusi, neke mwe tuhwedzage kadatu.
13Neke tuhumage baho neke tunyengebukage neke tukafikage mu-Legi neke tugendage ikigono kimwi neke baho gulamukage umuvelo gwa kumavémba neke gukatufisage pakigono ikya vuvili mu-Putejoli.
14Neke mwe tuvavonage avańa-ṅolo, neke vatudedevage tugonage ifigono fili mufúṅàti. Neke lino baho tufikage mu-Loma.
15Neke avene avańa-ṅolo va mumo, pe vapulike ukuta tuli muṅasi, neke vatutaṅanidzage, vakafikage pa-Apifolo na pa-Tilitabelene. Neke umwene Pavulu, pe avavwene avene, neke ahongedzage kwa Nguluvi neke baho gusĭkage.
16Neke lino tuvye tufike mu-Loma, neke umwene Pavulu vamwidikage ukwikala apakwe numusilikale jumwi uva kumuminga. 27, 3.
17Neke lino baho, avye agonile ifigono fidatu, neke pe avakemelage avandzagilava va-Juda. Neke lino, vavye valundine, neke alongage navo atigilage: „unene, ńe vańa-ṅolo, sindangwe kinu kuvakina-Jisilahele nambi kumigendele gya vakatali, vafungile mu-Jelusaleme neke vasutulile kumavoko ga va-Loma. 23, 1.
18Neke avo, vavye vadzipulike inôngwa dzangu, neke vatigilage vandzavule, pakuva vavonaga, ndili mudzila-nôngwa unene ija kufwila.
19Neke lino avene ava-Juda, pakuva vakanaga, neke kwe kuva vangagi-tidzaga vavo, neke baho ndepelage kwa Kesale. Neke lino mutane ukuta udi nadzo dzimwi idza kuvalongelela ava muki-pelela kyangu, hâ nda. 25, 11.
20Dze dzene dze ndivakemelelye uńeńe, nigye ndivavone, ndongane nańe, ulwa kuva umuńololo ugu ndifwalye lu lwa luhuvilo, lwe ihuvila u-Jisilahele.“ 26, 6. 7.
21Neke baho avene vatigilage: „unefwe nambi hâte jisadzile ińuma mu-Judaja, ijakutulongela inôngwa dzako, numu-Juda mujetu asadzile nambi jumwi ukwetu kuno, umuńa-kudzipulisa dzimwi imbîfu numuńa kukulonga dzimwi uveve.
22Neke lino tugulwime ukupulika, dze vwihodza, pakuva uvulonganile uvu tupulike unefwe hela, ukuta vakuvuhepa.“ 24, 14; Luk. 2, 34.
23Neke lino baho valaganage nave ikigono. Neke lino vahelelage ukwakwe kwe agonaga avolofo. Neke avavulanidzage neke avolelelage idza vutwa vwa Nguluvi neke avagomedzage idza Jesu neke imilage na mumilagililwe gya Mose na muvavidzi, ukuhuma lu lwa milavo ukufika ki kyamihe.
24Neke avangi dziva kolage, dze alongaga u-Pavulu, neke avangi vabedage hela.
25Neke lino vavye vavwene vasikwandīṅana vunofu, neke baho vapalaṅanage, u-Pavulu avye alongile ilidzwi limwinga ilya kuta: „agolwise ndakyene u-Mubepo umwîmike, pala avadadińu avalongelelaga mwa Jisaja, pe atigilaga:
26uhelelage kuvanu ava, uvavulage utigilage: ukupulika mumatwi geńu uko mulapulika, neke musiladzifikaga, ukulola namîho uko muladzilola, neke musiladzivonaga.
27Pakuva inumbula dzanavo ava dzipuvye uvudutu, amasikidza ganavo masito pakupulika; vasisinidze amîho, pakuva vitigila tutane ukulola namîho, namatwi gatane ukupulika, ninumbula jitane ukudzifika, tutane nukupituka, nditane nukuvahōsa unene. 13, 46.
28Mupulikage najuńe lino: uvupoki vwa Nguluvi avatumye avapivala, avo ve valadzipulika.“
29Neke lino baho, avye alulongile ulu, neke baho ava-Juda vahumage neke vavedze nadzo indzolofu dza kukaniṅana.
30Neke umwene Pavulu neke amalage imyâka givili pakuvujila muńumba indzadzimye, mwe avanu-kilaga vonda, avadzaga mukumulola.
31Neke adalikage uvutwa vwa Nguluvi neke avavulanidzage kyedza-mutima avanu inôngwa dza Jesu Kilisiti umutwa kitabēdzwa kwe jungi. v. 23.
Currently Selected:
Apositili 28: II
Highlight
Share
Copy
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
