Zyowɛli 3
3
Yawe a wi Pǐli yàli pe myɛ na
1 #
Kap 2:17-21
«Gee bee kàdoʔo ma,
mii a mii Pǐli yàli syɛ́ɛnbèle myɛ na.
Yele nànbiigèle, ní yele calipiigèle a ba ra kérigèle nyaagi da nyuu,
yele wólɛɛbèle a ba ra ŋúnɔyi ŋúnɔ,
yele wojáribèle sáā yanyaayi nyaagi.
2Alí cányi bee ni,
mii a mii Pǐli yàli mii falipyenǎnbèle,
ní mii falipyecebèle na.
3Mii a kakpoloyo tɛ̀ɛn, yee yi a pye lè nyɛ̀ʔɛni ní tári na,
yi a pye sìsyaan, ní naà, ní wíritɔnɔyɔ.
4 #
Mat 24:29; Mar 13:24-25; Luk 21:25; Tɛ̀ɛn 6:12-13 Cángi a ba kàri yébilimɛ,
yégi si kàri sìsyaan,
sáni Yawe cángi í nan lè,
cángi bee gi lè cângbɔʔɔ,
ní fyáara wóʔo.
5 #
Wɔr 10:13
Lǎli bee ni syɔ́ɔnwee faala
wi ga Yawe mɛ́ɛgi yeri lè wee bee a syɔɔ,
níì cán wozyɔɔbèlē a pye Siyɔn nyanbelegi na, ní Zyerusalɛmi ni
àmɛɛ Yawe gi joo lè,
bele Yawe a yeri lè
pe a pye bele nínge ni be kòro sìi na lè.
Currently Selected:
Zyowɛli 3: CB10
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.
