1 Timote 5
5
1Umugogolo utane ukumukabusa, hamu ujo umuginalidzage ngita dado, avakwamidzi ngita vanakweńo,
2avakiṅinavo avagogolo ngita vańoko, avahindza ngita vanadzavo, uhandze nukwivopa mbando.
3Uvaginyage avakiṅina-vo avafwile, avapina mbando. v. 5.
4Neke ngana umudala umufwile i navo avâna nambi avidzukuluve, apo valumańage tândi ulwa kwijevulidza kwa Nguluvi muńumba dzanavo, vavapēlage. nifya kuvapilu-hidza avavaha vanavo; ndivwene dze nofu kumîho ga Nguluvi.
5Neke umwene umukińinavo umupina ndakyene, je asigye mwene hela, ujo ahuvilage ku kwa Nguluvi, ahwedzage ińilika nukulapangila na pakilo na pamûńi. Luk. 2, 37.
6Neke lino ngana muhêṅetafu, ujo ve afwe sali mûmi.
7Idzi uvavunge navo, ukuta vavedzage vadzila-vwaganidzo.
8Neke je asikuvatemu-lila ifilyo avańa-ṅolo vakwe uvulutidza kuva-mu-ńumba, ujo ve swe, ve akanile kulufuvo, ve alutye uvuvîfu na ku je asifuvwa.
9Neke lino ngana mutigye tumwandike ilitavwa lyakwe jumwi umukińinavo umufwile, apo mutane ukumwandika, je asina afika kumyâka ama-kyumi mutanda; mumwa-ndikage, je atolilwe kwa mugosi jumwinga hela,
10je itambulwa kuvanu vonda amalimo amanofu, nde alimilye avâna, nde akikuvanukila vunofu avagendzi, nde akikuvaho-gofya amagulu avîmike, nde akikuvatanga avafu-mbanihve, nde akigendela mumalimo amanofu gonda hela. Heb. 13, 2.
11Avakiṅinavo avafwile avabuhu, avo uvakanage; ndivwene avene vijadzihidza uvupumu kwa Kilisiti neke vasakulage ukutavuka.
12Neke lino kwe kuva vikwikongolela uluhigo ulwa kuta vatagile dze vatalile ukwidika.
13Kangi vikwihonga uvôlo, pe vigendagenda pańumba dzonda. Neke vasili vagata vu vugata vwene, hamu nukudelema videlema dze hela, vikeduṅasa, nukulonga vilonga idzisivagye.
14Unene avabuhu avo nditigila vatolwage kuva-gosi, vaholage avâna, vanodze ińumba dzanavo, pakuta umuńa-vukava vatane ukumuhongela uvwi-milo uvwa kuvaliga. 1. Kol. 7, 9.
15Ndivwene nalino povali avabapye kwa Setano.
16Neke lino ngana jumwi umudala umufuvi ngana i navo avakiṅinavo avafwile, je pavagye avagavilage ifilyo, vatane ukuludodela ulukombeso, pakuta ulwene luvagavilage avakiṅinavo avapina ndakyene.
17Neke avene avavina, avakulugelanidza ulukombeso, avo muvaginyage mukavwila, mulutidzage avigimbila mulidzwi na muluvulanidzo. Lom. 12, 8.
18Pakuva ihâte jitigila: na ji ṅambako ijisegeja ingano, utane ukujifunga kumulomo; kangi jitigila: umuńa-kulima avagye paluhombo lwakwe. 1. Kol. 9, 9; Luk. 10, 7.
19Ngana vigotola inôngwa, je ahŏkile umuvina, apo ujipulikage hela, ngâ povali avańa-kupulika vavili nambi vadatu. 2. Kol. 13, 1.
20Neke avahŏkile inôngwa uvagomehedzage, pe povali vonda, ukuta navangi vogopage. Gal. 2, 14.
21Ndikwimila pavolesi nuvwa Nguluvi nuvwa Kilisiti Jesu nuvwa vańa-mwandza avahagulwa va Nguluvi nditigila idzi udzikolatidzage kitakwe-geledza, kitahegēledza uvwênde.
22Utane ukwangufya pakumuvikila amavoko umunu, vwilembe uvuhanganile nindzanangifu dza vene, najuve ugimbage uvudzila-lupamidza. 4, 14.
23Ulekage ukuńwa uîu-lenga lwene, uvonage ulufu lwako neke uńwage nuvutoṅoni padebe, pakuva uli mutenda kavili-kavili.
24Avangi avanu indzanangifu dzanavo dzili pavuvalafu hela, dzivalo-ngolye muvulongolo ukubita kuluhigilo, neke avangi dzikuvaninila kumbele.
25Gali-vo namalimo amanofu, nago gali pavuvalafu hela, neke agasili-vo, nago gilemwa ukufi-hama.
Currently Selected:
1 Timote 5: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
