1 Cányi kèlē 4

Zyuda yòdaʔayaa mɛ́ɛyɛ sɛ́bɛ

1Zyuda jáabèle be nyɛ: Perɛsi, ní Hesurɔn, ní Karimii, ní Huri, ní Syobali, 2á Syobali jáaw Ereyaya Yahati see, á Yahati Ahumayi, ní Lahadi see. Poro be nyɛ Soreya ye túluyi wòolo.

3Etami tóow yòdaʔaya yi nyɛ yee naa: Zyizireyɛli, ní Yisyima, ní Idiba, pe senyɛnjew mɛ́ʔɛ si i nyɛ Haselɛliponii. 4Penuwɛli wi pye Gedɔɔri tóow, á Ezɛɛri si i nyɛ Husya tóow. Poro be pye Huri jáabèle, wi pye lè Efirata pìiseliw, Efirata wi lè Bɛtilehɛmi tóow.

5Asyihuri wi lè Tekowa tóow, càbala siin maa pye wi ma, poro be pye Heleya, ní Naara. 6A Naara Ahuzami, ní Hefɛɛri, ní Temɛnii, ní Ahasyitarii see wi ma. Poro be pye Naara pìíbèle. 7Heleya pìíbèle si i nyɛ: Serɛti, ní Sohari ní Etinan.

8Kɔsi wi Anubi, ní Hasobeba see, n fàra Harumi jáaw Ahareyɛli túlugi wòolo na.

9Yayebɛsi mɛ́ɛgi maa yiri n sɔ̀lɔ wi senyɛnbèle wóyo na. Wi nɔ́ɔw maa wi mɛ́ɛgi le ni wi yiri Yayebɛsi, níì jo: «Mii n wi see wɔʔɔgɔ ni.» 10A Yayebɛsi Isirayɛli Kolocɔlɔw mɛ́ʔɛ yeri níì jo: «Mɔ ga dùbaw taʔa mii na saʔa, mɔ ga mii láʔagoloyi lúrugo kàdoʔo ma,

mɔ kɔ́gi ga pye ní mii ní, mɔ a kálagili léeli mii na, mii wɔʔɔgi si kwɔ́ɔ.»

Gee wi nyɛ́ɛri lè, a Kolocɔlɔɔ gi kaan wi ma.

11Kelubi wi lè Syuha senyɛnw, woro wi Mehiiri see, wi pye lè Ɛsyitɔn tóow. 12Ɛsyitɔn wi Arafa kpáagi wòolo, ní Paseya see n fàra Tehina na, wi lè Nahasyi kěgi tɛ́ʔɛfɔlɔ. Poro be pye Ereka ye nǎnbèle.

13Kenazi jáabèle be nyɛ: Otinyɛli, ní Seraya. Otinyɛli jáabèle si i nyɛ: Hatati, ní Mewonotayi, 14Mewonotayi wi Ofira see, á Seraya Zyowabi see, Zyowabi wi lè fáliw kacanbèlē jinlɔgɔ tóo, níì cán pe maa pye fáliw kacanbèlē. 15Kalɛbi wi lè Yefune jáaw, woro jáabèle be nyɛ bele naa: Iru, ní Ela, ní Naami, ní Ela jáaw Kenazi.

16Yehaleleyɛli jáabèle si i nyɛ: Ziifi, ní Ziifa, ní Tiiriya, ní Asareyɛli.

17Ɛsidirasi jáabèle si i nyɛ: Yetɛɛri, ní Meredi, ní Efɛɛri, ní Yalɔn. A Meredi céw Miriyami, ní Syamayi see, n fàra Yisyiba na, wi lè Ɛsyitemowa ye tóow. 18Wi céw wi pye lè Zyuda ye wów, woro wi Yeredi see, wi lè Gedɔɔri tóow, ní Hebɛɛri, wi lè Soko tóow, ní Yekutyɛli, wi lè Zanowa tóow. Poro be pye Faraɔn jáaw Bitiya pìíbèle, woro wee Meredi da láa lè wi cɔɔ̀.

19Odiya céw wi lè Nahami senyɛnjew woro pìíbèle be nyɛ: Keyila tóow wi lè Garimii ye wów, ní Ɛsyitemowa wi lè Maaka ye wów. 20Simɔn jáabèle si i nyɛ: Aminɔn, ní Irina, ní Bɛn-Hanan, ní Tilɔn. Yisyeyi jáabèle si i nyɛ: Zohɛti, ní Bɛn-Zohɛti.

21Zyuda jáaw Syela jáabèle si i nyɛ: Ɛri wi lè Leka tóow, ní Layeda, wi lè Maresya tóow, ní Asyibeya túlugi kpaʔa wòolo beè be lɛn fàniw fáli kpéʔele lè 22ní Yokimi, ní Kozeba nǎnbèle, ní Yowasyi, n fàra Sarafi na, poro bele pe da ni Mowabi kàragí lè, ní Yasyubii-Lehɛmi.#4:22 Yasyubii-Lehɛmi: Syɛ́ɛnri naa a wɔ́ɔ gbǎn jo, n fàra Sarafi na, poro bele be Mowabi cébèle pèle pɔri lè, níì lúru n baa tɛ́ɛn Bɛtilehɛmi ni. Kérigèle bee n lɛɛ. 23Poro be pye cóofaanbèle, níì tɛ́ɛn tíiri séye, ní tɛɛsùluyi ni, beè be pye fànʔafɔw taana ní i báara wi ma.

Simeyɔn yòdaʔayi

24Simeyɔn jáabèle be nyɛ: Nemuwɛli, ní Yamɛ, ní Yaribi, ní Zera, ní Sawuli. 25Sawuli jáaw wi pye Syalumi, Syalumi jáaw si i nyɛ Mibisami, Mibisami jáaw si i nyɛ Misyima. 26Misyima jáaw si i nyɛ: Hamuwɛli, Hamuwɛli jáaw si i nyɛ Zakuuri, Zakuuri jáaw si i nyɛ Syimeyi. 27Syimeyii maa nànbiigéle kɛɛ ní kɔrɔni, ní calipiigèlē kɔrɔni taa. Wi senyɛnbèle si ga nànbiigéle saʔa taa í. Pe túluyi wòolo myɛ da nɛʔɛ n Zyuda yòdaʔayi wòolo kwɔ́ɔ í.

28 # Zyoz 19:2-8 Pe maa tɛ́ɛn Bɛɛri-Syeba, ní Molada, ní Hasari-Syuwali, 29ní Biiliha, ní Esɛmi, ní Toladi, 30ní Betuwɛli, ní Horima, ní Sikilagi, 31ní Bɛti-Marikabɔti, ní Hasari-Susimi, ní Bɛti-Biireyi, ní Syaarayimi ni. Yoro yi pye be kèkpoloyi, ní be kèpiigèle fwɔɔ n taa n baa nan Davidi fǎngi làla na. 32Etami, ní Ayɛn, ní Irimɔn, ní Tokɛn, ní Asyan n pye be woyò. Yoro n pye kekpoloyo kagunɔ, 33ní kèpiigèle ge kěyi bee màʔa lè fwɔɔ n sáà nan Baalati na. Yoro yi pye be tɛɛ̀tɛ́nɛyi, n fàra be tofɔlɛɛyi mɛ́ɛyɛ na.

34Mesyobabi, ní Yamilɛki, ní Yosya, wi lè Amasya jáaw, 35ní Zyowɛli, ní Zyehu, Zyehu wi lè Yosyibya jáaw, Yosyibya wi lè Seraya jáaw, Seraya wi lè Asiyɛli jáaw, 36ní Eliyoyenayi, ní Yaakoba, ní Yesyohaya, ní Asaya, ní Adyɛli, ní Yesimyɛli, ní Benaya, 37ní Ziza wi lè Syifeyi jáaw, Syifeyi wi lè Alɔn jáaw, ní Alɔn wi lè Yedaya jáaw, ní Yedaya wi lè Syimirii jáaw, ní Syimirii wi lè Syemayeya jáaw.

38Bele naa mɛ́ɛyɛ yi yeri lè yee, pe n pye fànʔafɔbiigéle pe túluyi wòolo ni á kàa taʔa pe narigbaayi wòolo na saʔa. 39A be kári fwɔɔ n sáà nan Gedɔɔri tɛɛ̀jeeli na, jǐnlɔgi canʔafolomɔ kabangi na, bi nyàā caa be yaweeyiligèle ma. 40A be sáà nyàácàndelege nyaa yaà, á tári wɔ́ɔ̀ kpɔ́ʔɔ, ní i nyɛ sági, yɛɛ̀nyinge na. Níì cán bele pe da séli pye yaà lè wodɛ́ɛnbéle ní di ni, pe n pye Kami yòdaʔaya. 41Syɛ́ɛnbèle bee be sɛ́bɛ pe mɛ́ɛyi na lè, pe n nan yaà Zyuda fànʔafɔw Ezekyasi lǎli ni, fànikpaayi ní kpáagèle ge pye yaà lè níì toro kpúmɔn n cáan. Syɛ́ɛnbèle be pye yaà lè níì poro kálagi n kwɔ́ɔ péw, a gi kòro nya fwɔɔ n baa nan cángi naa na, níì tɛ́ɛn pe sìndɛɛgi ni, níì cán nyàā maa pye yaà pe yaweeyiligèle ma.#4:41 Syɛ́ɛnri naa a wɔ́ɔ gbǎn jo, níì too Kami ye, ní Maɔn ye na be tɛɛkòroyi ni.

42Simeyɔn jáabèle pèle n wɔ́ɔ̀ pye yaà, pe nyɔ́ɔgi n pye nànbēle saala siin ní dabata, a poro kári Seyiiri nyanbeleyi kúlo ma. Bele be pye lè be nyúngi na poro be pye Pelatya, ní Neyariya, ní Erefaya, ní Uzyɛli, be pye lè Yisyeyi jáabèle. 43Amalɛki wozanbèle pe da fàn n syɔɔ lè, a be poro jáa níì tɛ́ɛn yaà beè fwɔɔ n baa nan níjanʔa na.

Currently Selected:

1 Cányi kèlē 4: CB10

Highlight

Copy

Compare