VAGALATIA 6
6
Machundwe a kukumanyirija
1Vandughu, mntu ekishereta he iteshanyo lolose, mntu sa uo, unywi mwe va ki Mpeho mhunduieni vushaa kwa ngoro ya vuhoo, wekikurereha we mwenye, nawe usireingia he mighesho. 2Mutikiane mijigho, huvo nikwo kukolosha iazero lakwe Kristo. 3Ambu mntu ekikuvona iti ni kintu, naye esi kintu, ekuisha ye mwenye. 4Mira kila mntu nakoneshe ndima yakwe mwenye, niho enevona kiusho cha kukukazia ye mwenye du, neri si he mghenji. 5Ambu kila mntu enetika kivunge chakwe mwenye.
6Mrechejwa kiteto nakete sanga na mcheji wakwe he vyedi vyose. 7Musiishwe, Mrungu tesolwa; ambu icho icho mntu ehanda, nirecho enefindika. 8Ambu ye ehanda he mwiri wakwe, he mwiri wakwe enefindika kukondika; mira ye ehanda he Mpeho, he Mpeho enefindika nkalamo ya kae na kae. 9Kangi tusifikwe kuronga vyedi; ambu tunefindika igheri lakwe, twekisafwiwa ni ngoro. 10Heicho twekivona kapengere natuvarongie vantu vose vyedi; kukela he vandughu vala e va mwitikijo.
Msirikijo
11Rerehani ki he aa maandiko nemuandikie na mkono wangu mi mwenye vuntu e mabaha! 12Vose veenda kuvoneka iti ni vedi he mburi ja kimwiri, nivo vemukakasha kutavanwa; nesa vasiororijwe ni msalaba wakwe Kristo, icho du. 13Ambu hata vo venye vala vetavanwe tevegurishe viziomo; mira veenda unywi mutavanwe, nesa vakaziwe he miri yenyu. 14Mira mi, hai, sienda ngazo he kintu chochose, esire msalaba wa Mfumwa wetu Yesu Kristo, hewo ii si yevambiwe he msalaba hemi, nami heyo. 15Ambu kutavanwa si kintu, neri kusatavanwa, esire kirumbe kishaa. 16Na vose venetongia he msimo uo, mporere na ivaikaie na mbonea, yee, he Israeli wa Mrungu.
17Too iki mntu asinirishe vwasi; ambu nitika he mwiri wangu visimbiko vyakwe Yesu.
18Vandughu, mbonea ya Mfumwa wetu Yesu Kristo naiikae hamwe na ngoro jenyu. Amen.
Currently Selected:
VAGALATIA 6: CHSUNT67
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.
