Apositili 27

1Neke lino vavye vila-gye ulwa kuhelela mw-Italija, neke baho nu-Pavulu navangi avakunge neke vamutavulilage umuńa-kipuga-ligana jumwi, je ali je Juli ilitavwa, umuńa-kipuga ikikesale. 25, 12.

2Neke baho twingilage mukyômbo ikyadalamiti ikyahelelaga kukâja dzonda idza mufibali mw-Asija. Neke baho tuhelelage. Twali navo na ju Alisatiki uva mu-Tesaloniki mu-ńi ja mu-Makedonija. 19, 29; 20, 4.

3Neke pamilavo tukafikage mu-Sidono. Neke lino umwene Juli avedzage mwendavangi hela kwa Pavulu neke idikage nulwa kuhelela kuvajagwe mukuhoka ifilyo. 24, 23; 28, 16.

4Neke kangi tuhegage nikyômbo nete tugendelage kufûka ja ligunguli lya mu-Kipele, pakuva twavonaga guhumile, kwe twikola, umuvelo.

5Neke baho tudumuli-ṅasage hela pańandza ja mu-Kilikija nija mu-Pamufilija neke tukafikage mu-Mila mu-ńi ja mu-Likija.

6Neke umuńa-kipuga-ligana akivonage ikyômbo ikyalesandele ikyahelelaga mw-Italija neke baho atwingidzage mumo.

7Neke baho ikyômbo kigendage molamola ifigono ifyolofu neke tugimbage hela ukudzihegēledza mu-Kinidi, pakuva ilivelo lyatanidzaga. Neke baho tugendelage kufûka ja ligunguli lya mu-Kelete, pali pîpi na-Salamone.

8Tugane tulemwe ukugendela mbali ja ṅumbuṅumbu neke tukafikage pakivungu, kye vitigila pe paludzabukilo ulunofu. Pali pîpi na pakâja Laseja.

9Neke lino Pavulu pe avwene numwâka gudzu-mbile, lutalamu nulwa kugendela ifyômbo, pakuva na gu mwêdzi nago gwadzumbile, ugwa vuhwa-kitalya ifilyo, neke baho umwene Pavulu avapavage 2. Kol. 11, 25. 26.

10neke atigilage: ńe vânw’ańe, unene ndiji-vwene iṅasi jesu iji ńa-lwambudzo, ńakufitaga ifyolofu, sindilonga ikyômbo kyene nifinu, hâ nda, ndilonga na gi mitima gyesu jufwe.

11Neke lino umwene umuńa-kipuga-ligana alutilage pakufuvwa, dze valongaga numugendzakyômbo numwene-nakyo na ku dze alongaga Pavulu.

12Neke lino pe vapavwene pavudzabukilo vuvo pavîfu pakugonamo amasìka, neke baho avolofu valukēlage ulwa kuhega kuko, vagedzage, nga sivilemwa, ukufika mu-Fonike, mwe vakagonage tândi amasìka, pakuva vwe vudzabukilo vwa mu-Kelete, uvwilolela na kwe gwihuma umuvelo, ugwipula gatinagati nasíka navwêhe, na kwe gwihuma umuvelo, ugwipula gatinagati nasíka namavémba.

13Neke pe vavwene gulamwike molamola umuvelo, ugwihuma kumavémba, neke baho vahambulage lunogile, lwe vakelye, neke baho vinusage inanga neke vabanililage mbali ja ṅumbuṅumbu.

14Neke lino, tuvye tugendile panaṅi, neke baho gutugwilage umuvelo umuńa-kipulavâna, ugwa-humaga, kwe twalungamye, ugwa gwihuma gatinagati nanéna navwêhe.

15Neke baho gukińagage hela ikyômbo neke kilemwage ukulongodza umulomo kwivelo, neke baho unefwe tukihumusage neke kijevelage hela.

16Neke baho, pe twinyenga mbali kufûka ja ligunguli, lye vitigila Kavudu ilitavwa, neke baho tugane tulemwage pakuvukwegela uvwâto.

17Neke lino baho, tuvye tuvwinwise, neke vatigilage tukivujapile ṅani ikyômbo. Neke baho vakivopeṅasage nimipingo, na gu mwênda gwa pamilongoti nago neke vagutumbukulage, pakuva vogopaga ukuta henda umuvelo gulatwinuhidza pamuhanga gwa pa-Siliti, neke baho tujevelage hela ndesi.

18Neke lino, pe tuvwene twipumuka kwivelo, neke baho ifitegulo tufitagage mululenga ikigono kya kilavo.

19Neke ikigono kya vudatu neke nutukoṅolo twa mukyômbo neke vatutolage namavoko ganavo neke vatutagage muńandza.

20Neke lino, pe tuvwene tuhwe ifigono nde filingi kiteluka nilidzuva ninondwe, pe tuvwene nilivelo ilivina ilya ṅala litumilye, neke baho londa nuluhuvilo, lwe twahuvilaga ukuta mańi vona twinana, neke unefwe lubadzukage.

21Neke lino u-Pavulu, avye avwene vahwe najo ka kolofu indzala, neke baho image pagati pavene neke atigilage: „ńe vâne, muka mudzipulikage, dze ngitigila tutane ukwisuṅilidza mu-Kelete mula, apo ngali tuponile uluvîfu ulu nulwambudzo ulu.

22Neke lino kangi ndikuvalongela nditigila: mukangalage hela mwileme, pakuva twivonda, ndevye tuvelye vuli, asitagwa nambi jumwi, kitagwa ki kyômbo kyene.

23Pakuva unene pakilo ambonekye umuńa-mwandza va Nguluvi, je ndili munu vakwe, je ndiku-mulimila,

24je atigye: utane ukogopa uveve, ve Pavulu, pakuva ve muńa-kwima na kwa Kesale uveve, neke lino ulolage na ve vwigenda navo, vonda Nguluvi akupelye juve. 23, 11.

25Kye ndesile unene nigilage: mukangalage hela mwileme, pakuva ndimwi-devulye unene u-Nguluvi, ukuta dzigendelaga mu mwe andongye ju mwene.

26Neke lino ukwibumidza ikyômbo kikwibumidza muligunguli limwi.“ 28, 1.

27Neke lino baho pakigono kya kwapulihidza ifigono fińikyumi nifitaji, pe sali twave tupidzungula muńandza iń-Adilija, pakilo pagati hela, neke baho avabahalila vatigilage tuli ngita tuhegelidze pa-ńi jimwi.

28Neke baho vasopage ikihava kya kugelela ululenga, neke vavonage ululenga luli pamande amakyumi gavili. Neke vatane ukuhāvilidza neke kangi vavwilage ukusopa ikihava kikyo neke baho vavonage luli pamande likyumi na dzihanu.

29Neke lino vogopage ukuta henda tukwibumidza mumaganga, neke baho vasopage inanga dzitaji kwipeku, neke vatigilage: kuvwene vuli ukukya!

30Neke avene avabahalila neke vaganage vahemuke mukyômbo neke vavwisage uvwâto muńandza neke vadzange vatigilage twisakula ukudzisopa idzingi inanga kukilomo,

31neke baho Pavulu avalongelage numuńa-kipuga-ligana navasilikale atigilage: ngana vasikwi-kalamukyômbo muno ava, apo uńeńe musinana.

32Neke baho avene avasilikale neke vadumulage indegehe dza vwâto neke uvwene vugwilage mululenga.

33Neke pe vadzindilaga ińavambula neke baho Pavulu avalongelage vonda atigilage: „Lino mumalile ifigono fińikyumi nafitaji ukuhwa nindzala, musigelwise nambi kilyo nda. v. 27.

34Kye ndilesile unene lino ndivalongelage nigilage mudakulage ifilyo, pakuva apo mwinana vunofu, pakuva mwivonda, ndeve muvelye vuli, lusilagala nambi lufwili lwa jungi.“ Mat. 10, 30.

35Neke lino baho, pe alulongile ulu, neke baho inulage uvugali neke ahongedzage kwa Nguluvi, pe vilola vonda neke amegage neke akŏle mukulya. Joh. 6, 11; 1. Tim. 4, 4.

36Neke baho vonda gwelage neke navo validzage ifilyo.

37Neke lino twivonda, ndeve twali mukyômbo, twali twi vańamagana gavili namakyumi mufúṅàti na vi mutanda pakyâńa (276).

38Neke íino vavye vigwite, neke vatigilage twebefyage ikyômbo, neke baho vasopage ingano mululenga.

39Neke kuvye kukye, neke vatane ukujikagula ińi, neke vapavonage pavudzabukilo uvwali vutelamafu, neke vatigilage: tulemwage tândi pakukisuṅila kuko ikyômbo.

40Neke baho vadzidu-mulage imbote dza nanga neke dzilagalilage muńandza neke vavopolage nimikuga gya kitela ikigendzakyômbo neke velusage numwênda gwa kukilomo ugwa kugendza neke valungamikilage kuṅala. Neke baho vakilu-ngikage kuvutelamafu kula ikyômbo.

41Neke baho vakafikage pakivungu, ikyali nińandza mbalinambali. Neke baho ikyômbo kibumidzage baho, kukilomo kilumite hela, kitane nuku-hwadzika neke kwipeku kiṅeńukage ingufu (dza mavingo).

42Neke lino avene avasilikale neke vatigilage: avakunge avo tuvulagage, valogela neke vakimbilage.

43Neke lino umwene umuńa-kipuga-ligana, pakuva atigilaga ndimupoke u-Pavulu, neke baho avakanidzage, dze vagulwime. Neke avalongelage atigilage: avadzelye ukogela, vatale vakitukage palulenga, vaponele paṅumbuṅumbu.

44Neke avangi vogelelage mumatapa na mufi-biki fya kyômbo, neke lino baho vananilage paṅumbuṅumbu vonda ndesi. v. 22-25.

Currently Selected:

Apositili 27: II

Highlight

Copy