1 Timote 4
4
1Neke u-Mubepo ago-lwise hela pakulonga, itigila: pafigono fya kwapulila, apo avangi valalubapa ulufuvo, vala-gyumilila nimibèpo igi-jadza, valadzumilila ninôngwa dza vademono, 2. Tim. 3, 1. 2; 2. Pet. 3, 3; Jud. 18; 1. Joh. 2, 18.
2avíkeduka pakudzova uvudesi, vali nikibàfu kya môto mulwikagulo lwanavo.
3Neke vidzidza nuku-tola avadala, vitigila mufidzīlage nifilyo, fye afi-gavile Nguluvi ukuta muiyage muhandze nukuhongedza. Neke avifuvwa, avadzifikile nidza koluli, 1. Kol. 10, 30. 31.
4avo vasitigila fitagwa ifingi, pakuva vonda uvugavwa vwa Nguluvi vunofu, vakufyanukila ndesi neke vahongedzage, Apos. 10, 15.
5vavwene ilidzwi lya Nguluvi nululapangilo fi-kufipela uvwîmike.
6Ngana ukuvagotolela idzi avańa-lukolo, apo ulavedzá vwi mulimilavangi umunofu va Kilisiti Jesu, je ufugililwe amadzwi ga lufuvo na ga luvulanidzo ulunofu, lwe vwandye ukuluninila.
7Isimo ińa-mwîko idza vakiṅinavo avagogolo idzo utigilage ndema, vwihongage dzi dza kwije-vulidza kwa Nguluvi. 1, 4; 6, 20; 2. Tim. 2, 16. 23; Tit. 1, 14; 3, 9.
8Ndivwene pakuguhonga umuvili kwivumbuli-la padebe hela neke uvwijevulidza-kwa-Nguluvi uvo vwivumbulila fyonda, vuńa-kuvuhuvidza uvûmi nuvwa lino nuvwa mbêpali. 6, 6.
9Lili vwidevulilo nuku-lidika livagye ukulidika ilidzwi ili. 1, 15.
10Ndivweńe lwe lwene lwe tukudzigimbila nuku-dzitengela lulo, pakuva tumuhuvilye ju Nguluvi umûmi, j’ali mupoki va vanu vonda, j’alutye ukuva mupoki va vańa-kufuvwa. 2, 3. 4.
11Dze uvalagilage, dze uvavulanidzage dzonda idzi.
12Atane ukukutofola jungi uvukwamidzi, hamu avifuvwauvadzukilage kilolelo na mumadzwi na mumigendele na muvwênde na mulufuvo na mukwivopa. Tit. 2, 15.
13Uhuguvalilage hela nukwimba navo pahâte nukuvavunga nukuvavu-lanidza ukufika navo bahe ndiladzila unene.
14Utane ukulilekēledza ilipwela, lye vwi nalyo, lye vwapelilwe vugenda nuvuvidzi, pala pe vaku-vikilaga amavoko avavina. 5, 22; Apos. 6, 6: 8, 17.
15Dze udzívukage, dze udzihwelage, pakuta luvasĭkukilage vonda, lwe vwijongelidze.
16Uletage uluhala na ku kwako na kuluvulanidzo, mwe uhwelage; ndivwene ngana vwigita evo, apo ve ulipoka najuve, ve ulavapoka navańa-kukupulika. Lom. 11, 14.
Currently Selected:
1 Timote 4: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
