2 Kolindi 1
1
1June nde Pavulu, nde mw-Apositili va Jesu Kilisiti, vugendela lwe akelye Nguluvi, ndili nu-Timote, umuńa-lukolo, udikuvandikila ńe va mulukombeso lwa Nguluvi, ulugenda mu-Kolindi, ndihandza navîmike vonda, avagenda monda mw-Akaja. 1. Kol. 1, 1.
2Nguluvi udadisu na ju mutwa vesu Jesu Kilisiti avapogolage nulusungu nulutengamaso. Lom. 1, 7.
3Amalumbo kwa Nguluvi, udadye va mutwa vesu Jesu Kilisiti, udadye umuńa-lupyanidzo, ju Nguluvi umuńa-luńamadzo londa, Lom. 15, 5.
4je ikutuńainadza najufwe mulupumuko lwesu londa, ukuta najufwe tutane ukulemwa pakuva-ńamadza, avali nulupumuko londa, tugendelage uluńamadzo, lwe atuńama-hidze Nguluvi najufwe.
5Ndeve dzolwike najufwe imumuko, dze apumukaga u-Kilisiti, ukuta luvedzage-vo ndesi na lu luńamadzo lwesu vugendela mwa Kilisiti.
6Neke nde tufumbani-lwage unefwe, apo kwe kuvahulila uńeńe nuluńamadzo nukupokwa. Nde tuńamadzwage unefwe, apo kwe kuvahulila uńeńe uluńamadzo, ulwigi mbila mulwigugumihidzo, ulukwigugumihidza nadzo imumuko dzidzo, dze twandye twipumuka unefwe. 4, 15. 17.
7Na lu luhuvilo, lwe tukuvaliuvilila uńeńe, nalo luli ludovandovo heía, pa kuva tulukagwe unefwe ukuta ndeve mwahangaga imumuko vuli, apo na lu luńamadzo mwihanga.
8Tuvwene twitigila tutane ukufiha ukweńo, ńe vajisu, ulupumuko, lwe twapumwike unefwe mw-Asija, pakuva twakiṅilidzwe si kukińilidzwa, twaganaga tulemwage, na vu vûmi twiva nde twatagile. Apos. 19, 23; 1. Kol. 15, 32.
9Neke unefwe tusali nalo ulungi nda, twali nalo lu lwa kuta tufwe swe, pakuta tutane ukwidevulila jufwe tuli jena, hamu tumwidevulilage ju Nguluvi, je idzulubusa kuvafwe.
10Je mwene je atuha-ńasidze kuvufwe, uvusi vwa kugela uvu, je mwene je ikutuhańasa mbêpali na li lino, je tukumuliuvila ukuta ligâ ponu mbêpali alatuhańasa, 2. Tim 4, 18.
11ngana najuńe muku-tutangilidza, pe mwihongedza muluńiliko lweńo, pakuta luhumage kuvanu avolofu, lwevakutuhonge-hedza avolofu pipwela lya lusungu, ililungamye ukwesu,
12pakuva ulwiginikilo, lwe twikwiginikila unefwe, lwe ulu lwe tuvwene ulwikagulo lwesu lukutolekela, ukuta unefwe kwen’ivala kuno imigendele gyesu tugendye mulwijelelulilo na muvunofu ulunguluvi, tusagendye muluhala uluńa-ńama ja muvili, hamu twagendye mulusungu lwa Nguluvi neke tulutidze mbando apeńo (imigendele igi). 2, 17; Heb. 13, 18: 1. Kol. 1, 17.
13Ndivwene tusikuva-ndikila ulungi uńeńe, hâ nda lulo, lwe mukuluvona muhâte, lwe mukulufika najuńe; neke ndihuvila ukuta muladzifika mulapudza,
14ndeve mutufikile panaṅi uńeńe, pakuva unefwe twi lwiginikilo lweńo, ndeve najuńe kangi muli lwiginikilo lwesu pakigono kya mutwa vesu Jesu. 5, 12; Fil. 2, 16.
15Neke pe ndīdevulilaga ulu, ndatigilaga nditale ndadze ukweńo, ukuta uńeńe muvwile kangi uku sava ulusungu,
16neke ndihumage ape-ńo ukukŏla mu-Makedonija, kangi ukuhuma mu Makedonija ndihelelage apeńo kangi neke uńeńe mukambikage mu-Judaja. 1. Kol. 16, 5. 6
17Neke lino, pe ndadzi hodzaga idzi, vona ndali mwe kyâńa hela? Ene vuli dze ndihodza unene ndihodzehedza pa lwa ńama ja muvili? Neke apa ngu lutimbuliṅanage ulwa ena ena nulwa hamu hamu?
18Neke Nguluvi ali vwidevulilo, ukuta ilidzwi lyesu, lye tuvańamulye, lisali lya ena nulwa hamu,
19ndivwene umuswamuve va Nguluvi Kilisiti Jesu, je tumudalike unefwe apeńo najune na Sihvana na Timote, umwene asadzukaga ena na hamu, hâ nda umwakwe mwe mwene mwe jivonekye ji ena jene.
20Ndivwene ińuvidzo dza Nguluvi dzi dzivedzaga dzidzukile ena lusile mu mwakwe jujo, kileka nukuta: amene kwimilage apakwe neke unefwe tutigilage dzolokage indolo dza Nguluvi. Luv. 3, 14.
21Neke je atukangahidze mwa Kilisiti na juńe ńani, je atubakile je Nguluvi jujo, 1. Joh. 2, 27.
22je atufundilye nikifundililo kyakwe, je atupelye nimbikila ja Mubepo munumbula dzesu. 5, 5; Lom. 8, 16; Ef. 1, 13. 14.
23Neke unene ndikutnu-kemela ju Nguluvi, andzolekelage ulwigoma umutima gwangu, ukuta unene, pe ndibihye ukwadza ku-Kolindi, ndavagu-ngulidzaga juńe. 11, 31; Lom. 1, 9.
24Pakuva unefwe tusi-tigye tugendelage uvutwa palufuvo lweńo, hâ nda, tutigye tuvatangilidzage paluhekelo lweńo; ndivwene mwimye mulufuvo. 1. Pet. 5, 3.
Currently Selected:
2 Kolindi 1: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
