Isaías 65
65
Da llxoa dol kull be'nn wednay ka'
1Xanllon nee:
be'nn ka' bitbi ne' wnabre nada'
le aken bed konen nada'
be'nn ka' bi bayirj nada'
le aken ballelre nada'.
To yell bi ne walwill nada'
le aken gulla: Gani' zia.
2Dulla bchirja taka ka'
nench'na wayaxha yell wednayen
zajze tnez mar ka
naw ake' llun ake' kon da llen akre,
3zu to yell
lladyi nada' kuen kuenze,
na llute bayix lloerawe dios yub akre latj gan naz ake' yej na yay xhixh
na llzey ake' llen yar raw bkuy de ladriy ka',
4na llbe ake' radj ba ke be'nn wat ka'
na llna' ake' yer latj ga ngach,
na llaw ake' ber kuch
na llaslla ake' yes ke ake' ka' konen xhojla da nak sral.
5Ne ake': gana'ze bze, bit kano nada',
xte zitere xhirall naka na kanlizo nada'.
Be'nn ka' nak ake' ka' yi' da llalnin du lla
llumbey akre nada' ke to lleen da llo lo xhinllo.
6Axha doxhente dani nyojen konen nada',
na bi soa lliteze,
wia le ake' da llayal si' ake',
7katk xhia ka' ba ben aken
na leska ka' daxhinj ke xha ake' ka'.
Le aken bzey ake' llen yar raw ya' ka'
na godyi ake' nada' raw rum ka'.
Zatk wayuna kuent
natell we ake' da llayal si' ake'.
Xanllon ba bnee ka'.
Xanllon bnee gunlaye
8Xanllon nee:
katen yull lolj uvas ka'
be'nn ka' bi lleyi aken,
le daxhen zu ke uvas wak koej aken.
Kakse guna nada' nike yel nllie kia konen be'nn wen llin kia ka':
bi wlleyia doxhente latj yell-li'on.
9Guna nench'na Jacoben cha xhi'nn xhasoe,
na lljacha be'nn Judá ka' raw ya' kia ka'.
Be'nn ka' ba breja wlan ake' yell li'on,
be'nn wen llin kia ka' llajsu ake' gana'.
10Rach ke Sarón'na, wallate chan xhir ake',
na rach ke Arcor'na gaw bell ka' yixh ga
da gat ke yellen llayirj nada'.
11Axha re' llabiyre kwit Xanllon
na llalallre ya' xhirall kian,
na llazarallre yelwao, na zu ke uva
kone Gad na Mení, dios ke yel wnian,
12to da binak wen llbexhen re':
guna nench'na gut ake' re' kone spad.
Le nadan guxha re' na re bi ballire,
bnia re' na bi bzenayre kia,
benle da bi nuna latj gunle,
blliere da bi llazralla.
13Kelen'na, Xanllon nee:
Gat da gaw be'nn wen llin kia ka',
re' tere win da yej da gawre,
le aken gat da yej ake',
axha re yebilere,
le aken yewe akre,
axha re' sire sdo,
14le aken gul ake' yel llawe
nike yel nbarazen zu lo raxhdao aken,
axha re' gusiare na koellre
nike yel yiachen na dan llalleyrawren.
15Be'nn ka' ba breja gunlen ake' ra'ren llin
nench'na gun ake' de'e na wnab ake' yel gut ke be'nn yubre,
axha be'nn wen llin kia ka' wacha ra aken.
16Nuteze be'nn lla' latj yell-liw ni wnabe to yel nak lay,
wnaben raw Diozen llun dalixhajen,
na nuteze be'nn lla' raw latj yell-liw ni wchebe'e bi da gunee,
wchebe'e kone ra Dios llun dalixhajen.
Da ka' llzoayiach kan batna nullno llajdinlall len,
ba baran aken kone nada'.
17Lewiakero nada' guna
to yeba kub na to yell-liw kub.
Dan ba bden waganen nutno llajdinlall le'en,
nullno llajdinlall le'en.
18Le yewe na le zu nbaraz ke chnare
nike dan guna,
le guna to Jerusalén da su nbaraz,
na to yell su nbaraz lljazu gana'.
19Nadaksa yewera nike Jerusalén'na
na sua nbaraz nike yell kian.
Rawe'na nullno yen akre koell
na nullno gusia yel lljale.
20Gana' bill kweyi bidao chin llarjze,
ni be'nn gur bi su ka' llayal.
Cha ba gute'e ket ba gukre to gayoa yiz, gaken ka' be'nn gut llaban,
na cha bi bllin ake' to gayoa yiz gaken ke to de'e.
21Be'nn ka' gunchaw ake' yo' ke ake' ka' na zu aken
gaz ake' lba uvas na gaw ake' uvas ka'.
22Bigak chetka gunchaw aken, na be'nn yubre su gana',
o cha toe gaz, na be'nn yubre warap.
Yell kian sue to yel nban xhen, ka' ke to yay,
na be'nn ka' ba biazrallan si' ake' banez llin ka' gun ake' kone tak ake' ka'.
23Bi gun ake' llin dadze
bi gak kweyi xhi'nn ake' ket bine' llin lla ke akbe,
le le akben nak akbe xhi'nn xhasoa
be'nn ka' ba benlay Xanllon,
lekse ka' gak ke xhi'nn xhasoa ake' ka.
24Nike ne walwill akze nada',
nada' wallia ke aken,
nike ne wayullze we ake' di'llen,
nada' wzenaya ke ake'.
25Bekw yiwon na xhir da'on gaw akba txhen,
bell yixhen gawba yix ga, kan llun bellen,
na belen gawba yu.
Raw doxhente ya' xhirall kian
nutno gat gun ni to da mar.
Xanllon ba bnee ka'.
Currently Selected:
Isaías 65: ZPUPAT
Highlight
Copy
Compare
Share
Want to have your highlights saved across all your devices? Sign up or sign in
Bible Society of Mexico
Learn More About Be'nnka'be Xti'll Dios
