1 Kol 8
8
1Neke pańama ja vusembe apa ndiludzelye ukuta twivonda uvukagudzi twi navo neke uvukagudzi vukwitupika, kiba uvwênde vwidzenga. Apos. 15, 29.
2Je ikwiginika mwene itigila ndidzifikile, ujo ave ukudzifika, ndeve luvagye ukudzifika. Gal. 6, 3.
3Neke je amwendile u-Nguluvi, ujo akagulilwe kwa mwene.
4Neke ukwene ukulya ińama ja vusembe unene ndiludzelye ukuta gisupali iminguluvi kwen’eńi kuno nukuta sipwali u-Nguluvi ujungi, kwali jujo mwene. 10, 19.
5Ndivwene napo nde vavedzage kovali avanguluvi, ve va vitigila vanguluvi, nde kuvedze kukyâńa, nde pavedze pasi apa, ndeve povali na li lino avanguluvi avolofu navatwa avolofu,
6unefwe Nguluvi ju mwinga, udadye, kwe fihumile fyonda, najufwe kwe tulungamye ku kwakwe jujo, neke na ju mutwa jumwinga hela, ju Jesu Kilisiti, mwe figenda fyonda ifinu, mwa je tugenda najufwe. 12, 5. 6; Kol. 1, 16.
7Neke uvukagudzi uvu vasili navo vonda nda, neke vamwinga vihongile ukufika na ku li lino kuno, vidgila ńama ja vusembe, pe vilya ifitekelwa ifi. Neke lino swe ulwikagulo lwanavo ulutenda lutivukage. 10, 27.
8Neke ifyene ifilyo fisikutuhegēledza kwa Nguluvi; nde tulidzage fisikutuvumbulila kinu, na ku kwangila tusikwangila kinu, nde tubihile ukulya. Lom. 14, 17.
9Mwijandilage uńeńe uvutavulilwe vweńo uvu vutane ukuhambuka lukuvalo kuvatenda. Gal. 5, 13.
10Ndivwene uveve, je vwi navo uvukagudzi, ngana umujago akuvwene vwilya ifilyo kuminguluvi, apo umwene uju, pakuva mutenda, ulwikagulo lwakwe lwidzengwa vona, ngana ihelela mukulya nave ińama ja vusembe?
11Hamu, ikwanangikila muvukagudzi vwako umutenda uju, umuńa-lukolo, je nave amufwilye Kilisiti. Lom. 14, 15.
12Neke lino ngana ve mwikwangula evo inôngwa kuvańa-lukolo, ngana mukuvatova nulwika-gulo lwanavo ulutenda, apo ve swe, ve mwangwe inôngwa kwa Kilisiti.
13Ngana ifilyo fikumwa-mbudza umuńa-lukolo vangu, apo ndema unene ukulya ponu ińama, pakuta nditane ukumwambudza umuńa-lukolo vangu. Lom. 14, 21.
Currently Selected:
1 Kol 8: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
