1 Cányi kèlē 6

Levii yòdaʔayaa

1 # Yir 6:16-19 Levii jáabèle be nyɛ: Gerisyɔn, ní Kehati, ní Merarii. 2Gerisyɔn jáabèle mɛ́ɛyɛ si yi nyɛ yee naa: Libinii, ní Syimeyi. 3Kehati jáabèle si i nyɛ: Amirami, ní Yisehari, ní Heburɔn, ní Uzyɛli. 4Merarii jáabèle si i nyɛ: Malii ní Musyii. Poro be pye Levii túluyi wòolo n yɛlɛ ní be tofɔlɛɛyi ní.

5Gerisyɔn wóbèle be nyɛ bele naa: Wi jáaw Libinii, Libinii jáaw Yahati, Yahati jáaw Zima. 6Zima jáaw Yowa, Yowa jáaw Ido, Ido jáaw Zera, Zera jáaw Yeyatirayi.

7Kehati jáabèle be nyɛ bele naa: Wi jáaw Aminadabi, Aminadabi jáaw Kore, Kore jáaw Asiiri, 8Asiiri jáaw Elikana, Elikana jáaw Ebyasafi, Ebyasafi jáaw Asiiri, 9Asiiri jáaw Tahati, Tahati jáaw Uriyɛli, Uriyɛli jáaw Uzya, Uzya jáaw Sawuli.

10Elikana jáabèle be nyɛ: Amasayi, ní Ahimɔti. 11Wi jáaw Elikana, Elikana jáaw Sofayi, Sofayi jáaw Nahati. 12Nahati jáaw Eliyabi, Eliyabi jáaw Yerohami, Yerohami jáaw Elikana, 13ní Samyɛli jáabèle, pìiseliw wi nyɛ Vasyinii,#6:13 Vasyinii: Pe wɔ́ɔ i mɛ́ɛgi naa yiri Zyowɛli, v.18. siin wów si i nyɛ Abiya.

14Merarii jáaw wi nyɛ Malii, Malii jáaw si i nyɛ Libinii, Libinii jáaw si i nyɛ Syimeyii, Syimeyii jáaw si i nyɛ Uza. 15Uza jáaw Syimeya, Syimeya jáaw Hagiya, Hagiya jáaw Asaya.

16Bele Davidi da télege lè paa ŋúnuyi yɛ́ʔɛ kínigi Yawe kpáagi ni lè, lǎli ni joogaanni kásu tɛ́nɛ̀ tɛɛ̀ŋɔndaala taa lè, poro be nyɛ bele naa. 17Pe fáliw wi da pye ŋúnuyi ŋùunɔ fànikpaagi yɛ́ʔɛ ma, gee bee n jo syɛ́ɛnmi tɛɛfàraga fànikpaʔa yɛ́ʔɛ ma, sáni Salomɔn í Yawe kpáagi faan Zyerusalɛmi ni lè. Pe maa ni be fáliw kpéʔele ni yɛlɛgi ní gee ní gi sɛ́bɛ n yaʔa be ma lè.

18Bele pe da pye fáliw na lè, n fàra be jáabèle na, poro be nyɛ bele naa: Kehati jáabèle ni: Heman wi lè ŋúnuŋùúw. Heman wi lè Zyowɛli jáaw, Zyowɛli wi lè Samyɛli jáaw. 19Samyɛli wi lè Elikana jáaw, Elikana wi lè Yerohami jáaw, Yerohami wi lè Eliyɛli jáaw, Eliyɛli wi lè Towa jáaw, 20Towa wi lè Suf jáaw, Suf wi lè Elikana jáaw, Elikana wi lè Mahati jáaw, Mahati wi lè Amasayi jáaw. 21Amasayi wi lè Elikana jáaw, Elikana wi lè Zyowɛli jáaw, Zyowɛli wi lè Azariya jáaw, Azariya wi lè Sofonii jáaw, 22Sofonii wi lè Tahati jáaw, Tahati wi lè Asiiri jáaw, Asiiri wi lè Ebyasafi jáaw, Ebyasafi wi lè Kore jáaw. 23Kore wi lè Yisehari jáaw, Yisehari wi lè Kehati jáaw, Kehati wi lè Levii jáaw, Levii wi lè Isirayɛli jáaw.

24Wi senyɛnw Azafi wi da ni yèré wi kàliige ma lè, woro wi nyɛ Berekiyahu jáaw, Berekiyahu wi lè Syimeya jáaw, 25Syimeya wi lè Mikayɛli jáaw, Mikayɛli wi lè Baaseya jáaw, Baaseya wi lè Malikiya jáaw 26Malikiya wi lè Etinii jáaw, Etinii wi lè Zera jáaw, Zera wi lè Adaya jáaw. 27Adaya wi lè Etan jáaw, Etan wi lè Zima jáaw, Zima wi lè Syimeyii jáaw. 28Syimeyii wi lè Yahati jáaw, Yahati wi lè Gerisyɔn jáaw, Gerisyɔn wi lè Levii jáaw.

29Merarii jáabèle be lè pe senyɛnbèle, poro bele be pye lè kàmɔnɔ ma, poro be nyɛ: Etan wi lè Kisyii jáaw, Kisyii wi lè Abidii jáaw, Abidii wi lè Maluki jáaw. 30Maluki wi lè Hasyabya jáaw, Hasyabya wi lè Amasya jáaw, Amasya wi lè Hilikiya jáaw, 31Hilikiya wi lè Amisii jáaw, Amisii wi lè Banii jáaw, Banii wi lè Syemɛɛri jáaw. 32Syemɛɛri wi lè Malii jáaw, Malii wi lè Musyii jáaw, Musyii wi lè Merarii jáaw, Merarii wi lè Levii jáaw.

33Pe senyɛnbèle be lè Levii ye, pe maa poro télege Kolocɔlɔɔ tɛɛkòrogi kpaʔa fáli myɛ pyele kánma na,

34 Aarɔn ní wi jáabèle maa ni sárigaw sórogi sáriga-sórigow sáriga-wòlo-yafanʔa na, ní nùndaanni yasorigoro sáriga-wòlo-yafanʔa na. Pe maa ni tɛɛcàndelegi fáli myɛ kpéʔele ni forogi, ní i kapeegèle kùsulugo fáli kpéʔele Isirayɛli ye ma ni yɛlɛgi ní gee myɛ ní Kolocɔlɔɔ falipyew Mowizi da joo n gbàn lè. 35Aarɔn jáabèle be nyɛ bele naa: Wi jáaw Eleyazari, Eleyazari jáaw wi lè Fineyasi, Fineyasi jáaw wi lè Abisyuwa, 36Abisyuwa jáaw wi lè Bukii, Bukii jáaw wi lè Uzii, Uzii jáaw wi lè Zeraya, 37Zeraya jáaw wi lè Merayɔti, Merayɔti jáaw wi lè Amariya, Amariya jáaw wi lè Ahitubi, 38Ahitubi jáaw wi lè Sadɔki, Sadɔki jáaw wi lè Ahimaasi.

Kěyee yi kaan Levii yòdaʔayi ma lè

39Be tɛɛ̀tɛ́nɛyi yi nyɛ yee naa n yɛlɛ ní be vǒyi ní, pe tɛɛ̀laʔagèle ni. Aarɔn jáabèle be pye lè Kehati ye túluyi wòolo, poro gɔ̌nw tɛ̀ɛn wozelibèle. 40Pe n Heburɔn kaan be ma Zyuda tári ni, n fàra gi taana tɛ́ɛyi na. 41Kàjáa kěgi sìnbirige ní gi kèpiigèle maa kaan Yefune jáaw Kalɛbi ma. 42Pe n kàsuro jée kěgi kaan Aarɔn jáabèle ma, ki lè Heburɔn, ní wɔ́ɔ̀ Libina, ní gi taana tɛ́ɛyi kaan be ma, n fàra Yatiiri, ní gi taana tɛ́ɛyi, ní Ɛsyitemowa, ní gi taana tɛ́ɛyi, 43ní Hilɛni, ní gi taana tɛ́ɛyi, ní Debiiri ní gi taana tɛ́ɛyi, 44ní Asyan, ní gi taana tɛ́ɛyi, ní Bɛti-Syemɛsyi ní gi taana tɛ́ɛyi na. 45Bɛnzyamɛ syɛɛnfelegi ni: Geba, ní gi taana tɛ́ɛyi, ní Alemɛti ní gi taana tɛ́ɛyi, ní Anatɔti, ní gi taana tɛ́ɛyi. Pe kěyi myɛ nyɔ́ɔ n pye kèye kɛɛ ní taanri n yɛlɛ ní be túluyi ní.

46Kehati jáabèle bele si na, poro maa kèye kɛɛ taa gɔ̌nwáari báriga ni Efirayimi syɛɛnfelegi túlugo woolo ni, ní Dan syɛɛnfelegi tíla, ní Manase syɛɛnfelegi tíla ni. 47A kèye kɛɛ ní taanri yirige Isakari syɛɛnfelegi, ní Azɛɛri syɛɛnfelegi, ní Nɛfitalii syɛɛnfelegi, ní Manase syɛɛnfelegee ni ki lè Basyan ni n kaan Gerisyɔmi jáabèle ma n yɛlɛ ní be túluyi ní. 48A kèye kɛɛ ní siin yirige Wurubɛn syɛɛnfelegi, ní Gadi syɛɛnfelegi, ní Zabulɔn syɛɛnfelegi ni gɔ̌nwáari báriga ni n kaan Merarii jáabèle ma n yɛlɛ ní be túluyi ní. 49A Isirayɛli ye kěyi ní yi taana tɛ́ɛyi kaan Levii ye ma.

50Pe n kěyi bee kaan gɔ̌nwáari báriga ni, yoro yee be wòlo lè mɛ́ɛpiigéle na Zyuda yòdaʔayi syɛɛnfelege, ní Simeyɔn yòdaʔayi syɛɛnfelege, ní Bɛnzyamɛ yòdaʔayi syɛɛnfelege ni.

51Kehati yòdaʔayi túlugo woolo si na, kěyee be taa lè, yi n yirige Efirayimi syɛɛnfelegi ni.

52Pe n kàsuro jée kěgi kaan be ma, ki lè Sisyɛmi, ní gi taana tɛ́ɛyi, Efirayimi nyanbeleyi kúlo ni, ní Gezɛɛri, ní gi taana tɛ́ɛyi ní, 53n fàra Yokimeyami ní gi taana tɛ́ɛyi, ní Bɛti-Horɔn, ní gi taana tɛ́ɛyi, 54ní Ayalɔn, ní gi taana tɛ́ɛyi, ní Gati-Irimɔn, ní gi taana tɛ́ɛyi na.

55Manase syɛɛnfelegi tíla wóyo yi nyɛ: Anɛɛri ní gi taana tɛ́ɛyi, ní Bileyami ní gi taana tɛ́ɛyi.

Kehati yòdaʔayi túlugo woolo pe da kòro lè yoro yi pye be wóyi.

56Yee be yirige Manase syɛɛnfelegi tíla túlugo woolo ni n kaan Gerisyɔmi yodaʔayi ma lè yoro yi nyɛ: Golan wi lè Basyan ni ní gi taana tɛ́ɛyi, ní Asyitarɔti, ní gi taana tɛ́ɛyi. 57Yee be yirige Isakari syɛɛnfelegi ni lè, yoro yi nyɛ Kedɛsyi, ní gi taana tɛ́ɛyi, ní Dabirati, ní gi taana tɛ́ɛyi, 58ní Aramɔti, ní gi taana tɛ́ɛyi, ní Anɛmi, ní gi taana tɛ́ɛyi. 59Yee be yirige Azɛɛri syɛɛnfelegi ni lè, yoro yi nyɛ Masyali, ní gi taana tɛ́ɛyi, ní Abidɔn, ní gi taana tɛ́ɛyi, 60ní Hukɔki, ní gi taana tɛ́ɛyi, ní Erehɔbi, ní gi taana tɛ́ɛyi: 61Yee be yirige Nɛfitalii syɛɛnfelegi ni lè, yoro yi nyɛ: Kedɛsyi wi lè Galile tári ni, ní gi taana tɛ́ɛyi, ní Hamɔn, ní gi taana tɛ́ɛyi, ní Kiiriyatayimi ní gi taana tɛ́ɛyi.

62Yee be yirige Zabulɔn syɛɛnfelegi ni n kaan Merarii yòdaʔayi ma yi kòro lè yoro yi nyɛ: Irimonɔ, ní gi taana tɛ́ɛyi, ní Tabɔɔri, ní gi taana tɛ́ɛyi. 63Yee be yirige Wurubɛn syɛɛnfelegi ni lè Zyuridɛnw jelige na, Zyeriko zǐnmi na, Zyuridɛn canʔafolomɔ ma, yoro yi nyɛ: Besɛɛri wi lè fìími tára ni, ní gi taana tɛ́ɛyi n fàra Yasa ní gi taana tɛ́ɛyi, 64ní Kedemɔti ní gi taana tɛ́ɛyi, ní Mefaati ní gi taana tɛ́ɛyi na. 65Yee be yirige Gadi syɛɛnfelegi ni lè, yoro yi nyɛ: Aramɔti, Galaadi ni, ní gi taana tɛ́ɛyi, ní Mahanayimi, ní gi taana tɛ́ɛyi, 66ní Hɛsyibɔn, ní gi taana tɛ́ɛyi, ní Yayezɛɛri ní gi taana tɛ́ɛyi.

Currently Selected:

1 Cányi kèlē 6: CB10

Highlight

Copy

Compare