Popular Bible Verses from Isaías 65

Share

Nike ne walwill akze nada', nada' wallia ke aken, nike ne wayullze we ake' di'llen, nada' wzenaya ke ake'.

Lewiakero nada' guna to yeba kub na to yell-liw kub. Dan ba bden waganen nutno llajdinlall le'en, nullno llajdinlall le'en.

Bi gun ake' llin dadze bi gak kweyi xhi'nn ake' ket bine' llin lla ke akbe, le le akben nak akbe xhi'nn xhasoa be'nn ka' ba benlay Xanllon, lekse ka' gak ke xhi'nn xhasoa ake' ka.

Bigak chetka gunchaw aken, na be'nn yubre su gana', o cha toe gaz, na be'nn yubre warap. Yell kian sue to yel nban xhen, ka' ke to yay, na be'nn ka' ba biazrallan si' ake' banez llin ka' gun ake' kone tak ake' ka'.

Gana' bill kweyi bidao chin llarjze, ni be'nn gur bi su ka' llayal. Cha ba gute'e ket ba gukre to gayoa yiz, gaken ka' be'nn gut llaban, na cha bi bllin ake' to gayoa yiz gaken ke to de'e.

Bekw yiwon na xhir da'on gaw akba txhen, bell yixhen gawba yix ga, kan llun bellen, na belen gawba yu. Raw doxhente ya' xhirall kian nutno gat gun ni to da mar. Xanllon ba bnee ka'.

Nadaksa yewera nike Jerusalén'na na sua nbaraz nike yell kian. Rawe'na nullno yen akre koell na nullno gusia yel lljale.