1 Kol 7
7
1Neke idzene dzila, dze mwandzandikye, dzila nditigila: kunofu umunu ukubihila ukumwabasa umudala.
2Neke lino ndivwene uvugoni, apo swe pavagye vonda avagosi vavedzage navadala vanavo najula uvakwe najula uvakwe.
3Umugosi amupēlage umudala na ju mudala nave amupēlage umugosi.
4Umukiṅinavo umuvili gusili gwakwe mwene, hâ nda, gwa ju mugosi, na ju mugosi nave ndesi, nave umuvili gwakwe gusili gwakwe mwene, hâ nda, gwa ju mudala.
5Mutane ukukānana, mukānane hela ngana mwidiṅine ifigono, fye mutigye fivedzage fya kulapangilila, apo mukanane neke kangi mutaṅane, ukuta u-Setano atane ukuvagemya, pakuva musiludzelye uíwa kwivopa.
6Neke idzi ndikuvidihidza hela, sindilagilidza nde lulagi nda.
7Pakuva unene ndiki-jendile ukuta vonda avanu vateganage nde nene. Neke linopakuva Nguluvi atusutanidze pakutupēla amapwela ga lusungu, najula amugavye agangi, najula agangi. Mat. 19, 12.
8Neke avene navigani navakiṅinavo avafwile avo ndikuvalongela nditigila: panofu, ngana vivedza ndesi nde nene na va vene.
9Neke lino ngana vavwene kuvalemile mbando ukwivopa, apo vatolane, pakuva kunofu ku kutolana neke nukupyupa uvudobofu. 1. Tim. 5, 14.
10Neke avitolile avo sindikuvatovela ilikule unene, hâ nda, akuvatovela ilikule ju mutwa, itigila: umukiṅinavo atane ukuhega kwa mugosi. v. 12. 25. 40; Mat. 5, 32.
11Neke lino nde ahege, atane ukutavuka kuvulongolo, nambi ipesage numunu vakwe. Na ju mugosi nave nditigila: atane ukumugotola umudala.
12Avangi vonda ndikuvalongela dzi dzangu ndili jena, sindikuvalongela dza mutwa, nditigila: ngana umuńa-lukolo amwinwe umukińinavo, je asifuvwa neke umwene umudala uju idike pakwikala nave, apo atane ukumuleka.
13Napo kangi umudala ngana atolilwe kwa mugosi, je asifuvwa neke umugosi uju idikage ukwikala nave, apo atane ukumuleka.
14Pakuva umugosi, je asifuvwa, ijelulye mu mwa mudala vakwe, na ju mukiṅinavo umudzila-kufuvwa nave ijelulye mu mwa mugosi vakwe umuńa-lukolo. Pakuva dzali dzivedzage dzisili evo, apo ngali avâna veńo vali mwîko; ka lino mańi vîmike hela. Lom. 11, 16.
15Neke lino ngana umudzila-kufuvwa akelye mwene ukuhuma, apo mumuleke ahume, pakuva ngana ve dzili evo, apo umuńa-lukolo umugosi numuńa-lukolo umudala asāvikwe nda. Pakuva Nguluvi, pe atukemelaga, atigye twivedzaga nulutengamano unefwe. Lom. 14, 19.
16Ndivwene uveve ve mudala udzelye ndavuli ukuta ulamupoka umugosi vako? Na juve ve mugosi udzelye ndavuli ukuta ulamupokaumudala vako? 1. Pet. 3, 1.
17Nda hamu (usikumu-poka), apo imigendele gyeńo mwivonda mugendelage mu mwe avagavye Nguluvi, mu mwe avake-melelye. Nda ndikudzige-lanidzavo idzi muṅombeso dzonda. v. 20. 24.
18Neke je akemelilwe pe musinge, apo ikalage musinge ndesi; je akemelilwe si musinge, ujo atane ukusingwa kangi.
19Nuvusinge si kinu, nulugola si kinu, hamu, lu lwa kudzigendela indagi dza Nguluvi uko kwe ena. Gal. 5, 6; 6, 15.
20Mwivonda mwikalage mumwe mwakemelelilwe. v. 17. 24.
21Ngana ukemelelilwe vwi musutu, apo utane ukuhodza kinu; neke ngana uvwene pavonike pavukombokelo, apo lwe lulutye ukulugendela.
22Pakuva na je ali musutu, pe ikemelwa kwa mutwa, ujo mukombolwa va ju mutwa; neke je ali mukombolwa, pe ikemelwa kwa mutwa, ujo ivedza musutu va ju Kilisiti. Ef. 6, 6; Filem. 16.
23Mugulilwe ifikomi, mutane ukuhambuka muli vasutu va vanu. 6, 20.
24Ńe vańa-lukolo, mwikalage mwivonda kumîho ga Nguluvi mu mwe mwakemelelilwe. v. 17. 20.
25Neke kuvanahindza uko umutwa asimelye ululagi, avo ndikuvalongela june, dze ndihodza, je ndipyanilwe kwa mutwa ukuva vwidevulilo. v. 10. 40; 1. Tim. 1, 12. 13.
26Pamihodzehedze gyangu unene, apo nditigila: kunofu umunu, ukuva ndesi hela, ndivwene ukufiganidzwa kwa lino nde. v. 29; 10, 11.
27Je uhasidze umudala, utane ukutigila ndimuleke, neke je usina nhasa umudala, utane ukumusakula umudala.
28Neke napo nde uvedzage utolye ṅani umudala, napo si nôngwa; na ju muhindza, ngana atolilwe, nave si nôngwa nda. Lu lupumuko lwa pamuvili ulo lukuvavona vonda avatoline ndesi. Neke unene pakuva nigye ndivakogosage.
29Lwe ndilonga lwe ulu, ńe vańa-lukolo, ifigono ifisigye nditigila: avańa-vadala vavedzage ngita vadzila-vadala. Lom. 13, 11; Luk. 14, 26.
30Avivemba vavedzage ngita vasivemba, navihekela vavedzage ngita vasihekela, navigula fimwi navo vavedzage ngita vasili nafyo,
31navakulugendela ulwa ńi navo vavedzage nde vasikulugendela ulwa ńi, pakuva ikîmo kya ńi kijaganika. 1. Joh. 2, 15-17.
32Neke unene ngakelye ukuta muvedzage vagaja-kwiganya; umwigani ikwiganya idza mutwa, itigila ndimunogelage umutwa.
33Neke umwene umutodzi ikwiganya idza mu-ńi muno, itigila ndimuno-gelage ju mudala, neke lino inumbula jipagamage. Luk. 14, 20; Ef. 5, 29.
34Neke umudala umwi-gani nambi umuhindza vi-kwiganya idza mutwa, ukuta vavedzage vîmike na pamuvili na pamubepo, neke je atavwike, ikwiganya idza kwen’eńi, itigila ndimunogelage umugosi.
35Neke idzi ndilonga ndikuvatanga juńe idzeńo, sindikuvasopela umupingo, nda hamu, nditigila lulungamilage ku dze dzinogile neke na ju mutwa mumumililage kitafuvalila.
36Neke lino nga umunu ihodza itigila umwalivangu muńa-kilema, pe mukipali katali neke luvedzage nde lumuhwanile ukutavuka, apo je alugendelage lulo, lwe aluvwene jujo, si nôngwa nda; vatolanage.
37Ngana ujungi isimike hela munumbula jakwe, pehela ifikumugagilidza, na fye akelye ngâ pehela ifya kumutanidza, neke ngâ alukelelye ṅani munumbula jakwe ulwa kuta: umwalivangu ikalilage, apo uju nave igolosa.
38Apo lino humbi je itavula umwalive, igolosa neke je asitavula, ujo alutye ukugolosa.
39Umukiṅinavo akungilwe, ve sali mûmi, kwa mugosi vakwe, neke ngana afwe umugosi, apo swe akombwike, itavuka kwe akelye, lugendelage hela mu mwa mutwa. Lom. 7, 2.
40Ulwene alalutila ukwinoma, ngana ikwikala ndesi; ulu ndikuluhodza june hela, neke nditigila najune ndi nave u-Mubepo va mutwa. v. 25.
Currently Selected:
1 Kol 7: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
