Popular Bible Verses from 2 Kolindi 1

Share

Amalumbo kwa Nguluvi, udadye va mutwa vesu Jesu Kilisiti, udadye umuńa-lupyanidzo, ju Nguluvi umuńa-luńamadzo londa, je ikutuńainadza najufwe mulupumuko lwesu londa, ukuta najufwe tutane ukulemwa pakuva-ńamadza, avali nulupumuko londa, tugendelage uluńamadzo, lwe atuńama-hidze Nguluvi najufwe.

Ndeve dzolwike najufwe imumuko, dze apumukaga u-Kilisiti, ukuta luvedzage-vo ndesi na lu luńamadzo lwesu vugendela mwa Kilisiti.

Neke unefwe tusali nalo ulungi nda, twali nalo lu lwa kuta tufwe swe, pakuta tutane ukwidevulila jufwe tuli jena, hamu tumwidevulilage ju Nguluvi, je idzulubusa kuvafwe.

Neke je atukangahidze mwa Kilisiti na juńe ńani, je atubakile je Nguluvi jujo, je atufundilye nikifundililo kyakwe, je atupelye nimbikila ja Mubepo munumbula dzesu.

Neke nde tufumbani-lwage unefwe, apo kwe kuvahulila uńeńe nuluńamadzo nukupokwa. Nde tuńamadzwage unefwe, apo kwe kuvahulila uńeńe uluńamadzo, ulwigi mbila mulwigugumihidzo, ulukwigugumihidza nadzo imumuko dzidzo, dze twandye twipumuka unefwe.